— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 31/10/05
Kaffið mitt

Ég hef all oft minnst á kaffi hér á Gestapó, hvort sem er í félagsritum eða á þráðum. Í dag ætla ég að nefna uppáhaldskaffið mitt.

Fyrir all nokkru nefndi ég kaffitegund sem mér þótti skondið að rekast á, Riddari Sívertsen. Þetta þótti mér all skondið í ljósi þess að ég, sjálfur Sívertsen og riddainn Heiðglyrnir áttum það til að elda grátt silfur hér áður á Gestapó. Kaffi þetta reyndist vera fínasta brugg. Það er bragðmikil blanda af alls konar baunum sem blandað er saman og ristað í Súfistanum. Bragðið er mikið eins og áður segir en það er mjúkt. Þetta er ekki einhver venjulegur uppáhellingur eða fljótlegt fjósakaffi. Þegar ég fæ mér Riddara Sívertsen þá mala ég það sjálfur og fæ mér mjög sterka blöndu og mikið af því.

Kaffið mitt fæ ég mér hins vegar aðeins á morgnana (ef ég hef tíma) og svo um helgar. Drekki ég einn stóran fant af þessu kaffi að morgni þá þarf ég ekkert kaffi það sem eftir er dags. Það kann að virðast sem þetta sé auglýsing frá Súfistanum en svo er hreint ekki. Þetta er meira svona í því skyni að félagsrit og sjónmengun Gvendar Skrýtna með langa titlinum færist út af félagsritalistanum

En aftur að kaffinu. Mér þykir gott að drekka það svart og sykurlaust en mér þykir það líka gott sem Latte eða Capuccino. Ég skora á ykkur að prófa þetta kaffi.

   (117 af 287)  
31/10/05 15:01

Offari

Hvar fæst kaffið?

31/10/05 15:01

Rósin

Ég sé nú ekki betur hér til hliðar en að þú hafir eitt sinn skapað álíka mikla sjónmengun sjálfur.
En já kaffið hljómar ágætt. Kannski að maður prufi einhverntíman.

31/10/05 15:01

Ívar Sívertsen

Kaffið fæst í Súfistanum í Hafnarfirði og Reykjavík. En ég fæ ekki séð hvaða sjónmengun ég hef gert...

31/10/05 15:01

Rósin

Iss léleg þykir mér að geta ekki bara viðurkennt mistök sín.

31/10/05 15:01

Don De Vito

Talandi um sjónmengun, ég var einmitt að gagnrýna sjónmengunina hans Gvendar Skrítna í nýju félagsriti!

31/10/05 15:01

Herbjörn Hafralóns

Ég held að Ívar hafi ekki valdið neinni sjónmengun. Það voru Gvendur skrítni og nú síðast Dúddi, sem það gerðu.

31/10/05 15:01

Offari

Nú er ritið hans Dúdda farið, Takk.

31/10/05 15:01

Herbjörn Hafralóns

Uppátæki Dúdda olli því m.a. að ég komst ekki inn á spjallsvæðið Menning og menntir. Ég sé hins vegar að hann hefur nú bætt ráð sitt og hreinsað upp eftir sig.

31/10/05 15:01

Don De Vito

Hvaða sjónmengun? [Flautar sakleysislega út í loftið]

31/10/05 15:01

Þarfagreinir

Mér finnst að það eigi að bjóða upp á þetta kaffi á Kaffi Blút. Annað væri varla sómandi.

Ég held að fröken Rós sé að tala um ritið sem ber titilinn Umferðarmenninghöfuðborgarsvæðisins.

31/10/05 15:01

Rósin

Nei nei ég var að tala um þetta rit hér :
andskotans helvítis­djöfulsins skrattans­ekkisens strætó helvítis­djöfulsins drasl

Sem var fyrir nokkrum mínútum skrifað í einu orði.
Áður en að sumir breyttu því í stað þess að viðurkenna hræsni sína.

31/10/05 15:01

Þarfagreinir

Ah - ég skil.

Lúmskt hjá Ívarnum.

31/10/05 15:01

Hvæsi

Hættu þessu kaffirausi Ívar og fáðu þér lítinn bjór !

31/10/05 15:01

Ívar Sívertsen

Já nei sko... ástæðan fyrir þessu er sú að a) ég sá að mér og lagfærði þetta og b) þetta var þegar breytt vegna þess að eldrefsviðbótin sem kynnt var hér innihélt þannig galla að hún stoppaði á félagsritum sem innihéldu tákn og félagsritið hét upphaflega #$%&#&/#%&(#%&(%#/#&%/ Strætódrasl. Það eru ekki nema tvær til þrjár vikur síðan téð langlokunafn var sett inn

31/10/05 15:01

Herbjörn Hafralóns

Þetta fór alveg framhjá mér en vonandi hætta menn að nota svona fáránlegar fyrirsagnir.

31/10/05 15:01

Ívar Sívertsen

skál

31/10/05 15:01

Þarfagreinir

Já var það þetta rit? Auðvitað. Ég man eftir umræðu um það, og bætti meira að segja inn villumeðhöndlun í viðbótina í kjölfarið.

31/10/05 15:01

Nermal

Ég er nú svo skrítin skrúfa að mér þykir kaffi vont

31/10/05 15:01

Ísafold

Má ég kóa með líka? Takk fyrir þessu yndislegu gagnrýni. Hvað með að prófa salernispappír næst? Hvað á að nota mörg blöð í einu? Hvernig er réttast að brjóta? Eru þessi mjúku best?

Töfra Stundir öll !

31/10/05 15:01

Ívar Sívertsen

Sum sé, Heiðglyrnir hefur annað hvort haft gríðarleg áhrif á Ísafold eða Ísafold er Heiðglyrnirs evil twin brother [glottir]

31/10/05 15:01

Offari

Er ekki verið að villa um fyrir okkur?

31/10/05 16:00

hlewagastiR

Ég hefði trúað mér miklu frekar til þess.

31/10/05 16:00

Jóakim Aðalönd

Því miður get ég ekki drukkið kaffi lengur. Því miður.

31/10/05 16:01

Sundlaugur Vatne

Ég get drukkið kaffi, bæði lengur og skemur.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!