— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/12/06
Hætt að fljúga til Hornafjarðar?!? - [leiðrétt, það er ekki hætt]

Ég á ættingja á Hornafirði, m.a. ömmu og afa. Gott hefur mér þótt að vita af möguleikanum á að fljúga austur til að spara tíma.

Helvítis melirnir hjá Flugfélagi íslands eru hættir að fljúga til Hornafjarðar. Þar af leiðir að næsti áfangastaður Flugfélagsins í austur frá Reykjavík er Egilsstaðir. Svo er það Akureyri og Ísafjörður. Frá Akureyri er svo hægt að taka tengiflug til Grímseyjar, Þórshafnar og Vopnafjarðar.

Hvað í dauðanum eru þeir að spá?!? Það er mikil hagræðing að geta skotist með Túrisa til Hornafjarðar í flugi og svo farið með þá í rútu upp á jökul í stað þess að hólkast með þá alla leiðina í rútu. Það tekur ríflega þrjá tíma að aka frá Egilsstöðum og suður til Hafnar. Það tekur fimm tíma að aka frá Reykjavík til Hafnar. Ef við miðum við kostnaðinn þá er mun hagkvæmara að aka þetta á einkabíl en að þurfa að taka flug og rútu.

Hvers eiga þeir að gjalda sem búa á Hornafirði, Djúpavogi og á svæðunum þarna í kring? Afi minn liggur nú mest á dvalarheimili aldraðra á Höfn og talið að stutt sé eftir hjá honum enda karlinn að nálgast nírætt. Til að fara í jarðarförina hans þyrfti ég núna að taka mér einn dag aukalega í frí til að koma mér austur, redda pössun einum degi lengur og allt þar fram eftir götunum.

Hvað varð um að halda öryggisnetinu? Ef ástæðan er sú að flugumferðarstjórum hefur fækkað þá blæs ég á þá skýringu. Þetta snýst bara um hvað er hægt að kreista mikið af fjármunum út úr fyrirtækinu til að hægt sé að selja það hæstbjóðanda og græða sem mest. Þetta er hin íslenska hugsjón, skítt með þjónustuna, græðum bara meira!

   (102 af 287)  
1/12/06 02:01

Anna Panna

Nú verð ég að fá að leiðrétta þig kæri Sívertsen, Flugfélag Íslands hefur ekki flogið til Hornafjarðar heldur er það Landsflug en Flugfélagið hefur samt séð um bókanir o.fl. í tengslum við ferðir Landsflugs.
Landsflug hætti svo um áramótin og Flugfélagið Ernir tók við þeirra leiðum en hættir af einhverjum orsökum við þessa tilteknu leið. Svo að ef þú ætlar að vera fúll út í einhvern, vertu þá fúll út í Erni...

1/12/06 02:01

Herbjörn Hafralóns

Ég veit ekki betur en að flugfélagið Ernir hafi verið að kaupa nýja 19 sæta Jetstream flugvél til að sinna áætlunarflugi til Hafnar og Sauðárkróks. Þetta las ég allavega í fréttum á netinu. Kannski er það tóm lygi.

1/12/06 02:01

Anna Panna

Nú þeir eru þá vonandi bara hættir við að hætta!

1/12/06 02:01

Ívar Sívertsen

Jáhhá... þetta þurfti að segja mér til að ég gæti vitað þetta.
Á meðan Landsflug var með þetta var alltaf hægt að skoða þetta og panta far á vef Flugfélagsins. En takk fyrir að benda mér á það.

1/12/06 02:01

krumpa

Hmm...vill svo til að þetta skiptir mig ákaflega miklu máli - er þetta flugfélag Ernir með einhverja heimasíðu? Eða er hægt að sjá eitthvað öruggt um þetta...
er nefnilega að fara út á völl í fyrramálið að sækja manneskju í flug frá Hornafirði!!

1/12/06 02:01

Ívar Sívertsen

http://www.ernir.is Þar er hægt að sjá áætlunartöflu og verð.

1/12/06 02:01

krumpa

hjartans þakkir

1/12/06 02:01

krumpa

hellings fækkun á ferðum samt....

1/12/06 02:01

Jarmi

Já, það er fallegt í Austur-Skaftafellssýslu.

1/12/06 02:01

Jóakim Aðalönd

Jamm. Öræfasveitin er perla.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!