— GESTAPÓ —
Hagyrðingar allra landa sameinist
» Gestapó   » Kveðist á
        1, 2, 3 ... 348, 349, 350 ... 459, 460, 461  
 • Svara • Vitna í •  Senda skilaboð Senda póst
Billi bilaði 5/10/11 00:20

Blálviðri og bleytuél
bráðum landann hræða.
Stilla máttu veðurvél
svo varla muni næða.

Ef þú leggur eyrun við
eflaust fljótt þú heyrir

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
 • Svara • Vitna í •  Senda skilaboð Senda póst
lappi 5/10/11 13:20



Ef þú leggur eyrun við
eflaust fljótt þú heyrir.
Þennan leiða norðan nið,
norn úr fjöllum keyrir.
------------------------------------
Eftir bísna langa bið
bjargast flest að lokum.

lappi
 • Svara • Vitna í •  Senda skilaboð Senda póst
Heimskautafroskur 5/10/11 19:19

Eftir langa býsna bið
bjargast flest að lokum
þegar blessað vínið við
til vökvunar svo slokum.

Það kvöldar oft í október
eftir daginn.

vér kvökum og þökkum
 • Svara • Vitna í •  Senda skilaboð Senda póst
lappi 6/10/11 16:24


Það kvöldar oft í oktober
eftir daginn.
Enginn tínir hin bláu ber
og býr í haginn.

---------------------------------------
Upp á Esju gengur greitt
garpurinn hann Fúsi.

lappi
 • Svara • Vitna í •  Senda skilaboð Senda póst
Heimskautafroskur 6/10/11 18:01

Upp á Esju gengur greitt
garpurinn hann Fúsi.
Á rauðum skóm hann rokkar feitt
og raðar í sig snúsi.

Ef allt þetta fólk sem nú æðir á fjöll
erindi á þarna á toppinn

vér kvökum og þökkum
 • Svara • Vitna í •  Senda skilaboð Senda póst
Billi bilaði 6/10/11 22:55

Ef allt þetta fólk sem nú æðir á fjöll
erindi á þarna á toppinn
það getur ey verið að góna á tröll
eða gott vera að fá sér í kroppinn.

Vaxtabætur vil ég fá
þó vexti enga greiði.

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
 • Svara • Vitna í •  Senda skilaboð Senda póst
lappi 6/10/11 23:01

Ef allt þettað fólk sem æðir á fjöll
erindi á þarna á toppinn.
það fellur á kné og tilbiður tröll
til þess að fá hita í kroppinn.
-
Vaxtabætur vil ég fá
þó vexti enga greiði.
Ólmur mun ég þiggja þá
þúsund kalla veiði.
-------------------------------------------
Hungraður kemur og biður um brauð
blessaður gefðu af kærlleik.

lappi
GESTUR
 • Svara • Vitna í •  Senda skilaboð Senda póst
Bullustrokkur 6/10/11 23:49

Hungraður kemur og biður um brauð
blessaður gefðu af kærleik
Afi minn sótti það á honum Rauð
einstökum skeiðandi færleik.

Danir seldu Isslendingum maðkað mjöl
og mæddu þá með leiðinlegu sproki

 • Svara • Vitna í •  Senda skilaboð Senda póst
Billi bilaði 7/10/11 22:05

Danir seldu Isslendingum maðkað mjöl
og mæddu þá með leiðinlegu sproki.
Til húsbygginga gáfu okkur fúna fjöl
við fengum loksins nóg af þeirra oki.

Ekkert finn ég orðaskart
andi minn nú linur.

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
 • Svara • Vitna í •  Senda skilaboð Senda póst
Ullargoði 8/10/11 08:58

Ekkert finn ég orðaskart
andi minn nú linur.
Botn ég spinn við bögupart
og blíðka sinnið, vinur.

Innivið í leti ligg
á laugardegi þessum.

 • Svara • Vitna í •  Senda skilaboð Senda póst
Billi bilaði 8/10/11 09:14

Innivið í leti ligg
á laugardegi þessum.
Bíð einn dag svo bljúgur þygg
blóðið Krists í messum.

Dánarför og fregn um jörð
fæst á morgni hverjum.

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
 • Svara • Vitna í •  Senda skilaboð Senda póst
Ullargoði 8/10/11 11:53

Dánarför og fregn um jörð
fæst á morgni hverjum.
Mín er vist í veröld hörð,
vafin þraut og erjum.

Áðan fór ég út í búð
eftir kók og snakki.

 • Svara • Vitna í •  Senda skilaboð Senda póst
Regína 8/10/11 13:28

Áðan fór ég út í búð
eftir kók og snakki,
svo aldrei framar yfirhúð
undan skinni bakki.

Skúrir falla á skógarblett,
skín á meðan sólin.

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
 • Svara • Vitna í •  Senda skilaboð Senda póst
lappi 8/10/11 13:44

[b

Áðan fór ég út í búð
eftir kók og snakki..
Lítra af mjólk og snúin snúð,
snuð og glás af hakki.

Skúrir falla á skógarblett
skín á meðan sólin.
Flæðir enn við Kögur klett,
kætast börn um jólin.

----------------------------------------
Regnið ört til foldar fellur,
fyllir allar lautir hér.
[/b]

lappi
 • Svara • Vitna í •  Senda skilaboð Senda póst
Heimskautafroskur 8/10/11 13:54

Skúrir falla á skógarblett,
skín á meðan sólin.
Þetta er bara nokkuð nett,
ég næ í Canon-tólin.

Regnið ört til foldar fellur,
fyllir allar lautir hér.

vér kvökum og þökkum
 • Svara • Vitna í •  Senda skilaboð Senda póst
Billi bilaði 8/10/11 18:38

Regnið ört til foldar fellur,
fyllir allar lautir hér.
Af hverjum dropa heyrist smellur,
hrikalega í eyrun sker.

Afkoman er ekki góð,
er á lögum halli.

Sérlegt hirðkrútt og gæludýr hinnar keisaralegu hátignar • Sitjandi á kornflögu, bíð ég þess að vagninn komi
 • Svara • Vitna í •  Senda skilaboð Senda póst
Loki 8/10/11 21:00

Afkoman er ekki góð,
er á lögum halli.
Um það svaka sorgleg ljóð
syngja Þrjú á palli.

Stríplast úti Ösp og Björk.
Af þeim laufið fýkur.

 • Svara • Vitna í •  Senda skilaboð Senda póst
Heimskautafroskur 8/10/11 22:05

Stríplast úti Ösp og Björk.
Af þeim laufið fýkur.
Úr þeim smíða eina örk
yfir fyrr en lýkur.

Eilífðin er eyðimörk,
alla tíminn svíkur

vér kvökum og þökkum
        1, 2, 3 ... 348, 349, 350 ... 459, 460, 461  
» Gestapó   » Kveðist á   » Hvað er nýtt?
Innskráning:
Viðurnefni:
Aðgangsorð: