— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/11/06
STORMSVEIT GESTAPÓ - VEGNA ÁRSHÁTÍÐAR 2007

Nú er búið að blása til árshátíðar 17. nóvember. Staðsetning tilkynnt síðar.

Þá er hægt að fara að blása til leiks hjá STORMSVEIT GESTAPÓ.

Galdrameistarinn stakk af úr landi með þeim orðum að hann ætlaði "aldrei að vinna aftur með þessum fávitum" í Kóbalt. Það var að vísu sagt formsins vegna og hlökkum við til að spila aftur með honum þegar færi gefst á því. En Kóbalt verður því miður ekki starfhæf sökum þessa. Þess vegna vantar okkur tónlistarfólk sem spilar á allan fjandann. Ætlunin er að Stormsveit Gestapó haldi uppi fjörinu og leiki jafnvel fyrir dansi /dilli /skaki /setu. Ég hef tekið að mér að stýra þessu verkefni en því miður get ég ekki reddað húsnæði til æfinga. Þetta væri í mínum huga einhvers konar tónsmiðja sem myndi í þessu tilviki eiga við lög annarra eða lög sem búið er að semja en útsetja þau og gera þau að okkar framkvæmd.

Það sem þarf að gera er eftirfarandi:
Redda æfingahúsnæði, redda hljóðfæraleikurum, redda hljóðkerfi svo gestir þurfi ekki að grjóthalda kjafti og svo hljóðfæraleikarar þurfi ekki að garga úr sér raddböndin eða sprengja nikkur og rífa lúðra.

Sjálfur leik ég á gítar og bassa og syng. AnnaPanna syngur og leikur á gítar. Svo vantar bara fleira fólk.

Inntökuskilyrði í Stormsveit Gestapó:
- Eiga eða hafa aðgang að hljóðfæri og kunna eitthvað á það
- Geta spilað lög með litlum fyrirvara
- Hafa getu til að taka þátt í tónlistarlegum fíflagangi án þess að það fari til fjandans
- Vera mjög skemmtileg(ur) og geta miðlað því til samspilenda sem og áheyrenda.
- Kostur er að geta spilað af fingrum fram einleikskafla eða spunakafla sem meika sens með litlum fyrirvara

Ég er ekki að fara fram á að fólk hafi lært á hljóðfæri í hundrað ár eða sé alger sjení. Ég vil bara fá fólk sem gæti gert stundina ógleymanlega og skemmtilega..

Tvö lög eru komin á efnisskrána. Annars vegar Baggapó sem frumflutt var í fyrra og svo lítið leyninúmer sem verður opinberað þegar þar að kemur.

Skráningar í STORMSVEIT GESTAPÓ fara þannig fram að menn senda mér einkapóst með upplýsingum um hljóðfæri, getu og reynslu.

KOMMASVO, VERA MEÐ!!!

‹skráir á blað›
Ívar Sívertsen - Gítar, bassi, söngur og annað klúður
Anna Panna (fær ekki að sleppa) - Söngur, gítar,
Billi Bilaði - Gítar og gamanmál
Næturdrottningin - Söngur og blokkflauta

   (86 af 287)  
1/11/06 04:01

blóðugt

Komma svo? Mega bara kommar vera með?

1/11/06 04:02

Fíflagangur

Tónlistarlegum Fíflagangi!?
Þú getur bara sjálfur verið tónlistarlegur þarna...

1/11/06 05:00

Nermal

Sorrý, en ég á Eyjafjarðarmet í lélegum söng innannhúss án atrennu. Svo kann ég ekki á nokkurt hljóðfæri. En ég er samt svakalega skemmtinlegur.

1/11/06 05:01

Ívar Sívertsen

Blóðugt: Kommar, Kratar, Íhöld og Famsóknarfólk velkomið. Raunverulega allra flokka kvikindi.

Fíflagangur: Já, þakka þér fyrir, ég skal vera það.

Nermal: EInhver þarf að vera í sal að hlusta..

1/11/06 05:01

Offari

Ég kann bara að spila með fólk.

1/11/06 05:02

Næturdrottningin

Sko.. ég kann að syngja.. já svo spilaði ég á blokkflautu í 7 ár þegar ég var yngri. spurning um að þurrka rykið af henni. haha.. Ég er allavega til í að syngja.

1/11/06 05:02

Næturdrottningin

Samt þegar ég fer að hugsa út í þetta þá held ég að það passi ekki alveg að blanda blokkflautu í þetta. Svo eru líka 15 ár eða eitthvað síðan ég hef spilað. . hehe..

1/11/06 06:00

Ívar Sívertsen

iss... blokkflauta má vera með! Lúðrar, púkablístrur, slagverk.. bara hvað sem er... svo lengi sem viðkomandi kann á það að einhverju marki.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!