sinti yfir sundin blá
síldarbátur
þarna mátti fenginn fá
feikikátur

fæddi bæði frú og hjú
fjarðarsnapi
draga mátti björg í bú
báruknapi

Hretar kalda, hríðar fjára
hvítur faldar snjór og þýtur
Lyftist alda í ærsl með kára
Ægis vald í fjöru hnýtur

mér er um og mér er ó
myrkur leynist hér í sjó
vaggar bátur bylgjast mar
bíður kannski eitthvað þar

Aumt á haf í opnum bát.
Út ég róa.
Ætli fjúkið mér geri fát.
Á Faxaflóa.

Eitt er víst að á mér sléttist
andlit hrukkna,
og brjóstkassinn af þangi þéttist
þegar ég drukkna.

Öldur, unnur geysist grimm,
aldir áfram líða.
Kvöldið kemur nóttin dimm,
karlar sitja og bíða.

Eigi þora út á haf
óveður í stafni,
Unni þeim sem andann gaf
allir brátt í hafni.

sæfari siglir nú
og lítur sér til handar
biður bænir í góðri trú
kemur brátt til strandar

Oft til lofts og sjávar lítur
lindisprúður skipstjórinn,
Ef ei bára á skjeri brýtur
bíst hann strags í róðurinn.
----------------------------------
komið drengir dagur rennur
dólum út á fiski mið.
sjáið hvernig særinn brennur
stöldrum hjerna aðeins við
----------------------------------
Hjer ég lóða á löngum kabbla,
líst mér þetta allvel á
leggjum netinn nægan afla
í nótt við munum landi ná.