Já ég átti meira að segja í mestu vandræðum með að gugla þeim Andrésum upp, og þá er nú mikið sagt.

Hvur orti:

Þetta færa þarf í stef,
þó ég hafi legið;
Lífið væri erfitt ef
enginn gæti hlegið.

Þetta tel ég vera Ómar Ragnarsson

Neibb, ekki var það hann. Gettu betur

Mér finnst ég vera nýbúin að lesa þetta. Ööö, Ragnar Aðalsteinsson?

Nei ekki var það Ragnar. Gettu betur

Flosi.

Nei, ekki var það Flosi, gettu betur

Ég prufa að fara aftur í tímann og giska hér mað á Bólu-Hjálmar.

Nei, ekki var það Bólu-Hjálmar. Smá vísbending; Þessi hagyrðingur var unglingur þegar Bólu-Hjálmar dó.

Skyldi það vera hann Káinn?

Halldór Blöndal?

‹Brosir út að eyrum og lyftir báðum höndum upp fyrir höfuð til merkis um að sér hafi þótt þetta afskaplega fyndið›

Úr því getið var á Káin, getum vér á Stephan G.

Laukrétt hjá Pó, KN var það.

‹Ræskir sig› Já, er semsagt komið að mér?

Þetta ljóð finnst mér fallegt, en veit einhver hver orti?

Ég skrifað hafði lítið ljóð
á lúið pappírsblað,
en þótti í engu um það vert
og ekkert skeytti um það.

Svo týndist þetta litla ljóð
og lagðist gleymsku í,
en hending síðar örfá orð
mér aftur færði úr því.

Þá fann ég, þessi fáu orð
úr fyrnsku endurheimt
mér voru ei lengur lítils verð,
þótt ljóðið væri gleymt.

Nú vildi ég gefa gull mitt allt
að gjaldi í kvæðis stað.
Mér finnst, ég hafi aldrei ort
neitt annað ljóð en það.

Davíð frá Fagraskógi?

Nei, ekki er hann svo þekktur, þessi.

Getur verið að Björn Ingólfsson eigi þessar línur?