Ef kynnum vér vísu að yrkja myndum vér við þráðinn þenna bæta. Þar sem svo er eigi viljum vér skora á aðra að halda honum uppi.
Það er mikil áskorun að taka við þessari áskorun:
Hann að greiða er ekki gaman
glöggur er hann all-
heila klabbinu heldur saman
heljarmikill kall.
Þessi er í erfiðari kantinum en sýnir okkur dásamlegt litróf íslenskrar tungu. Lausnina sérðu ekki í hendi þér - nema í þeirri sömu hendi sé orðabók - jafnvel samheitaorðabók - t.d. 1. orð í 2. línu er ekki allt sem það er séð.
1. lína er langsótt (og nær til Kaþólsku) en 3. og 4. standa okkur nær.
Svo það er bara að taka Sjerlokkinn á þetta.
Benda má á rangstuðlun í fyrstu línu, betra væri " Ekki er hann að greiða gaman"
En er svarið kannski lubbi?
Skalli? Fyrsta línan gæti átt við skalla. Svona munkaskalla. Mér finnst svo liggja í augum uppi að hinar þrjár línurnar eigi við Steingrím J. Sigfússon.
Nagli?
Hér væri gaman að fá skýringar
Hann að greiða er ekki gaman Hárflóki
glöggur er hann all-
heila klabbinu heldur saman Flækja: flóki
heljarmikill kall. Hrafna Flóki.
Fyrst þú ert hér innskráður Gríslingur vil ég spyrja hvort flókinn sé réttur.
Fyrst þú ert hér innskráður Gríslingur vil ég spyrja hvort flókinn sé réttur.
sorrý sorrý nei ekki flóki - (ég var búinn að gleyma þessari)
Nagli?
Hér væri gaman að fá skýringar
en eins og ég nefndi í október sl. þá væri gaman að fá skýringar á Nagli - en það er rétta orðið -
ég var ennfremur búin að segja að þetta væri erfitt og þörf á orðabókum s.s. samheita og ísl.-ísl.
ef einhver hefur gaman af slíku grúski þá má sá hinn sami koma með skýringarnar hérna.
Veskú!
Hann að greiða er ekki gaman - Getur nagli merkt flóki? Hef ekki orðabók við höndina.
glöggur er hann all- - hér þrýtur mig þekkingu.
heila klabbinu heldur saman - járnnagli
heljarmikill kall. - alger nagli.
Glöggur er hann all - ég gluggaði í samheitaorðabók um daginn (en Gríslingur hafði jú mælt með því hér ofar á þræðinum), og þá kom í ljós að glöggur getur merkt nískur. Nagli hefur svo að auki merkinguna nirfill.
En fyrsta línan er mér lokuð bók, og ekki verður hún skiljanlegri fyrir kaþólsku-tenginguna sem Grísli benti á.
Glöggur er hann all - ég gluggaði í samheitaorðabók um daginn (en Gríslingur hafði jú mælt með því hér ofar á þræðinum), og þá kom í ljós að glöggur getur merkt nískur. Nagli hefur svo að auki merkinguna nirfill.
En fyrsta línan er mér lokuð bók, og ekki verður hún skiljanlegri fyrir kaþólsku-tenginguna sem Grísli benti á.
Í fyrstu línunni er þetta skýringin - að greiða merkir hér að borga:
nagli - Íslensk orðabók
4. skattur greiddur páfa, Péturspeningur. .
og þá á þetta að vera komið
Eftir langvinna kyrrð á þessum þræði ætla
ég að raska rónni með þessari vísnagátu:
Oft það fer um öldurót
auðkennist því mikið fljót
borgara þar bragða má
og bláir sínar rimmur há
Oft það fer um öldurót - brú
auðkennist því mikið fljót - brúará
borgara þar bragða má - staðarskáli á brú
og bláir sínar rimmur há - stamford bridge
þetta er alveg rétt. Mín hugsun var eyndar Jökulsá á Brú en það skiptir ekki öllu máli.
Og hér er önnur:
Í það minnsta einn í bíl
eknir sunnan heiða
þótti flott í frökkum stíl
flækjur kann að greiða
Í það minnsta einn í bíl -->
eknir sunnan heiða --> Kambarnir
þótti flott í frökkum stíl --> Hanakambur
flækjur kann að greiða --> Kambur
Í það minnsta einn í bíl --> Er ekki kambur í bíl? Er það sama og knastás?
eknir sunnan heiða --> Kambarnir
þótti flott í frökkum stíl --> Hanakambur
flækjur kann að greiða --> Kambur