— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 3/11/04
Um áramót

Nú er komið að þeim tímapunkti á árinu þar sem menn fara að smíða sér væntingar og áætlanir. En svo mistekst það allt í fyrstu viku.

Ég hef lengi haft þann sið að setja mér óraunhæf markmið í lífinu. Ég hef ætlað mér að sigra heiminn með einhvers konar viðskiptahugmyndum sem ekki eiga sér einu sinni möguleika. Ég hef ætlað mér að breyta líferni mínu svo drastískt að ég lægi örendur eftir. Ég hef ætlað mér að gera þetta og hitt svo um munar og oftast verður ekkert úr.

Framundan er hinsvegar stórmót. Þar keppa menn af miklu kappi og hörku. Þetta stórmót blæs manni stolt í brjóst og vilja til að skara fram úr. Hvaða stórmót er þetta? Jú, ÁRAMÓT. En í hverju er keppt? Það er keppt í heitstrengingum, loforðagjálfri, áti, drykkju, að toppa sprengjuverk nágranna og hver á flesta ættingja liggjandi áfengisdauða ofan á notuðum skottertum.

En hvað eru áramót? Það er hugtak og tilefni til ofneyslu á öllum sviðum innbyrðingar og ljósadýrðar. Hverju eyðir þú lesandi góður í sprengjur fyrir þessi áramót? Ég eyði ekki miklu. Kannski sjöþúsundkalli í eina tertu. Ég vil nefnilega líka sjá hvað hinir eru að gera. Ég þekki til manna sem skjóta rakettum fyrir hundruð þúsunda og þegar upp er staðið þá þurfa þeir að spyja viðstadda hvernig showið hafi verið.

En hvað gætu áramót hins vegar verið? Ég hef oft vel fyrir mér tilgangi þess að halda upp á það að nýtt ár gengur í garð. Sumir kvíða ávallt nýju ári og horfa fram á skuldir, heimilisvandræði, fíknir eða jafnvel linnulausa óumbeðna einveru. Aðrir sjá fram á betri tíð með mittisummálsminnkun og fleiri krónur í budduna. Enn aðrir sjá bara fram á Status Quo í sínum málum (og á ég þá ekki við að sú aldna hljómsveit fari að garfa í manns einkamálum).

En áramótum er hægt að snúa upp í tóma vitleysu. Ef þú ætlar að kaupa þér árabát þá þarftu árar. Best er að steypa þær úr plasti og til þess þarftu mót, ÁRAMÓT!

Gangið hægt um gleðinnar dyr elsku dúllurnar mínar, róið ykkur leið að nýju ári.

Gleðilegt ár og takk fyrir þau liðnu. Megi framganga okkar á Gestapó vera enn veglegri á nýju ári.

   (153 af 287)  
3/11/04 07:01

Offari

Fæ mér bara utanborðmótormót.. Gleðilegt árið..

3/11/04 07:01

hlewagastiR

Þetta var svo væmið að ég ældi. Sem er á sinn hátt helvíti vel af sér vikið.

3/11/04 07:01

Holmes

Þá fæ ég mér bara stærri mótor og kaupi hlut í trillu.

E.S. Pabbi minn er sterkari en pabbi þinn.

3/11/04 07:01

Jóakim Aðalönd

Gleðilegt ár! (Kveðja frá Buenos Aires)

3/11/04 07:01

hlewagastiR

Buenos Aires? Onkel J. hefur hingað til kallað Kristneshælið ýmist Caracas eða Bogota. Ber okkur að skilja þetta sem svo að vist menn hafi fengið bæjarleyfi til Akureyrar eða er bara Hreinn Loftsson í heimsókn?

3/11/04 07:01

Gísli Eiríkur og Helgi

Þú ert góður maður Ívar og þarft ekki að lofa neinu
nema að halda áfram með það Gleðilegt nýtt ár fyrir þig og Hexíu og öll börnin ykkar og annara

3/11/04 07:01

Vladimir Fuckov

Gleðilegt ár ! (bæði opinber og formleg kveðja úr forsetahöll Baggalútíu)

3/11/04 07:01

Dexxa

Gleðilegt nýtt ár !

3/11/04 07:01

Rasspabbi

Þakka þér fyrir pistilinn Ívar.
Það er ekki laust við að margar hugsanir svífi að manni (svona eins og áfengisvíman) um áramót.

Ný verkefni, nýtt fólk, ný markmið, ný tækifæri, nýtt líf.

Skál fyrir ykkur öllum og gleðilegt nýtt ár!

3/11/04 07:01

Nermal

Þar sem margir púkar (árar) koma saman þar er áramót... En gleðilegt nýár allir baggalútar.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!