Horfinn er dagur Dröngum á
draugar um túnið sveima.
Nú er horfin Norðurá.
Nú á ég hvergi heima.

Endurnýtum andans mál
eftir skáldin fornu.

Argar á mig æ og sí
æst og pirruð kona.
Gert ég ekkert get að því
þó girnist hana svona.

Keikó skepna kunn var nefnd, en veik,
með KR lit um sporðinn sinn og fés
Hefði orðið stærðarinnar steik
með steiktum lauk og ca. tonn Béarnaise.

Stundum þarf við bögusmíð að brúka
barefli af allra verstu sort.
Oft þó rímið kemur við að kúka.
Á klósetti hef besta stöffið ort.

Í einverunni gerum kvæðin góð.
Gústafsbergið andans hæðum skil ...

Einn stuttur

Vífin skaltu varast milli tíða.
Vilja öllum gjörðum þínum ráða.
Best þó er nú barasta að hlíða.
Bara til að stöku sinnum fá'ða.

Tilhleypingar bænda bíða.
Best að fara út að ríða.

Rokið gnauðar gluggann við
gaddurinn mig nístir.
Skátum engin gefur grið.
GSMinn tístir.

Sveinar hjálparsveita verða
svakalega bissí.

Líkar mér við Litháen.
Lettar eru fremri þeim.
Eistar hafa afbragðs gen.
Allir eru farnir heim.

Ríkisins stjórar nú reiðinnar býsn
rausa um hvers annars sakir.
Virðast þeir stjórnast að valdanna fýsn.
Vondir og heimskir og slakir.

Hugurinn dvelur við draumanna lönd
dæmalaust oft er það gaman.
Snæddum við bringur af Andrési önd
undirritaður og daman.

Endurskoðun er endemis bull.
Endurnar bráðna í munni.

Gulur, rauður, grænn og blár,
gulllitaður, bleikur.
Fés mitt orðið fölt sem nár
finnst ég vera veikur.

Gott er að borða gulræturnar.
Gjaldeyri þær styrkja.

Sjóðanna eignir nú eru
afspyrnurýrar að gæðum.
Ríkisins raun í og veru
ragmennsku fyrir við blæðum.

Einusinni Ísland var
allra landa ríkast
Nú sálu okkar eina var:
Óli Stef með fríkast.

Krónan búin. Aðeins eftir
ólympíusilfrið.

Alldrei kreppir auraleysi
auralausan mann.
Ætíð á hann Gullfoss, Geysi
og Gæsavatnarann.

Andskotann þýðir annars
orðið mæta "rannur"?

Vartbúrginn keyrði ég kátur.
Kannast ég Trabantinn við.
Í matinn á morgun er slátur.
Mest held ég þó upp á svið.

Rifinn er kjaftur. Rakið er bull.
Röflað um haftið á gengi.
Stendur nú aftur sem gjaldmiðill gull.
Gefur oss krafta í drengi.

Lofta ég út lúkarinn.
Leggst í slappan dívaninn.
ÚIpu treð ég undir kinn.
Óðar draumalandið finn.