— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 6/12/09
Fellapakkið gerir byltingu

Nú hafa brjálæðingarnir í Fellunum tekið völdin í byltingu.

Það er ekki riðið við einteyming í þessari helvítis pótitík. Spaugari, tveir pönkarar, kona, ritstjórnarmeðlimur, kona og fleiri hafa í samstarfi við Dr. Krulla Speak-a-lot, uppgjafa hljómborðsglamrara og Strætókellingu tekið völdin í Reykjavík. Þetta lið er ekkert nema djöfuls Fellapakk. Hvað þykist þetta lið eiginlega geta? Æltar spaugarinn að setja endalausa brandara? Ætla pönkararnir að kúka á kerfið á hverjum þriðjudagsmorgni klukkan 11? Ætla konurnar að nota aðeins meiri maskara alla miðvikudaga milli 13 og 18? Ætlar ritstjórnarfulltrúinn að ritstýra þessu öllu saman? Ætlar doktorinn að röfla sig út úr öllu þannig að allir verði löngu farnir þegar hann loksins ber tillögur upp til atkvæða? Ætlar uppgjafa hljómborðsglamrarinn að reyna að halda álíka góðri stemmingu og þegar Ross Geller í þáttunum um Friends fældi alla út af kaffihúsinu með furðulegum og smábarnalegum hljóðgerningum samansettum úr þeim óhljóðum sem lélegir hljóðgerflar hafa að geyma? Ætlar Strætókellingin að vera sífellt í strætó og mæta aldrei á fundi? Þá þarf náttúrulega að kalla á vinstri-slagsíðu-útvarps-bókmenntafræðinginn sem sagði að þetta væru allt asnar og hann íhugaði að hætta.

Mér finnst þessi framboð ekki hafa sýnt nægilega nærgætni við framboð sín og stefnumál. Mér finnst þessi framboð ekki hafa náð til fólksins. Mér finnst eins og pönkararnir og spaugarinn hljóti að hafa farið með ljósritunarvél inn í kjörklefann, ljósritað um 18.000 atkvæðaseðla og stungið þeim í kassana. Þetta er ekkert eðlilegt fylgi, kosningaþáttaka 165%? Kommonn!

Svo er alveg bókað mál að þessir bölvuðu felladónar koma til með að rústa neðra Breiðholti bara af því þeir hafa náð völdum. Ég skora á neðri-Breiðhyltinga að ráðast til sóknar með naglaspýtum og Molotov-kokteilum gegn þessu Fellapakki! Við Hafnfirðingar eigum nú nóg með vesenið sem hér er en við viljum ekki fá þetta helvÍtis Fellapakk yfir til okkar! Nú eigið þið leik neðri-Breiðhyltingar!

   (16 af 287)  
6/12/09 04:02

Regína

Mikið skelfing er ég fegin að búa ekki í Fellunum!

6/12/09 05:00

Kargur

Í mínum huga er enginn munur á Fellunum, Hafnarfirði eða nokkrum öðrum stað innan flóttamannabúðanna á höfðuborgarsvæðinu.

6/12/09 05:00

Grýta

Þú ert greinilega í sjokki eftir úrslit kosninga.

6/12/09 05:01

Upprifinn

Það sem Kargur sagði.

6/12/09 05:01

Jarmi

Auðvitað væri réttast að stýra öllu með 20 hliða tening. Ef þú vilt fá eitthvað þá færðu að kasta tening, ef þú færð yfir 10 þá færðu það frítt, ef þú færð undir 10 þá verður þú að borga fyrir það sjálfur. Ef þú færð 1 þá verður þú laminn af Magnúsi Ver og ef þú færð 20 þá máttu lemja einn atvinnupólitíkus að eigin vali.

6/12/09 05:01

Ívar Sívertsen

Grýta: Nei, alls ekki, ég vissi að þetta færi svona í Firðinum.

Jarmi: Þetta er bara hreint skínandi hugmynd.

6/12/09 05:01

Bakaradrengur

Þetta er náttúrlega algert svindl í Habbnarfirði.
Auðir fengu fleyri atkvæði en Vinstri-Grænir, og eiga því að fá þann stól.
Öll mál sem falla 5-5 í bæjarstjórninni, milli D og S, fara þá í bæjaratkvæðagreiðslu.

6/12/09 06:02

Vladimir Fuckov

Og í bæjaratkvæðagreiðslunni mega þá þeir einir kjósa sem skiluðu auðu 29. maí.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!