— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 2/11/05
Jól og blíða

Jóladiskur snillinganna í Baggalúti er kominn út og ég er búinn að kaupa mér eintak. Mikil tilhlökkun var meðal fjölskyldumeðlima þegar diskurinn var settur í spilarann.

Hefjast leikar á Kósíheit par exelans sem við þekkjum sem aðventulag 2004. Því næst kemur lag um dag sem ég held að aldrei áður hafi verið samið sérstakt lag um. Raunar heitir það á frummálinu Rainbow connection en í meðförum okkar ástsælu ritstjórnar heitir það Annar í jólum. Svo rekur hver snilldin aðra þar til komið er að einhverju angurværasta en jafnframt beittasta jólalagi fyrr og síðar. Mig rak í rogastans. Lagið Bjart er yfir borginni hefur gengið í gegnum fitusog og sílikonaðgerð. Því miður er það orðið of fágað miðað við gömlu útgáfuna sem var svo yndislega barnsleg. Raunar syngur Ellen Kristjánsdóttir lagið mjög vel og útsetningin er flott... en hún bara passar ekki viið þá ímynd sem fylgir textanum og þá stemmningu sem maður var búinn að byggja upp með gömlu útgáfunni. Það vantar meira að segja leikhljóðin sem voru í gömlu útgáfunni. Flott gert en passar ekki. Svo klárast diskurinn í sama gír og skemmtilegheitum og fyrir téð lag. Jólin verða hálf furðuleg á mínu heimili því Hexia fór í stólpafýlu við að heyra meðferðina á Bjart er yfir borginni og ég sit núna undir stiga í felum og þori mig hvergi að hreyfa af hræðslu við að hún slátri mér fyrir að hafa keypt diskinn.

Þessum disk gef ég fjórar stjörnur. Ég hefði gefið fullt hús ef Bjart er yfir borginni hefði haldið sömu stemmningu og áður.

RItstjórn á vafalaust eftir að breyta mér í rófulausan kött með asnaeyru fyrir þessi ummæli en þetta finnst mér.

   (107 af 287)  
2/11/05 02:01

Offari

Ég verð að kíkja í apótekið og versla mér eintak.

2/11/05 02:01

Tina St.Sebastian

Milaaaangarííííí!

2/11/05 02:01

Lopi

Ég hugsa að þetta verði til þess að ég kaupi plötuna ekki.

2/11/05 02:01

Tina St.Sebastian

Ég bara hef ekki hugmynd um hvaða lag þetta er.

2/11/05 02:01

Ívar Sívertsen

Platan er nánast hverrar krónu virði...

2/11/05 02:01

Mallemuk

Já ég er sammála.
Bjart er yfir borginni,er betra í fyrri útgáfu

2/11/05 02:01

Vladimir Fuckov

Vjer eigum eftir að fá oss diskinn. Er ætlunin að gera það á morgun og búumst vjer við meistaraverki - með kannski einni undantekningu. Bjart er yfir borginni er nefnilega einmitt líklega það jólalag Baggalúts er vjer höldum mest upp á (kannski því það var fyrsta lag Baggalúts er vjer heyrðum) og leikhljóðin (slökkviliðsbíllinn) órjúfanlegur hluti lagsins í huga vorum. Sem betur fer eigum vjer upprunalegu útgáfuna í tölvu vorri og erum vjer að rifja hana upp nú er þessi orð eru rituð.

2/11/05 02:01

Lopi

Jæja, ég hugsa að ég kaupi plötuna.

2/11/05 02:01

Tina St.Sebastian

Voðalegur vingulsháttur er þetta, Lopi. Auðvitað kaupirðu plötuna.

2/11/05 02:01

Anna Panna

Já, ekki láta þetta stoppa þig, öll hin lögin eru fyllilega þess virði að festa kaup á gripnum. Ég er með margfalda gæsahúð og gleðibrosið fast á andlitinu eftir fyrstu hlustun!

2/11/05 02:01

Nermal

Ég ættla ekki að kaupa þennann öndvegis diski strax.... Ættla að gefa ættingjum mínum séns á að gefa mér hann í jólagjöf. Og aldrei að vita nema ég laumi honum í einhverja jólapakka líka....

2/11/05 02:02

Enter

Röfl er þetta alltaf. Það var því miður ekki um annað að ræða en að taka vemmilegheitin upp aftur - eða hreinlega sleppa þeim alveg, því upprunalegu upptökurnar voru týndar og frekar óvinsælt að demba mp3 skrá inn á fínu jólaskífuna. Verið bara ánægð með að eiga þetta væl í fleiri en einni útgáfu - og þá einkum og einna helst til að troða upp í geitasekkjapípuna á ykkur.

2/11/05 02:02

Vladimir Fuckov

[Bætir geitasekkjapípu á innkaupalista morgundagsins]

2/11/05 02:02

Nornin

Ég nota tónlist.is þar sem ég nenni sko ekki út í búð nema til að kaupa drekaaugu og halakörtugel.
Og þar gat ég valið hvaða lög ég vildi kaupa og fjárfesti því aðeins í þeim nýju. Restina átti ég að sjálfsögðu [ljómar upp]

2/11/05 02:02

Enter

Sveiattan. Samþjappaðir og surgandi niðursetningarnir af tonlist.is eru ekki bjóðandi siðmenntuðum mönnum - og raunar ekki fólki almennt, hvað þá konum. Það var til mikils að splæsa í strengi og lúðra í kósíheitin.

2/11/05 02:02

Ívar Sívertsen

Ég þakka þér fyrir að splæsa í flórsykurslúðra og smjörfiðlur og eins og ég sagði þá er útsetningin flott, ekki vantar það. Það að upprunalegu upptökurnar skuli vera týndar er vissulega sárt að heyra en það réttlætir þannig endurgerð lagsins. Lagið er stórgott og ljóðið enn betra. Ég hefði raunar orðið sár ef það hefði ekki verið með. Ég samt hef verið að velta fyrir mér af hverju ekki var reynt að endurgera lagið sem næst gömlu útgáfunni því hún var svo yndislega einlæg.

2/11/05 02:02

Vladimir Fuckov

Úr því að nefndar eru týndar upptökur: Vjer vorum að uppgötva að vjer virðumst hafa týnt stórskemmtilegu jólalagi Ívars Sívertsens frá því fyrir jólin 2004 (ef vjer munum rjett). Er það til einhversstaðar ?

2/11/05 02:02

Ívar Sívertsen

Það var til hér í katakombum Baggalúts eitt sinn en ég gæti hugsanlega skellt því á einhvern stað svo hægt sé að sækja það. Ég er reyndar furðu lostinn yfir því að ég skyldi ekki fá að vera með á jólaplötunni! En svona er það, maður eykur aðsókn á vefinn með öllum ráðum. Maður úthellir blóði, svita og tárum til að skapa jólastemmningu en nei, aldrei fær maður að vera með!

2/11/05 02:02

Jóakim Aðalönd

Er einhvers staðar hægt að ná í .mp3 lögin sem hafa verið gefin út hérna á Baggalúti? Ég er ekki viss um að ég eigi þau öll.

2/11/05 02:02

Ívar Sívertsen

Ég á einhvers staðar eitthvað af þessum lögum sko

2/11/05 03:00

Vladimir Fuckov

Vjer eigum sömuleiðis mörg þessara laga, hugsanlega jafnvel öll lögin.

2/11/05 03:01

B. Ewing

Ég hlakka til að fá þessa plötu í hendurnar. Að týna upptökunum já? Gerðu ekki Bítlarnir í því að týna öllum upptökunum? Enda finnast þær orðið í annarri hverri stúdíókompu á Bretlandseyjum um þessar mundir og mala þannig síðbúið gull fyrir alla eftirlifendur þeirrar tónlistarkanónu.

Sjálfur hef ég tryggt mér eftirfarandi upprtökur af mp3 forminu:
Páskaegg
Vigdís Finnbogadóttir
Heaven
Gleðilegt Sumar (eitthvað skemmd á iTunes en er þarna einhversstaðar)
Hjálpum þeim (Rás 2, lokavika hin fyrsta)
Gleðileg jól (2003)
Bjart er yfir Borginni (2002)
Jóla jólasveinn (2001)
Kósíheit Par Exelans (aðventa 2004)

2/11/05 03:01

Ívar Sívertsen

Inni á iPod-wannabe apparatinu mínu á ég öll þessi lög.

2/11/05 03:01

Númi

Það er sosum ágætt að eiga upprunalegar útgáfur af eins og Kósíheitum og Gleðilegum jólum og svona. Þær jafnast hinsvegar ekki á við endurhljóðblandaðar skínandi burstaðar flunkunýjar spariútgáfur þær sem fram eru reiddar á disknum.

Höfum það bara á hreinu.

2/11/05 03:01

Ívar Sívertsen

Elsku pungurinn minn, við vorum bara að nefna að eldri útgáfan hefði verið betri... þetta er svona svolítið eins og stundum með bókina og bíómyndina.

2/11/05 03:01

Enter

Bull. Hvorki bókin né bíómyndin komast í hálfkvisti við hljómskífuna.

2/11/05 03:01

Jóakim Aðalönd

Ég held ég láti einhvern gefa mér skífuna í jólagjöf. Þið eruð svoddan sykurpúðar.

2/11/05 03:01

Jóakim Aðalönd

Hvenær á svo að breyta Ívari í rófulausan kött með asnaeyru?

2/11/05 03:02

Skabbi skrumari

Hvaða jólahugleiðingar eru þetta eiginlega... eru komin jól hérna?

Ég rölti kannske út í búð á Þorláksmessu og fjárfesti í gripnum... allt annað er of snemmt...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!