Jæja lömbin mín, er ekki tími til kominn að hleypa smá lífi í leikinn?
Alkunna er að af þeim liðum sem eiga sæti í efstu deild íslenskrar knattspyrnu karla, er samfleytt seta KR sú lengsta, um það bil frá Miklahvelli. En vera hvaða liðs er sú næstlengsta? Bónusstig er í boði fyrir hvaða ár þeir voru nýliðar.
Ég myndi giska á Val, en ég veit svo ósköp lítið um fótbolta.
Ekki voru það Valsmenn, þeirra vera er sú fimmta lengsta, frá 2005.
Hefur Keflavík nokkuð verið að falla mikið?
Það eru alveg 3 mánuðir síðan það gerðist síðast.
Svona fylgist ég vel með.
FH er búið að vera nokkuð lengi uppi - a.m.k. lengur en síðan 2005 miðað við titlafarganið, en ég held að það sé samt ekki rétta svarið.
Hverjir koma til greina, svona án þess að svindla?
Fram er nýfallið. Þróttarar og Víkingar nýkomnir upp, sem og Fjölnir.
Ég ætla að giska á Breiðablik núna.
Ég laug víst aðeins með Valsmennina, það leiðréttist hér með.
1. KR - síðan fyrir Krist
2. ??? - síðan ???? (spurningarmerkjafjöldi er ekki endilega sá sami og stafafjöldi)
3. FH - síðan 2001
4. Valur - síðan 2005
5. Breiðablik - síðan 2006
...
8./9. Fjölnir/Víkingur R- síðan 2014
Þróttarar verða nýliðar næsta sumar á meðan Fram og Keflavík leika í b-deild
Þetta er lið á höfuðborgarsvæðinu, nú eru ekki mörg eftir.
Er ekki til eitthvert fótboltalið sem heitir Fram?
Svo sannarlega! En Billi benti réttilega á að þeir eru nýfallnir og hafa ekki risið upp síðan.
Þá má Billi eiga réttinn. ef það er einhver matur í boði.
Er þetta silfurskeiðaraðdáendaliðið úr girðingabænum Garðabæ sem er að standa sig svona vel?
Hlær að vitleysunni í sjálfri sér
Ef það er ekki Stjarnan, þá kemur bara Fylkir til greina...
Ah. Ég gleymdi Fylki.
Ég myndi skjóta á það núna.
Auðvitað var það Fylkir! Fylkir og Stjarnan voru annars saman nýliðar í efstu deild árið 2000 en á meðan Fylkir barðist um titilinn, þá flaug Stjarnan þráðbeint niður aftur. Silfurskeiðungarnir hafa annars verið uppi síðan 2009 og skilað einum svindl-titli í hús.