Ófarir mínar í fjarveru Hexiu virðast engan endi ætla að taka
Ég tók eftir því að undarleg lykt var komin í Sívertsensetrið. Þessi lykt var samt að koma og fara. Ég leitaði í pizzakössum, KFC pokum og pokunum frá fiskbúð Hafliða sem enn eru fullir af fiski frá því fyrir helgi. Ég hnýtti fyrir alla þessa poka og lokaði kössunum og henti þeim í einhvern stamp sem er hér fyrir utan... hef aldrei notað hann og aldrei spáð í hann en hann er merktur sveitarfélaginu... Líklega til að fólk átti sig á því hvar það er statt. Fer með það seinna í einhvern haug. Ég alla vega ákvað að skella þessu þarna til að hugsanlega losna við lyktina. Þegar þetta var farið í stampinn með lokinu þá opnaði ég alla glugga og reyndi að losna við lyktina. Ég lokaði gluggunum eftir smá stund og fann þá helvítis fnykinn aftur. Ég var ekkert sérstaklega kátur með það og leitaði meira. Ég fór inn á klósett, sturtaði niður og tæmdi stóra opna tankinn. Lyktin var enn. Þá hlupu dætur mínar fram hjá mér og lyktin magnaðist aðeins. Ég settist í sófann og þá gaus helvítis lyktin upp, verri an nokkru sinni! Sjaldan hef ég upplifað jafn ógeðslega lykt. Ég hafði funrið sökudólginn. SÓFINN!!! Ég náði í tusku og byrjaði að nudda sófann hátt og lágt. Húðskammaði börnin fyrir að sulla í sófann og sparaði ekki orðin sem ekki finnast í orðabókum [römlisams, gritbefti, letixnops og kuvdslopnéð]. Síðan settist ég og dró andann djúpt. Þá gaus þetta helvíti aftur upp. Ég brjálaðist og notaði orðin aftur og líka á afturábak! Dæturnar farnar að skæla og ég grenjaði af bræði. Ég sullaði úr tveimur fötum af vatni oní sófann og réðst svo á hann með hárþurrkuna. Lyktin lét ekki á sér kræla við það ályktaði ég sem svo að ég hefði náð að sigra óþefinn. Ég settist í sófann og þá gerðist það... það var eins og að setjast í sundlaug, ég varð rassblautur. En lyktin sem gaus upp var skelfilegri en áður. Hún gjörsamlega ætlaði mig að kæfa. Ég gargaði, varð grænni en Offari og varð gríðarlega vöðvastæltur og braut eins og átta stóla, fimm sjónvörp og henti fimm manna fjölskyldu út um gluggann og borðaði einn bíl. Þegar framsóknarliturinn hvarf af mér áttaði ég mig á því að þessi lykt var af buxunum mínum. Ég hafði ekki þorað að henda þeim í þvottavélina með furðulegu tíma- og forgangsstillingunum og var bara í þeim áfram. Ég fór þá með þær inn á klósett og hugsaði mér að þrífa þær. Fann Kraftþrif og Mr. Propre og setti buxurnar í klósettið því þar myndast hreytfing á vatninu þegar sturtað er niður og hugsanlegt að þessi efni myndu vinna á því. Ég sturtaði úr brúsunum ofan á buxurnar og sturtaði niður. Það var þá sem ég áttaði mig á því af hverju það er kallað að sturta niður. Ég fór því á nærbuxunum í vinnuna í morgun. Þær eru ekki lengur hvítar og því gat ég ekki verið eins sparilegur og oft áður. Nú sit ég hér á naríunum og velti fyrir mér hvernig ég næ buxunum upp úr klósettkerfinu. Klósettið vitanlega fylltist af vatni þannig að ef við þurfum að sinna kalli náttúrunnar þá notum við Hafnarfjarðarstampinn í það... verst hvað lyktin af því og fiskinum fer illa saman. Ég vona að óförum mínum sé hér með lokið en ég lofa engu!!!
HEXIA!!!! ÞAÐ ER ALLT ORÐIÐ SKÍTUGT ÚR ELDHÚSSKÁPUNUM... HVERNIG LAGA ÉG ÞAÐ?
Nú er kellingin líka stungin af frá mér þetta hlýtur að vera eitthvað bráðsmitandi. <Drekkur eitthvað sótthreinsandi>
Þú getur keypt þér góða lykt og nuddað henni á þig. Fæst á næstu bensínstöð. [Glottir]
Þetta var skemmtileg lesning. Hexía, ekki koma heim til þín alveg strax. Hægt er að nota þetta sem félagsvísindalega tilraun. Ívar er þér sama þó að nokkrir háskólanemar fái að fylgjast með þér í nokkra daga? Einn félagi minn er nefnilega að skrifa ritgerð um erfiðleika nútímamannsins að aðlagast breyttum fjölskylduaðstæðum.
Er ekki líka hægt að fá á bensínstöðvum myndir af huggulegu kvenfólki mjög vel lyktandi sem hægt er að hengja upp? Þú gæti hengt á sitt hvort eyrað og þyrftir ekkert að vera að nudda þér upp úr því.
Þrif þrífur allt og ef þú fyllir baðkerið af vatni og setur smá þrif í þá geturðu baðað Primadonnu og Divu ásamt þér og fötunum þínum allt í einu og haft gaman af.
Æ Ívar minn, hóaðu bara í tengdó. (þ.e.a.s. annaðhvort mína tengdó eða þína, gerir sama gagn...)