Hmmm... Þegar fólk býður einhverjum drykk heima hjá sér þá á það alltaf til nákvæmlega það sem gesturinn biður um, jafnvel þótt það séu flóknar hanastélsblöndur eða sjaldgæf eðalvín.
Ég veit ekki, þetta gerist allavega ekki á mínu heimili...
Starir þegjandi út í loftið
Það væri líka dáldið fyndið ef hinn eðalsvali James Bond fengi það bara framan í sig að það væri ekkert Martini til og hann gæti bara fengið vodkað óblandað eða blandað í kók eins og meðaljóninn. Eitthvað myndi kúlið láta á sjá.
Einnig má nefna að alltaf þegar góði kallinn ætlar að ná vonda kallinum, heyrist spennandi tónlist í bakgrunninum.
Tölvur eru enn þann dag í dag oft með grænann skjá í bíómyndum og lyklaborðið gefur frá sér klikk klikk hljóð eins og gamalt IBM og svo heyrist PÍP PÍP þegar tölvan er að vinna, líklega er heldur ekki búið að finna upp músina ennþá í Bíómyndum. Tímasprengjur gefa líka alltaf frá sér Píp-hljóð sem er sérlega hentugt þar sem yfirleytt er ekki ætlast til þess að þær finnist.