Sælir ritstjórnarkumpánar.
Mig langaði að skoða lítillega færslur mínar, sem eru orðnar æði margar og innihaldslausar. Hins vegar fæ ég tilkynninguna:
Engir spjallþræðir eða innlegg eiga við leitarskilyrði
Þegar ég fer af fyrstu innleggjasíðunni. Þetta á við hvort sem ég skoða mínar fyrstu færslur eða síðu 2.
Prófaði það sama hjá þeim sem koma næst í heimavarnaliðinu og það virkaði vel.
Hvernig stendur á þessu? Hafið þið eytt öllum mínum innleggjum? Það yrði svosum ekki mikill skaði af því en leitt, svona persónulega, að geta ekki valsað niður minningarstíg.
Dæmigert. Nú ertu búinn að eyðileggja kerfið með þessari munnræpu þinni.
Ánægður?
Eru þetta ekki bara svona voðalega þunn innlegg ? Þá eiginlega þunnlegg.
Tjah, er furða maður spyr ?
-
Þetta vandamál er reyndar verulega hvimleitt, sjerstaklega ef þetta kemur fyrir hjá fleiri gestum. Vjer notum þetta stundum í tengslum við orðsnilldargátuleikinn auk fleiri nota af þessu.
Reyndar sjáum vjer núna að til er sú einfalda krókaleið framhjá þessu vandamáli að fara í 'Leita' og gefa þar upp 'Hakuchi' í Leita að höfundi.
Segðu mér Enter er til einhver lausn á þessu hvimleiða vandamáli?
Ég fór að ráðum Vladimírs og gerði leit en sama vandamálið kom upp. Ég sé bara færslur á fyrstu síðu.
Ætlið þið að hindra að ég fái notið fortíðarljóma æsku minnar á Gestapó? Eruð þið virkilega svo miskunnarlausir?
Loksins einhver sem er allur að vilja gerður til að hjálpa manni.
Það er gott að vita af einhverjum öðlingi á Gestapó eins og Gimlé er.
Já. Hann er svo glaðvær og greiðvikinn blessaður. Algerlega laus við biturð og kaldhæðni sem gegnsýrir þjóðfélagið í dag. Það er enginn úlfur í sauðagæru þar sem Gimlé er annars vegar.
Já og þeir mættu sumir hverjir fá sér jafn fallega mynd og hann er með... gleður alltaf hjartað að sjá þetta glaðværa andlit... Gefur frá sér vellíðunarstunu