Bjórinn góði belgir vömb,
bumbu myndar stóra.
Snæði glaður lítil lömb
lífs er nautna hóra.

Ananas í eftirrétt
ís úr stórri dollu.

Ananas í eftirrétt
ís úr stórri dollu.
Engin var það ekki-frétt
eftir grillsins rollu.

Í forrétti var folaldsnýra
flamberað á teini.

Í forrétti var folaldsnýra
flamberað á teini.
Ufsa, Þorsk og einnig Hlýra
át af heitum steini.

Sviðaaugu súrsuð með
sinnepsgjáðum eyrum

Sviðaaugu súrsuð með
sinnepsgjáðum eyrum
bæst og kæst eitt bambustréð
blátt í munninn keyrum.

Sykurlagðan súrálinn
sýg ég upp úr fati.

Sviðaaugu súrsuð með
sinnepsgjáðum eyrum
Tungan bísna bætir geð
best með hnakka meirum

Rófustappa rosgóð
rauðkál með og baunir

Rófustappa ros[a]góð
rauðkál með og baunir.
Fítonskraft hin frónska þjóð
fær, við hverjar raunir.
-------------------------------
Áfram skal hér ort um mat;
í sig meir skal troða

Áfram skal hér ort um mat;
í sig meir skal troða
potá sínar garnir gat
og gubba oní vaskafat

Neðanjarðar nenni ég
naumast lengi að dúsa

Neðanjarðar nenni ég
naumast lengi að dúsa;
ætla mér hinn efri veg
til almættisins húsa.
---------------------------
Engan hitti himnum á
úr hópi vina minna

Engan hitti himnum á
úr hópi vina minna
Þeir dans' á hæl og dillidá
djöfsa hjá og spinna

Margir hafa merkilegt nokk
mikið fram að færa

Margir hafa merkilekt nokk
mikið fram að færa
áðan sá ég Kalla kokk
kæsta sköt'upp færa.

Líður senn að sprengidegi
saltkjöt étum og baunir með,

Gný...

Nei, þýðir ekki.

Held ég hoppi bara, þar sem snyrtilega ofstuðlað er í þriðju línu þaráundan

Engan hitti himnum á
úr hópi vina minna
oní víti Áka hjá
eru sér að brynna.

Himnagauf og hörpuspil
held ég mörgum leiðist

Himnagauf og hörpuspil
held ég mörgum leiðist,
vonda fólkið vísast til
vera þarna neyðist.

Hvort er allt vort eftirlíf
eintómt helgistundardund?

Hvort er allt vort eftirlíf
eintómt helgistundardund?
eða má í víti víf
virkja heit og munda pund?

Kannski fæst þar kranabjór
og kóbaltbættar veigar!

Kannski fæst þar kranabjór
og kóbaltbættar veigar
púkar stofna karla kór
og kvalarinn vínið teygar.

Nú er úti bongo blíða
bjart er upp í Kollafjörð.

Nú er úti bongo blíða
bjart er upp í Kollafjörð
Fá sér kannski smá að *íða
og kyssa síðan móður jörð

Kannski kann ég
eitt að kyrkja

Þú ert nú meiri pottormurinn. Setur höfuðstað á vitlausan stað.

Nú er úti bongo blíða
bjart er upp í Kollafjörð.
Þar mun út úr eggi skríða
Álver sem að spillir jörð

Nú er vorið víða komið
varla þó við Álftafjörð

Það rímar ekkert við 'komið' svo ég set þetta svona.

Nú er vorið víða komið
varla þó við Álftafjörð
Þar má finna fjandans ófrið
og frækilega lambaspörð.

Núna verð ég nár að sofa
í nöturlegri mold.