— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 6/12/07
Keila

Ég hitti þrjá Gestapóa í gær og við fórum í keilu.

Ákveðið var að skella sér í keilu til að skemmta sér með Galdra, sem hverfur af landi brott innan skamms. Við gengum glaðir og hressir inn í Keiluhöllina og upp að afgreiðsluborðinu. Þar var stúlka sem tók á móti okkur. Hún sagði okkur að það væri bið eftir næstu braut en við ákváðum að skrá okkur. Þegar hún bað um nöfn þá bjóst ég við að menn notuðu leikaranöfnin sín en Jóakim Aðalönd skaut fram JÓAKIM. Við flissuðum eins og smástelpur yfir þessu. Síðan var sagt að Ívar væri næstur. Svo fór að vandast með næstu nöfn. Þarfi gekk að henni og sagði ÞARFI. Hún hváði og hann endurtók það sem áður var sagt. Enn hváði frökenin og hann sagði þá hátt og snjall ÞARFAGREINIR! Og ungfrúin setti upp eitt stærsta spurningamerki sem ég hef séð. En svo settlaðist þetta með að skrifa Þarfi. Síðan var það Galdri. Hann sagði bara Galdri og auðvitað hváði stelpubjáninn og hann endurtók það GALDRI. Hún sagði OK og við fengum skó. Við ályktuðum að greindarvísitala þessarar dömu væri varla hærri en hitastigið úti. Við settumst við brautina. Þar var her krakka sem kepptist við að öskra úr sér raddböndin og berja keilukúlum í gólfið. Við vorum búnir að koma okkur fyrir þegar við litum á skjáinn fyrir ofan brautina þá sáum við nöfn sem við könnuðumst að hluta til við... en ekki öll.

JÓAKIM
ÍVAR
TARFI
DALDRI

Við lögðumst í stólana og görguðum af hlátri. Niðurstaðan varð að afgreiðslustúlkan var ekki með litað ljóst hár... hún var með greindarvísitölu fyrir neðan sjávarhita. En þetta veitti okkur ómæld hlátursköst. Þarfi var uppnefndur nautið og Galdra töldum við kínverska hliðstæðu Long John Baldry - Huang Dong Galdri...

Eitt flaug þó að mér að óvinir ríkisins hefðu verið með afgreiðsludömuna sem handbendi sitt. Óvinir ríkisins keppast vitanlega við að niðurlægja þegna Baggalútíu og snúa út úr öllu sem þeir mögulega geta.

Ég legg til að Gestapóar skreppi saman í keilu einhvern tíman og það verði haldið mót. Menn skrái sig inn undir Gestapónöfnum og svo verði rannsakað hvern óvinir ríkisins niðurlægja sem mest.

   (68 af 287)  
6/12/07 06:01

Vladimir Fuckov

Oss grunar að ættarnafn vort gæti valdið athyglisverðum vandræðum verði þetta einhverntíma prófað.

6/12/07 06:01

Ívar Sívertsen

[emjar af hlátri]

6/12/07 06:01

Regína

Svo óvinir ríkisins halda til í keiluhöllinni!

Ykkur veitir ekki af vernd forsetaembættisins næst.

6/12/07 06:01

Ívar Sívertsen

Ef við gerum innrás í Keiluhöllina þá verða allir að taka þátt í því.

6/12/07 06:01

krossgata

Hahahaha.
[Kemur fyrir hlerunarbúnaði í Keiluhöllinni]

6/12/07 06:01

Wayne Gretzky

Má ég vera memm í keilu?

6/12/07 06:01

Ívar Sívertsen

Ég gleymdi öllum Tarfabröndurunum... þeir voru reyndar margir afskaplega... afsakið þeir voru allir afskaplega lélegir. Þeir gengu út á að hann væri ráðunaut, sessunaut o.s.frv.

6/12/07 06:01

Wayne Gretzky

Kynbótanaut, Þarfanaut!HAHAHA.

6/12/07 06:01

Þarfagreinir

Ég Tarf ekki sjúss!

6/12/07 06:01

Vladimir Fuckov

Var astronaut þarna ?

6/12/07 06:01

Ívar Sívertsen

En það væri gaman að halda Gestapómót í keilu einhvern tímann... jafnvel í tenxlum við árshátíð.

6/12/07 06:01

Fíflagangur

Voða raunheimasamneyti er þetta. Vitið þið ekki að þetta hefur bara í för með sér smitsjúkdóma og óþrifnað?

6/12/07 06:01

Dexxa

Ég er alveg til í keilu..

6/12/07 06:01

Garbo

[hlær]

6/12/07 06:01

Útvarpsstjóri

Starfsfólk keiluhallarinnar hefur hingað til átt í miklum vandræðum með raunheimanafn mitt, líklega yrði auðveldara fyrir mig að notast við gestapónafnið.

6/12/07 06:01

Dula

Já sama hér, ég hugsa að Dula gengi betur í liðið heldur en mitt raunheimanafn.

6/12/07 06:01

Galdrameistarinn

Ég er með harðsperrur í kviðvöðvum eftir óteljandi hlátursköst og kúluköst.
Mæli hins vegar eindregið með því að Vlad noti ættarnafnið ef hann skreppur í keilu.
[Glottir]

6/12/07 06:01

Hvæsi

<grenjar af hlátri>

Þið eruð hálfvitar.

6/12/07 06:01

Ívar Sívertsen

Já? Hvað heldurðu að þú yrðir nefndur í keilunni? Dræsi?

6/12/07 06:01

Útvarpsstjóri

Bleiki?

6/12/07 06:01

Grágrímur

Þetta er bara eins ogþégar ég reyni að segja dönum nafnið mitt.. vilja endilega að það sé sænskt... drulluhalarnir þeir arna.

6/12/07 06:01

Ívar Sívertsen

Miðað við að raunheimanafn Útvarpsstjóra sé svona erfitt fyrir svona kúlutyggjóstelpur þá fer maður vissulega að verða forvitinn hvað hann heitir í alvöru...

6/12/07 06:01

B. Ewing

Hvaða útgáfa af mínu nafni myndi henta best ?

6/12/07 06:01

Ívar Sívertsen

B

6/12/07 06:01

U K Kekkonen

Ástina ég fann í Öskjuhlíð
inni í keiluhöll
Hún var ung og býsna andlitsfríð
en ekkert sérlega snjöll.

6/12/07 06:01

Nermal

Já, maður hefur séð margt furðulegt á skjánum í Keiluhöllini. Snilldinn er ekki alltaf að drepa blessað starfsfólkið.

6/12/07 06:02

Herbjörn Hafralóns

Skyldi starfsfólkið geta komið mínu þjóðlega nafni skammlaust á skjáinn? Það væri gaman að prófa.

6/12/07 06:02

Hvæsi

Eitt sinn sá ég 6 stráka saman í keilu, og sá fyrsti kallaði sig "Cum"
og á skjánum stóð...
Cum
On
My
Ass
Now
Boy

6/12/07 06:02

Günther Zimmermann

Hvaða tal er þetta um 'raunheimanöfn'? Ég hélt að allir skráðu sig hér undir réttu nafni. Það gerði ég a.m.k.

[Starir þegjandi &c]

6/12/07 06:02

Bleiki ostaskerinn

Ég styð þessa hugmynd. Skellum okkur í keilu.

6/12/07 06:02

Texi Everto

Ég er til í keilu! Blesi líka, hann tekur sig stórvel út í keiluskónum sem við keyptum hérna um árið.

6/12/07 06:02

Jóakim Aðalönd

Ég legg til að við skoðum þetta keilumót alvarlega í haust. Einstaklings- og líðakeppni...

6/12/07 07:00

Günther Zimmermann

Einu velti ég fyrir mér. Af hverju kusu Ívar & co. að fara í keilu rétt eftir stóran jarðskjálfta, á meðan eftirskjálftar voru enn tíðir? Eru þeir svo snauðir hæfni að þeir þurftu að treysta á aðstoð náttúruaflanna við fellingu keilanna?

6/12/07 07:00

Ívar Sívertsen

Af hverju er Guðmundur í Byrginu að rífa kjaft?
Günther = Guðmundur
Zimmer = herbergi = byrgi

6/12/07 07:01

hvurslags

Þarfanaut, hahaha!

6/12/07 07:01

Günther Zimmermann

Elsku Ívar, sannleikanum er hver sárreiðastur, sé ég.
En Günther á fátt skylt með Guðmundi. Forliðurinn er rótskyldur hinum íslenzka forlið Gunn-, svo viljirðu þýða heiti mitt ger það þá með t.d. Gunnþór, Gunnlaugur eða Gunnar (jafnvel Gunnhildur!).
Hvað síðari lið nafns míns varðar hefur það fátt með herbergi eða byrgi að gera, íslenzk merking þess er trésmiður.
Uppnefni verða að hafa eitthvað til síns mál til að virka, en ekki vera eitthvað bull út í loftið.

6/12/07 07:02

Upprifinn

Keila já.
Leikaranafnið hans Úbba er þannig að ég sagði HA þegar ég heyrði það fyrst.

6/12/07 07:02

Upprifinn

Ekki það að þetta er gamalt og gott nafn.

6/12/07 07:02

Ívar Sívertsen

Günther minn. Vitandi hverskonar galgopi ég er þá hefði þessi útúrsnúningur ekki átt að koma þér á óvart. Þetta segir okkur það að ég gæti haft eitthvað til míns máls.

6/12/07 07:02

Jóakim Aðalönd

Gunnþór Timburmaður. Ertu eitthvað þunnur Gunnþór minn? Reddaðu því bara með því að fara á gott fyllirí. Þá lagast allt. Ég lofa.

6/12/07 01:00

Ívar Sívertsen

öss...

6/12/07 01:01

Sumarlokunardraugur

BÚ!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!