Núna nálgast í það að Bjólfskviða láti á sér kræla í kvikmyndahúsum hér og vilja ókunnir sérfræðingar telja að hún muni niðurgreiða allar skuldir ríkisins.
Ég hef litlar sem engar væntingar fyrir þessa mynd, þrátt fyrir að hún sé með dýrari myndunum sem okkar frón hefur gotið af sér.

Eina sem ég get sagt er að meint plakat fyrir myndina, sem sást í Fréttablaðinu um helgina, hafi verið álíka vel gert og ef einhver tólf ára drengur hafi komist í Photoshop í fyrsta sinn og ákveðið að leika sér með síu galdra.

‹Missir saur yfir ófögnuðinum›

Ekki má gleyma að þetta eru allt bara svífandi höfuð, sem er kannski táknrænt fyrir myndina, þó ég kannist ekki við svoleiðis úr kvæðinu sjálfu.

Áttu við þetta?

Mér finnst þetta nú bara fínt plaggat. Skil ekki hvað þú ert að kvarta. Nú þarf ég annars aðeins að skreppa frá til að hlusta á Justin Timberlake og drekka rótarbjór.

Minn kæri Þarfagreinir, ég held að það sé tími til að þú takir niður gleraugun svo að þú sjáir a.m.k. ljósið.

‹Miðar vembil truflaranum að Þarfagreini.›

... eða ég neyði þig til þess.

‹Poppar nanódópi í nös›

Þessi gleraugu eru áföst á mér, allt frá því þegar ég lenti í slæmu slysi með eldvörpu. Eitt ráð: Hiti og plast fara ekki vel saman.

Hins vegar er nákvæmlega ekkert að sjón minni. Ég er meira að segja með sjónminni og allt.

Við skulum bara vona að það sé ekki LEM minni(Lesa eingöngu Minni) og að hægt sé að kenna þér að meta fagurgalan í austri.

‹Sendir þarfagreini nokkrar Yaoi myndir›

Þetta ætti að endurræsa allt sjónminni og gera þér mögulegt að setja inn nýjan hugbúnað.

‹Hlær geðveikislega meðan hann skýtur vembil truflaranum á saklausa vegfarendur og aðra fjendur›

‹Skoðar myndirnar. Selur upp af ákafa›

ARRRRRG!

Þetta skal ég launa þér, ódámurinn þinn!

‹Sendir Loxosceles nokkur vel valin myndskeið af hinu merka vefsvæði ogrish.com›

Ég er sammála áttfætlunni. Ég hef nokkrar efasemdir varðandi þessa mynd. Plakatið er líka lélegt. Í það minnsta langt frá því að vera epískt. Stíll og yfirbragð þess gæti hentað nýjustu Steven Seagal myndinni en ekkert mikið meira. Það er einhvern veginn...gervilegt. Veit ekki hvað það er sem gerir þetta svona beint-á-vídeóhilluna-legt enda hef ég lítið vit á göldrum grafískrar hönnunar.

Sagan sjálf um Bjólfskviðu er ansi skemmtileg, hún bíður upp á ágætis hryllingsmynd í sjálfu sér og verður forvitnilegt að sjá hvernig þeir taka á henni, t.d. hvernig þeir höndla neðanvatnstilvikin. Ég óttast þó að þeir sökkvi ofan í drepleiðinlegar hryllingsmyndaklisjur.

Þetta verður í besta falli Ö-mynd!

Voða er eitthvað ólekkert lúkk á þér L.R minn!!
Þú ert eitthvað svo reiður ungur maður....
Viltu smá nudd og bleikan drykk með regnhlíf?

Ég held hann sé ekki týpan í slíkt. Látt'ann fá nokkrar handsprengur, life size G.I. Joe og Rambó safnið. Ég skal þyggja nuddið og drykkinn hvenær sem er.

Ég á næstum líf-stærðar plakat af Hann-Manni og Sergio Leone safnið með Clint Austviði. Hver þarf Rambó?

Ekki það að ég hafi neitt á móti karlgreyinu, enda dáðadrengur með meiru, þrátt fyrir stuðning sinn við Afgani.

Spurningin er samt hvor myndin verður svo betri:
Beowulf með Christopher Lambert, eða Beowulf með Gerard Þjóni?

Hvað ertu að gera með svona stórt plakat af Oliver Kahn uppá vegg?

Oliver Kahn hvað? Ég er meira fyrir norræn tröll og er því með plakat af Dolph Lungren eða Hilmar Harðjaxl eins og sumir þekkja hann.

Mér hefur alltaf þótt merkilegt hvað Dolf og Hilmar eru líkir.

‹Verður íhugull›

Þessi Dolph er nú bara að herma eftir Hilmari. Ekkert annað. En það er svosem skiljanlegt að menn eins og Dolph velji sér svona myndarlegar karlímyndir eins og Hilmar.