Já Hjálmar Árnason hefur séð ljósið. Það er stjórnarandstaðan sem býr til verðbólguna með því að tala og mala á Alþingi. Þetta kallar á gerbreytingu á efnahagsaðgerðum ríkisstjórnarinnar og Seðlabankans. Í staðinn fyrir gamaldags kukl eins og hækkun á stýrivöxtum eða hækkaða kröfu um eiginfjárhlutfall er nóg að kefla þingmenn stjórnarandstöðunnar eða taka míkrafóninn í ræðupúlti Alþingis úr sambandi þegar þeir tala.
En þetta þýðir að hin meinta fræðigrein "Hagfræðin" hefir verið afhjúpuð sem alger gervivísindi. Hún verður sett í sömu fótnótu vísindasögunnar og "Ljósvakinn" (Flogeston). Og þar með er t.d. ástæða til að leggja kennslu í þessu niður í háskólum. Og ég þarf ekki að taka fram að Nobels-verðlaun sem meintir fræðimenn hafa fengið gegnum árin eru augljóslega fengin á röngum forsendum, þar er verið að verðlauna svikahrappa og hrekkjalóma fyrir lygasögur um meint gangverk hagkerfisins, lygasögur sem við hin gátum vel sagt okkur að væri bara tilbúningur.
Ég segi bara eins og gagnrýnandinn um Vefarinn mikla ... LOKSINS LOKSINS. Sjá http://www2.mbl.is/mm/serefni/laxness/loksins.html
Já, en svo búa þeir hana til með því að tala um hana.
Rétt eins og prestarnir eru á móti draugatrú og hindurvitnum en tala svo um 2000 áragamlan himnadraug hebreskan og hindurvitni í kringum hann.
AUÐVITAÐ!!!! takk fyrir að leiðrétta þetta hjá mér. Ég hef greinilega ráfað um villigötur alltof lengi.
Ég er sammála. Helvítis stjórnarandstaðan eyðileggur alltaf allt! Með endalausu málþófi tekst þeim að vekja upp verðbólgudrauginn, atvinnuleysi, lakari kjör aldraðra, aukna misskiptingu í þjóðfélaginu, ótta, gengishrun og bókstaflega allt sem er slæmt eða getur farið úrskeiðis.
Legg ég til að þingmenn þeirra verði tjóðraðir niður svo að stjórnarliðar og ríkisstjórn geti loksins athafnað sig eftir þessi 15 ár af truflunum og málþófi.
Reynir að hugsa um fleiri hluti sem hægt er að kenna stjórnarandstöðunni um
kult maður. Ég frétti að þeir væru allir á kafi í kult.
Það hefur ræst sem spámaðurinn Steingrímur Landsfaðir Hermannson sagði:
Ja á Íslandi gilda sérstök efnahagslögmál. (Bréf Björns til Fáskrúðsfirðinga, 3:21)
Áralöng seta á Alþingi jafnast á við doktorspróf í hagfræði. (Jeverrasejaða, 11:7)
Ljóst er að stjórnarandstaðan og reyndar stjórnin líka er hin nýja hagfræði í ljósi áralangrar setu á Alþingi og því ljóst að hún stjórnar vorum sérstöku efnahagslögmálum. Hagfræðin er loksins dauð, enda gagnslaus með öllu. Lifi pólitík.