— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/05
Ferð mín til skrímslaborgar

Þann 4. fwbrúar fór ég í flugstöðina í vík þá er kennd er við Kefli og hóf ferð til Monster city!

Ferðin frá vík kefla gekk vel þar til að lendingu var komið. Í víkinni hafði ég gert vörukönnun á miði þeim er við ísland er kenndur, Thule. Hann var í lagi og þá þótti mér við hæfi að skreppa inn í eina flugvélina sem þar var stödd. Ég settist þar og bað um að fá að smakka kjúklingasalat sem var auðsótt mál fyrir greiðslu úr sjóðum spillingaráðuneytisins. Til að geta torgað því var dreypt á dýrasta rauðvíni um borð. Ég innti yfirfluffu um borð hvort ekki væri hægt að fá dýrt koníak líka þá bauðst hún til að útvega það. Svo áður en ég vissi af var ég staddur á Biðstaðarflugvelli (stansted) Lundúnaborgar. ÉG taldi mig heppinn að komast óséður í gegnum það hreysi sem og gryfju þá er menn nefna FMO eða Flieghafen Münster/Osnabruck (skrímsli/ostabrot) eða eitthvað í þá áttina. Samnjósnari minn (Doktorinn sem er nýliði hér) ætlar að veita mér innsýn í þá vopnastarfsemi sem hér fer fram. Ég sé ykkur vonandi á hittingi en ekki í minningargrein!

   (145 af 287)  
2/12/05 05:00

Jóakim Aðalönd

Góða ferð og kauptu nú einn minjagrip handa mér.

2/12/05 05:00

Offari

Hafðu engar áhyggur ég passa Hexíu fyrir þig.

2/12/05 05:01

Hexia de Trix

Ívar! Þú ert ekki með kreditkort spillingaráðuneytisins, það varð eftir hér! Í guðanna bænum ekki eyða meiru!

2/12/05 05:01

Hexia de Trix

Já og hafðu engar áhyggjur af mér. Offari passar mig. Hann er líka búinn að skúra...

2/12/05 05:01

Galdrameistarinn

Hexía. Nýttu þér kortið eins og þú getur.
Ívar. þú ert í síðum s...

2/12/05 05:01

Þarfagreinir

Hvað ertu að gera einn á þvælingi Ívar minn?

2/12/05 05:01

Jarmi

Hann er ábyggilega að þvælast í Tom-Rink-Strasse. Og við vitum öll hvernig hús eru þar.
[Blikkar]

2/12/05 06:00

Günther Zimmermann

Haha! Þetta er fyndið, ég var í Garmisch í dag, ekki 30 km. frá Münster (en í Bayern, ekki Austurríki).

2/12/05 06:00

Hexia de Trix

[Klórar sér í höfðinu]
Ívar er í Münster í norðanverðu Þýskalandi. Ekki í Bayern og hvað þá heldur Austurríki.

2/12/05 06:01

Günther Zimmermann

Ach so! Ég þekkti bara eitt munstur, í Austurríki.
Svei ófrumlegum Týrólum og Germönum!
Svei öllum óígrunduðum framlögum til umræðna!

2/12/05 06:01

Jarmi

Játs, það er einmitt í Münster í norðanverðu Þýskalandi sem Tom-Rink-Strasse er. Og við vitum öll hvernig hús eru þar. [Blikkar]

2/12/05 06:01

dordingull

Þarfi, þú hefur ekki lesið nógu vel. Dr. Frankenstína fylgir honum þess vegna talar hann um skrímsl.
Við skulum bara vona að það sé gæludýrageymsla á hótelinu því þurfi hann að taka hana með inn á herbergi verðum við að fylgjast vel með, breaking news alerts.

2/12/05 06:01

fagri

Ah.. Reeperbahn í Hamborg, vekur góðar minningar og er staður sem hægt er að mæla með fyrir menn sem hafa gleymt Hexíu sinni en eru með kortið hennar.

2/12/05 06:01

Gísli Eiríkur og Helgi

Hexía veri með þér vinur. hvert sem þú ferð og hvað þú nú gerir.

2/12/05 06:01

Hexia de Trix

Pah! Ef Ívar hefur gleymt mér þá geta skrímslin bara átt hann.

Ég hef samt á tilfinningunni að hann hafi nú ekki gleymt mér.
Fagri: Þú færð ekkert kakó!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!