— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/05
Um riddara og röflara

Mig rak í rogastans um daginn þegar ég fór og keypti mér kaffi...

Ég átti leið fram hjá Súfistanum í Hafnarfirði og fann kaffiþörfina berja mig sundur og saman. Mig langaði í kaffi! Það sem meira var, ég ákvað að kaupa mér stóran poka af einhverju góðu og kjarnríku kaffi. Ég á kaffikvörn heima þannig að ég kaupi sjaldnast annað en baunir. Ég þramma að afgreiðsluborðinu og hugsa mig um og bið svo um stóran poka af Espresso kaffi. Afgreiðsludaman verður sorrý á svipinn og segir að það sé því miður búið en hún eigi Riddara Sívertsen sem sé ekkert ósvipað. Minnugur þess að ég og Heiðglyrnir hinn hugdjarfi riddari reyktum friðarpípu fyrir allnokkru síðan þá gat ég ekki annað en glott í kampinn. Þarna voru saman komnir í einum poka riddarinn og röflarinn. Merkilegur andskoti. Svo þegar ég hafði greitt fyrir kaffið og kominn út þá fór ég að velta fyrir mér hvort maður mætti eiga von á enn fleiri kunnuglegum tegundum af kaffi í Súfistanum... Fuckov Hakuci blanda, Skabba og Limbra blanda... hvað veit maður. En kaffið er mjög gott!

   (148 af 287)  
2/12/05 01:00

sphinxx

Snilld en hvernig er þá Riddari Sívertsen í bland við friðarpípu.

2/12/05 01:00

Ívar Sívertsen

Heyrðu... ég þarf að prófa það...

2/12/05 01:00

blóðugt

[Flissar] Stórmerkilegt!

2/12/05 01:00

Jóakim Aðalönd

[Hlær]

2/12/05 01:00

Jarmi

Magnað. Passaðu þig á Blámanna-sopanum, sterkt stöff.

2/12/05 01:00

B. Ewing

Ótrúlega sniðugt.

2/12/05 01:00

Offari

Hvernig var svo blandan?
Ertu farinn að semja hugljúf ástarljóð?

2/12/05 01:01

fagri

Þetta kallar á för til Hafnarfjarðar.

2/12/05 01:01

Þarfagreinir

Stórmerkilegt. Ég legg til að þetta verði gert að hinu opinbera Baggalútskaffi hið snarasta.

2/12/05 01:01

krumpa

MAGNAÐ

2/12/05 01:01

Grýta

Aha!
Eru þið Heiðglyrnir í markaðsátaki saman?
Ef... velhepnuð og flott afurð hjá ykkur!

2/12/05 01:01

Hvæsi

Snilld. Allir þangað að kaupa kaffi !

2/12/05 02:00

Vladimir Fuckov

Oss líst afar vel á öll þau vörumerkjanöfn er nefnd eru í fjelagsriti þessu [Ljómar upp].

2/12/05 02:00

Mosa frænka

Hér í Berklabæ og nágrenni fæst teblanda sem heitir Numi. Það er allt hægt.

2/12/05 02:01

Heiðglyrnir

Nei sko okkur Ívar, flottir strákarnir..hahahahaha..Skemmtileg uppákoma..!..

2/12/05 02:01

Vladimir Fuckov

Eigi er það bara Númi af ritstjórninni er á aðdáendur. Vjer tókum allt í einu eftir að það stendur Enter neðarlega til hægri á nær öllum lyklaborðum á vinnustað vorum. Það á þó einungis við um borðtölvur; fartölvuframleiðendur virðast eigi halda eins mikið upp á þá Baggalútsmenn (Enter sjer í lagi) [Setur fartölvuframleiðendur fyrir hönd ritstjórnar á listann yfir óvini ríkisins].

2/12/05 02:01

Ívar Sívertsen

Hér ætlaði ég að setja inn brandara um kumpána á borð við insert, delete, esc, shift og caps lock en áttaði mig á því að það hefði náttúrulega ekkert skemmtanagildi og þar af leiðandi hreint ekkert fyndið.

2/12/06 03:02

krumpa

Riddari Sívertsen er ákaflega gott kaffi - en heitir víst í höfuðið á Bjarna riddara Sívertsen sem bjó í Hafnarfirði um 1800 - en ekki ykkur!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!