— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 31/10/05
andskotans helvítis djöfulsins skrattans ekkisens strætó helvítis djöfulsins drasl

Íslendingar eru furðulegar skepnur. Öllum fjandanum er breytt í þeirri góðu trú að allir hagnist á því. Ég er svolítið efins um þessa breytingaáráttu. Tölum um leiðakerfi Strætó bs.

Eins og þeir muna sem á annað borð taka strætó að staðaldri þá var það furðulegur dagur 23. júlí 2005. Fólk sem þurfti að komast frá Hafnarfirði og upp í Salahverfi í Kópavogi hafði tekið leið 140 frá Hafnarfirði í Hamraborg í Kópavogi og þaðan leið 18 upp í Salahverfi. 23. júlí breyttist það þannig að fólk tók S1 úr Hafnarfirði sömu leið og 140 og S2 sömu leið og 18. Einhverjar smávægilegar breytingar voru gerðar á tímatöflum fram undir áramót svona af og til en núna 5. mars urðu hins vegar ofboðslegar breytingar. S1 og S2 voru alltaf á sama tíma í Hamraborg á leið niður á Hlemm og að sama skapi á leið frá Hlemmi. S1 sem var að koma úr Hafnarfirði á leið niður á Hlemm hitti S2 sem var að koma frá Hlemmi, áleiðis upp á Vatnsenda til að koma farþegum í Smáralind og þar um kring. En í dag er ástandið þannig að S2 á að fara 1 mínútu á undan S1 úr Hamraborg áleiðis á Hlemm skv. tímatöflu (hvernig það gengur svo verður komið að síðar í þessum pistli) en þegar farið er í hina áttina er S1 níu mínútum á undan S2, og hér gefum við okkur að ekið sé á 20 mínútna tíðni á stofnleiðum. Samkvæmt þessu ætti S2 að vera farinn þegar S1 drattast í Hamraborgina áleiðis á Hlemmi. S2 var líka breytt þannig að hann ekur ekki lengur upp á Vatnsendaveg heldur fer bara upp Salaveg og niður með Versalalaug. Það eina sem breyttist á S1 var hins vegar tímataflan, komum að því síðar. Lítilvægar breytingar urðu á 21, 22 og 24 en 23 breyttist talsvert en líklega til batnaðar og því verður ekki nöldrað yfir því hér. Hér hafa verið tíundaðar nokkrar leiðir sem aka utan Reykjavíkur. All nokkrar breytingar hafa verið gerðar á S3, S4 og S5, bæði á leið og tíma. nokkrar hverfaleiðir fengu breytingu og verstu útreiðina fengu líklega leiðir 12 og 15 en þá breytingu á tímatöflum.

Nú er það líklega stefna Strætó bs. að farþegar þurfi að bíða, verði pirraðir á óþægindum í akstri og almennt að farþegum fækki. Það er algengt t.d. að S2, S3, S4 og S5 séu allt of seinir og algerlega á skjön við tímatöflur. leiðir 12 og 15 fengu þannig útreið að bílstjórar sem reyna að halda áætlun koma úttaugaðir niður á Hlemm og ekki vantar mikið upp á að þeir fari að skæla. Það er hreinlega glæpur að lengja leið um 10 mínútur á meðan 3 - 5 mínútur eru gefnar til þess á tímatöflu. Og þetta kalla þessir sauðir Final...

Mér þætti vænt um það lesandi góður ef þú gætir séð af smá tíma til að úttala þig um leiðarkerfi Strætó bs. og þjónustuna sem það fyrirtæki veitir. Ekki veitir af að veita þeim aðhald!

Ef ég réði einhverju myndi ég taka upp gamla kerfið í Reykjavík og búa til nýtt kerfi fyrir nágrannasveitarfélögin. Svo myndi ég fara á skiptimiðanum upp á Skaga og fá mér blút á Langasandi!

   (138 af 287)  
3/12/05 14:02

Offari

Ég tek bara leigubíl. takk samt.

3/12/05 14:02

Z. Natan Ó. Jónatanz

Það er ansi líklegt að þetta kostulega klúður eigi eftir að kosta fyrrum aðildarflokka (les. Samfylkinguna) meirhluta í borgarstjórn.
Sem betur fer þarf ég ekki að nýta mér þennan ófögnuð að staðaldri, þarsem ég er búsettur utan stórreykjavíkursvæðisins, en hef nokkrum sinnum verið tilneyddur á ferðum mínum þarumslóðir. Þær tilraunir hafa yfirleitt haft í för með sér tímabundinn geðheilsubrest, auk þess að hafa kostað bæði tíma & óþægindi, látum vera með peninga. Fargjaldið væri svosem sanngjarnt ef um raunverulega; velskipulagða, kerfisbundna & aðgengilega þjónustu væri að ræða. Hneisa.
Ég tek undir með þeim fjölmörgu sem hafa réttilega bent á þá augljósu staðreynd, að engin von er til þess að draga úr sívaxandi einkabílaumferð & þeim vandamálum sem henni fylgja, ef þessu gulskellótta grameðlubákni (sem almenningsvagnakerfið er í núverandi mynd) verður ekki kippt snarlega í liðinn, um svosem eitthundraðogáttatíu gráður.

3/12/05 14:02

feministi

Já, þetta hefur líka haldið vöku fyrir mér.

3/12/05 14:02

Bangsímon

pfnark!

3/12/05 15:00

Vímus

Þetta versnar stöðugt. Ég öfunda þig ekki Ívar minn og það gæti ekkert fengið mig til að setjast
aftur undir stýri á gulu skrímslunum.
Hum!
Er Vímus heiðarlegur núna? (1 kg.?)

3/12/05 15:01

hlewagastiR

Leið 15 hélt aldrei áætlun. Aldrei. Alltaf 7-15 mín. og sein. Nú er þetta betra. Gott mál.
Breytingarnar á leiðarkerfinu hafa hvað mig snertir verið til bóta að öllu leyti og nýja lagfæringin bætir stöðun enn frekar. Þetta er það eina sem borgarstjórnarmeirihlutinn hefur gert vel. Ég ætla samt ekki að kjósa þá.

3/12/05 15:01

hlewagastiR

Eða jú, kannski Björn Inga. Hann er svo flottur.

3/12/05 15:01

Litla Laufblaðið

Mér fannst ofsalega erfitt að lesa þetta félagsrit. Það eru svo margar tölur þarna að ég varð bara allveg ringluð. En nú bý ég ekki á Íslandi lengur svo það skiptir kannski ekki svo miklu máli hvað mér finnst.

3/12/05 15:01

Amma-Kúreki

Heyr heyr
sammála þér Ívar
gammla leiðarkerfið virkaði of vel
nei annars ættu það að vera bílstjórar strætó sem
ættu að fá að hanna kerfið og ég geng svo langt að seigja gatnakerfið líka ( tja gæti það versnað ?)

3/12/05 15:01

Skabbi skrumari

Sammála Litlu, hrikalega erfitt að lesa þetta... en mér er svo sem sama... Skál

3/12/05 15:02

Grýta

Hér er hugmynd af góðu strætókerfi.

Frá miðbænum ganga strætó í öll helstu úthverfin
á strætóstöðvum í úthverfum má svo taka innankerfis-strætó sem ekur um hverfið.

Í miðbænum aka svo ókeypis strætóar á 3-5 min fresti.

Á stoppustöðvum verði rauntími sem sýnir hversu langt er i næsta strætó.

Midi sem gildir i heilan dag kosti 250 kr.

Einnig verði hægt að kaupa miða fyrir hverja ferð.
Verðið á þeim miða fer eftir tví hve langt þú ert að fara.

3/12/05 16:01

Gaz

Fólk er afar duglegt að laga það sem ekki þarf að laga!

3/12/05 18:02

Jóakim Aðalönd

Grýta er med athyglisverda tillogu tharna...

9/12/05 06:01

Úlfamaðurinn

En til eru líka Íslendingar sem eru algjörar skepnur, fólk eins og ég, sem nýt þess að vera skepna.

Hvað er hvorki fugl né fiskur? Maður!!

matrixs@mi.is

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!