Ég er með þá kenningu að leyndardómurinn bak við kjörfylgi Framsóknar sé hið einstaka bros Halldórs Ásgrímssonar. Eins og vitað er brosir Halldór nánast aðeins í kringum kosningar og má af þessu draga þá rökréttu ályktun að í brosi hans leynist ræsibúnaður sem startar XB flögum sem komið hefur verið fyrir í kjósendum...
"Einstakt" er brosið vissulega....
hryllir sig
Gætið ykkar. Ég hef tekið eftir því undanfarin misseri að æ fleiri klæðast lopapeysum sem er ekkert annað en vísbending um fylgisaukningu frammsóknarflokksins.
Framsóknarmenn sakna náttúrulega áróðursherrans síns gamla. Myglar er fastur í framtíðinni (sem er auðvitað svolítið óvanalegt fyrir Framsóknarmann) en á meðan dalar fylgið.
Það nægir að Halldór brosi munúðarfullt á flettiskiltum og húsveggjum þá er 20% fylgi tryggt.Brestur í óstöðvandi grát
Bros Halldórs er jafn munúðarfullt og grettan á dauðri geit. Ef einhver fílar það, er mér sosem sama.
Hví segja menn hér svo margt ljótt um þann ágæta flokk, Framsóknarflokkinn, sem hefur leitt Ísland á vegi framfara og velsældar allt frá stofnun hans. Hvernig var staðan á síðari hluta 19. aldar? Þá var Framsóknarflokkurinn ekki til. Og fólk hírðist í lekum torfbæjum og þeir sem betur máttu í kalsömum timburhúsaræflum, fólk dróg fram lífið með sama hætti og þjóðin hafði gert frá landnám, matur allur hertur eða sýrður, ef það var þá einhver matur til. Og á meðan mökuðu erlendir selstöðukaupmenn og nýtilkominn innlend kaupmannastétt krókinn með því að hella bændurnar fulla þegar þeir komu í kaupstaðinn svo þeir keyptu brennivín fyrir allt sem þeir voru að leggja inn hjá kaupmaninum þótt búið vantaði helstu nauðsynjar. Og vel að merkja þá var þetta mikil framför frá einokunarversluninni og þeim hörmungartímum sem kenndir hafa verið við einveldi og pitisma, hallæri og mannfelli, ca. 1550-1800.
En nú, eftir áratuga stjórn Framsóknarflokksins, nú er öldin önnur. Barnadauði með því lægsta sem þekkist. Berklum hefur verið útrýmt og heilbrigðiskerfið og almenn velferð í mjög háum standard. Börn leika sér í Playstation 2 meðan þeir sem eldri eru gamna sér á margmilljónajeppum á fjöllum uppi eða snekkjum á Faxaflóa. Utanlandsferðir, fyrrum forréttindi Hafnarstúdenta sem síðan drekktu sér í síkjum Kaupinhafnar eða einhverju vatnsfalli á Íslandi, þá þeir fóru fullir í embættisferðir að vor- og vetrarlagi, nú eru þær orðnar að hvers manns gamni. Velsæld hefur tekið við af vansæld, hagsæld hefur tekið við af vesöld, öll skilyrði eru til fagurs mannlífs í sveit og í borg.
Það eru fjölmörg lönd sem ekki hafa Framsóknarflokk. Hvernig er það t.d. í Súdan? Þar er ekki Framsóknarflokkur. Þar er hungursneið og borgarastyrjöld, barnadauði og hörmungarástand. Á Íslandi er Framsóknarflokkur. Á Íslandi hefur fólk nóg að éta og þar er engin borgarstyrjöld. Í fátækrahverfum Soweto er enginn Framsóknarflokkur. Í fátækrahverfum Soweto hafa krakkarnir ekki tölvu. Á Íslandi er Framsóknarflokkur. Á Íslandi er allt undir 520 Mb talið gamalt drasl og krakkarnir leggjast í gólfið og orga ef ekki er keypt bæði X-box 360 og PS3 og ný tegund af farsíma sem getur bæði tekið myndir og spilað MP3.
Já við Íslendingar eigum Framsóknarflokknum mikið að þakka. En sjaldan launar kálfurinn ofeldið Og það verður ekki af þeim tekið sem hafa tjáð sig á þessum þræði, þeir eru kálfar. Blautir bak við eyrun í stjórnmála- og þjóðhaggreiningu sinni. Blautir bak við eyrun í Íslandssögunni. Samanburðarstjórnmálin eru þeim ókunn. Og ekki þora þeir að slefa utan í það að benda á dæmi máli sínu til stuðnings. En hátt baula þeir og mikið án nokkurs efnislegs innihalds.
Var ekki SS-Hellu að auglýsa eftir sláturgripum um daginn?
Og svo má ekki gleyma því að Framsóknarflokkurinn fann upp Internetið. Fyrir daga Framsóknar var það nefnilega ekki til Reynir að leyna svörtum blettum á ónefndum stað.
Þessi framboðsræða stenst engan veginn. Sýnir öllu heldur algera fjarveru Framsóknarflokksins frá raunveruleikanum. Styður báðum höndum á mjaðmir, hallar sér aftur og hlær eins djúpum hlátri og unnt er
Ja Valdimir, þú getur velt fyrir þér hvar Internetið væri á vegi statt ef Vinstri hreyfingin grænt framboð hefði verið við völd síðustu áratugina. Enginn ljósleiðari hefði verið lagður því náttúran er svo verðmæt og enginn örbylgjuloftnet heldur því ekki má menga loftið með alls kyns bylgjum. Og allur koparvírinn í landsneti símans hefði verið friðaður eins og öll gömlu húsin við Laugaveg og þá hefði ekki mátt senda merkið eftir þeim. Sett væri á stofn sérstök Símfriðunarnefnd með rannsóknar- og úrskurðarvald sem gæti með einum úrskurði friðað mörg hundruð kílómetra af símalínum. Og af því fólk getur haft atvinnu af því að vera með fyrirtæki sem annast alls kyns þjónustu í gegnum netið þá hefði slíkt verið bannað, enda bara kapítalísk ánauð og verið að hygla hinum framtakssömu á kostnað hinna framtakslausu, hygla þeim sem nenna að vinna á kostnað hinna sem ekki nenna. Og fólk eyðir tíma í Internetið sem er þar með komið í samkeppni við leikhúsin um að vera afþreying fólksins. Og þar sem VG er sérlega velviljað leikhúsunum gæti það alls ekki þolað að þetta kapítaíska fyrirbrigði, Internetið, væri starfrækt óheft við hlið leikhúsanna.
Nei, það skiptir máli hvaða flokkur er við stjórnvölinn! Framsóknarflokkurinn er ekki á móti nútímanum eins og VG svo sannarlega er. Framsóknarflokkurinn styður Internetið og framþróun þess.
Ja Valdimir, þú getur velt fyrir þér hvar Internetið væri á vegi statt ef Vinstri hreyfingin grænt framboð hefði verið við völd síðustu áratugina. Enginn ljósleiðari hefði verið lagður því náttúran er svo verðmæt og enginn örbylgjuloftnet heldur því ekki má menga loftið með alls kyns bylgjum. Og allur koparvírinn í landsneti símans hefði verið friðaður eins og öll gömlu húsin við Laugaveg og þá hefði ekki mátt senda merkið eftir þeim. Sett væri á stofn sérstök Símfriðunarnefnd með rannsóknar- og úrskurðarvald sem gæti með einum úrskurði friðað mörg hundruð kílómetra af símalínum. Og af því fólk getur haft atvinnu af því að vera með fyrirtæki sem annast alls kyns þjónustu í gegnum netið þá hefði slíkt verið bannað, enda bara kapítalísk ánauð og verið að hygla hinum framtakssömu á kostnað hinna framtakslausu, hygla þeim sem nenna að vinna á kostnað hinna sem ekki nenna. Og fólk eyðir tíma í Internetið sem er þar með komið í samkeppni við leikhúsin um að vera afþreying fólksins. Og þar sem VG er sérlega velviljað leikhúsunum gæti það alls ekki þolað að þetta kapítaíska fyrirbrigði, Internetið, væri starfrækt óheft við hlið leikhúsanna.
Nei, það skiptir máli hvaða flokkur er við stjórnvölinn! Framsóknarflokkurinn er ekki á móti nútímanum eins og VG svo sannarlega er. Framsóknarflokkurinn styður Internetið og framþróun þess.
Merkileg lesning. En hver er þessi Framsóknarflokkur? Ég hef heyrt að hann sé minni en Plútó séð frá jörðu með berum augum, að degi til.
Merkileg lesning. En hver er þessi Framsóknarflokkur? Ég hef heyrt að hann sé minni en Plútó séð frá jörðu með berum augum, að degi til.
Framsóknarflokkurinn er stefnulaus hópur manna sem á það eitt sameiginlegt að vera sturlaður úr valdagræðgi og nota fáránlega gult brúnkukrem í hlægilegu óhófi.
Skemmtileg úttekt á þessu fyrirbæri er að finna í nýjasta tölublaði Vínberjastilks. Þar líkir greinarhöfundur flokknum við framsæknar rokksveitir 9. áratugarins, sem eru nú úreltar og kjánalegar.
Mín persónulega skoðun er sú að það er með eindæmum pirrandi að sjá hvernig þessu apparati tekst ávallt að rífa sig upp í margfalt kannanafylgi sitt um hverjar einustu kosningar.
Ég ætla ekki að rífast aftur við voff. Það er eitthvað svo bjánalegt að rífast við hund um pólitík.
Jahh trikkið er bara að lofa göngum um land allt og standa ekki við það.