Fyrir einu og hálfu ári fékk ég vinnu hjá einu virtasta tölvufyrirtæki landsins við að spjalla við viðskiptavini um vandræði þeirra með tölvur.
Ég fékk vinnu fyrir einu og hálfu ári síðan hjá virtu tölvufyrirtæki. Starf sem hentaði mér vel en ég ætlaði ekki að ílengjast akkúrat í því starfi að vera í þjónustuveri heldur að vinna mig upp á við. Þegar ég var ráðinn var mér sagt að hjá þessu fyrirtæki væru menn sendir á námskeið en ekki að menn þyrftu að grenja þau út. Ég fékk vissulega námskeið og það góð. Ég fékk þokkaleg laun þó ég hefði reyndar viljað hafa þau hærri.
Síðasta föstudag bar svo við að ég var kallaður á fund yfirmanns yfirmanns míns. Sá tilkynnti mér það að vegna erfiðs ástands í þjóðfélaginu og sérstaklega á fjármálamörkuðum þá neyddist fyrirtækið til að segja mér upp störfum. Eftir að hafa rætt dágóða stund við þennan mann þá varð það að niðurstöðu að ég hætti þegar störfum og færi strax í það að leita mér að nýrri vinnu. Ég fékk vissulega áfall og brotnaði saman en hann hughreysti mig með loforðum um góð meðmæli og sitthvað fleira.
Sem sagt... ég er rétt eina ferðina kominn í atvinnuleit. Helgin hefur verið mér afskaplega erfið og ég vart með sjálfum mér þrátt fyrir að hafa haldið eitt stk. barnaafmæli á föstudag með 11 snarbrjáluðum krökkum, eitt barnaafmæli með 32 gestum á laugardag og svo sungið með kórnum mínum í Reykholtskirkju í dag. Þetta hefur vissulega sett mark sitt á mig en það er tvennt sem við getum gefið okkur. Það er að maður má ekki láta deigan síga og byrja upp á nýtt og svo það að maður má aldrei tapa húmornum (hversu lélegur sem hann er) þó á móti blási.
Atvinnumarkaður... hér kem ég að leita að nál í heystakki!
Leitt að heyra vinur. Vonandi fer framsókn aftur í stjór þá rísa hér álver með bullandi uppgangi. Anars mátt koma austur til mín og hjálpa mér að byggja hús fyrst þú hefur hvort eð er ekkert að gera.
Ljótt er það, já alveg sérlega ljótt ef ekki einu sinni Reykholtsdalurinn hefur kætt þig. Gangi þér vel.
Í Reykholtsdalnum leyndust reyndar tveir kátir kettlingar sem gátu knúsað Ívar og gott ef hann gat ekki brosað út í annað...
Reykholtsdalurinn kætir alltaf. Við fyrstu sýn ákaflega dull en merkilega vinalegur þegar maður stoppar bílinn.
Leitt að heyra og gangið þér vel Ívar. Ég vona að það sé ekki að koma atvinnuleysisholskefla á þjóðina.
Þú getur fengið vinnu við að fægja peningana mína. Ég skal borga þér alveg 120 krónur á tímann...
Nei, annars. Gangi þér allt í haginn með að finna vinnu. BA-GAK!
Fokkings helvíti. það er óþolandi að missa vinnuna.
Gangi þér bara vel karlinn minn.
[fær nokkuð mörg rykkorn í augun af hvatningarorðum félaganna]
Takk öll.
[Knúúúsar Ívar] Eins og einhver klisjan segir; It's gonna be ok in the end. If it's not ok, it's not the end...
Og klisjur hafa alltaf rétt fyrir sér!
Þetta voru slæmar fréttir. Vonandi finnur þú trygga vinnu hið fyrsta.
Stórt knús til þín kallinn minn enda veitir ekkert af stóru knúsi fyrir stórann mann eins og þig.
[Bætir við einu risaknúsi]
Gangi þér vel í atvinnuleitinni ég veit að þú færð enn betri vinnu en þá sem þú varst í og mikið betur launaða.
Þetta reddast allt saman. Vittu til.
Þó er efnahagsástandið skítt - það er engin lygi.
Hermundur, við félagar þínir í Frímúrarareglunni verðum búnir að redda þér vinnu fyrir kvöldmat ef þú hnippir í okkur.
Ömurlegt að heyra þetta. Þú færð knús frá öllum á Bjúvíng búgarðinum og heillaóskir um gæfuríka atvinnuleit.
Þú gerist bara kúreki og kemur með mér að smala! [Ljómar upp] Kanntu annars ekki að snara naut?
Alltaf vantar svo fólk á elliheimilin, en launin eru lá... allt of lág. Gangi thér vel félagi.
Gangi ykkur allt í haginn.
<Biður afsökunnar á upphlaupinu og pirringi á maffaþræðinum>
Ég óska ykkur góðs gengis og er nokk viss um að þú Ívar fáir góða vinnu fyrr en varir.
Jamm. Þetta er ekki áfall heldur tækifæri. Þú sérð það fyrri en varir. Verst að ég þekki ekkert til í þessum innivinnubransa en það vantar alltaf verkamenn sem tala íslensku hjá verktakakaþrælahöldurunum.
Þessu get ég tekið undir: allt annað líf að fá verkamannavinnu þegar maður talar íslensku! Í allvöru talað: gangi þér vel, félagi!
Þú átt inni hjá þeim þriggja mánaða laun vegna uppsagnarfrests (USF). Þannig er að USF er ekki bara þín megin heldur þeirra líka. Ef þeir vilja að þú hættir strax þá skulda þeir þér þriggja mánaða laun sama hversu mikið þeir væla.
Já gangi þér vel.... ég tek undir það með Skrepp... þú átt rétt á að hanga í vinnunni í þrjá mánuði og fá borgað (eða hætta strax og fá borgað í þrjá mánuði) á meðan þú leitar þér að vinnu, minnkar pressu á þig við að finna þér vinnu strax... en gangi þér vel...
...spurning hvort Baggalút vanti ekki að endurnýja í ritstjórnarliði sínu... þeir eru orðnir svo margir sem eru bara í hlutastarfi... t.d. Herbert, Myglar, Kaktuz og Spesi...
Ég hætti strax, fæ 3 mánuði greidda auk sumarfrís.
Annars er ég að leita að tölvuinnivinnu.
Gastu ekki farið fram á ríflegri starflokasamning? Sumir fá árslaun jafnvel þótt þeir hafi ekki unnið nema hálft ár á ekki það sama að gilda um alla?
Ég veit Íbbi! Þú ferð bara með þetta í DV og segir að þú hafir eingöngu og aðeins verið rekinn út af risa vörtu sem þú sért með á hælnum! Þeir skrifa æsifrétt um þetta og vörtuvinafélagið fer í málið!
Þú græðir milljónir!
Ég fékk vinnu í gegnum vinna.is. Það gekk fljótt og vel. Vona að þú finnir þér vinnu sem fyrst. Aukin heldur legg ég til að Baggalútur setji viðskiptabann á fyrrverandi vinnuveitanda þinn. UP THE IRONS !!!!
Gangi þér sem allra best.
Gott ráð til að gera sig ómissandi í vinnu ( eða amk vona ég að það virki) er svo að hafa svo ótrúlegan skítahaug af drasli og pappírsflækjum og skjalafrumskógi á skrifborðinu og í tölvunni að það er ekki vinnandi vegur fyrir nokkra aðra lifandi veru að koma sér inn i starfið!
Ég held að skjalafrumskógurinn og óleystu verkefnin hafi einmitt átt þátt í því að ég var látinn sigla... ekki nægilega gegnsær.
Til viðbótar því sem krumpa benti á er það þekkt leið að geyma sem allra mest af skjölum og upplýsingum á einungis einum stað, þ.e. í heilabúinu. Þar með er ekki hægt að reka þann sem í hlut á því þá tapast of mikið af verðmætum upplýsingum.