— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 2/11/04
Hvað ef...

Ég hef oft velt fyrir mér tilgangi hluta. Hér á eftir fer smá hugleiðing í þá veruna sem að mestu eru ósvaraðar spurningar.

Ég er mikill útvarpsfíkill og hlusta rosalega mikið á fréttir ef ég mögulegast get. Þessu fylgir það óneitanlega að ég hlusta á dagskrána sem fylgir enda er ég akandi alla daga með útvarpið á. Í nýlegri forystugrein hneykslaðist Númi Fannsker á því að Gestur Einar Jónasson væri ekki lengur á dagskrá Rásar 2. Oft hefur maður hneykslast á því hvað Gestur hefur lítið lært í tækninni á þessum... hvað eru það mörg ár... tuttugu og tvö... sem hann hefur verið á Rás 2. En þá spyr maður sig. Hvað ef Gestur Einar hefði nú aldrei byrjað á Rás 2 og flumbrast um takkaborðið eins og blindur kettlingur? Hvar væri öll sixtís og seventís tónlistin sem hann spilaði? Hefði einhver annar tekið þetta vandasama hlutverk að sér?

Á síðkvöldum þykir mér afskaplega gaman að glápa á sjónvarpið. Hvort heldur sem er fréttir, sem ég vil helst ekki missa af, eða skemmtiþættir og hvað þá bíómyndir. En sumt efni er mér um megn að horfa á. Ég til dæmis get ekki með nokkru móti horft á Kallakaffi. Þessir þættir þykja mér hreinlega ekki fyndnir og í flesta staði illa að þeim staðið. Og þá er kannski við hæfi að spyrja. Hvað ef ekki hefði dúkkað upp þessi skelfilega sería? Væru þeir félagar Derrick, Matlock eða Der Alte komnir aftur á dagskrá eða jafnvel Prúðuleikararnir?

Ég les ekki mikið af bókum eins og kannski má glöggt sjá á bæði innleggjum og félagsritum mínum. En sumar bækur finnast mér skemmtilegri en aðrar og það eru sannar svaðilfarasögur á borð við Útkallsbækurnar og ævisögur umdeildra samtímamanna sem ekki eru komnir yfir sextugt. Einnig finnast mér ævisögur poppara mjög skemmtilegar. Útkallsbækurnar tóku upp á því einhverjar að koma út í kilju. Mér finnst mun betra að lesa kiljur vegna þess að þær eru léttari. Ég les nefnilega bara í rúminu eða á ferðalögum. EN hvað ef við hefðum ekki kiljur? Væri þá minna um að fólk læsi á ferðalögum? Væri bókaútgáfa ekki eins blómleg og raun ber vitni? Og í kjölfarið: Hvað er engar væru bækurnar? Læsum við allt af tölvuskjám heima hjá okkur? Væri þróun lítilla lestrarskjáa mun lengra komin? Kynnum við yfirleitt að lesa?

Mér finnst mjög gaman að horfa á bíómyndir. En eins og flestir þá á ég mitt áhugasvið í bíómyndum. Myndir sem eru í anda Zucker Abrahams finnast mér skemmtilegastar. Það er oft kallað að hafa gaman af detta-á-rassinn-myndum. Mér finnast reyndar myndir þar sem verið er að stæla Zucker Abrahams stílinn ekkert skemmtilegar vegna þess að það er ekki frumlegt og yfirleitt bara lélegar eftirapanir. Ég hef reyndar ekki gaman af Woody Allen þó svo margar hans mynda séu titlaðar gamanmyndir. Ég er fyrir meiri öfgar í þá veruna. En hvað ef aldrei hefðu verið gerðar gamanmyndir? Væri heimsmyndin önnur? Væru allir miklu alvörugefnari en raun ber vitni? Væri aldrei Áramótaskaup í sjónvarpinu?

Ég er tölvunörd. Mér finnst gaman að hanga við tölvuna og grúska á netinu. Mér finnst líka gaman þegar ég hef efni á einhverju dóti sem hægt er að smella á eða í tölvuna og fá það til að virka. Það gefur manni svo mikinn sæluhroll þegar maður veit að hluturinn virkar eins og hann á að gera. En þá spyr ég: Hvað ef engar væru tölvurnar? Væri tækniþróun byggð á einhverju öðru eða værum við enn í moldarkofum? Væri Baggalútur til sem dagblað eða tímarit? Værum við að slá inn félagsrit með ritvélum?

Eitt er alla vega alveg víst. Ég væri ekki hér. Hvað ef svo væri ekki?

   (159 af 287)  
2/11/04 04:00

Kargur

Hvað ef ég hefði ekki lesið þetta?

2/11/04 04:00

Hermundur Frotté

Þá hefðir þú líklega aldrei vitað hvað þessi fáráður er að hugsa.

2/11/04 04:00

Hermundur Frotté

Það er kannski rétt að það komi fram að mér fannst þetta félagsrit góð hugmynd en úrvinnslan fannst mér síðri. Hjá mér hafa hins vegar kviknað spurningar um lífið og tilveruna. Hvað ef það hefði ekki gerst?

2/11/04 04:00

kolfinnur Kvaran

Þá væri ég líklegast drottnari alheimsins

2/11/04 04:00

Nornin

Hmmm... það að Hermundur hafi kallað Ívar fáráð finnst mér afar ósmekklegt og nú er ég pirruð við hann. Hvað ef hann hefði ekki skrifað þetta innlegg? Væri ég þá minna móðguð fyrir Ívars hönd?

2/11/04 04:00

Heiðglyrnir

Uhh hvað ef Ívar væri ekki til, væri þá Handklæðið til uhh..!..

2/11/04 04:00

Ívar Sívertsen

Hafi þetta félagsrit fengið fólk til að hugsa um sjálft sig eða vakið einhverjar tilfinningar og hugsarnir þá er takmarkinu náð.

2/11/04 04:00

Mófreður C. Mýrkjartans

Óskaplega er þetta lélegt félagsrit. Áttu virkilega ekkert betra?

2/11/04 04:00

Bóthildur Bjarman

Ég spyr mig oft svona spurninga. Er það ekki eðlilegt annars?

2/11/04 04:01

Offari

Ef ekki væri tölva hefði ég ekki lesið þetta.
Ef þú hefðir ekki skrifað þetta hefði ég heldur ekki lesið þetta. Takk fyrir að leifa mér að lesa þetta ágæta rit þitt.

2/11/04 04:01

Galdrameistarinn

Þeim lélegt það þykir er sjálfa sig óttast hvað mest.
Mér finnst þetta ágætt eins og gerir þú flest
Ef vel er að gáð,
er takmarki náð
ef neikvæðir nöldrar gagnrína hvað best.

2/11/04 04:01

Gottskálk grimmi

Ef, ef, ef, ef,,,,,,,,,,,,,,,,,,,,,

Nöldrari.

2/11/04 04:01

Ívar Sívertsen

[fer að skæla]

2/11/04 04:01

Tígri

Svona svona. Ekki hlusta á þessar úrtöluraddir eins og Gotta. Þetta var fínt félagsrit hjá þér.

2/11/04 05:01

Litli Múi

Ágætis pælingar sumt af þessu, ekki allt þó.

2/11/04 05:01

Magnús

Litli Múi og þið þarna úrtölumenn, þurfum við á þessum leiðindakommentum að halda? Spyrjið sjálfa ykkur að því næst þegar þið hyggið á leiðindi. Guð veit að þegar ég hef ekkert fram að færa nema skæting, þá læt ég það eiga sig að kommenta.
Þetta var fínt fjelagsrit, Ívar.

2/11/04 05:02

Jóakim Aðalönd

Sérstaklega finnst mér gagnrýni Mófreðs koma úr horðustu átt:

http://www.baggalutur.is/profile.php?mode=viewprofile&u=1477

2/11/04 09:00

Leibbi Djass

Tek undir með Jóakim.

Hey Jói, sá mö-mmu þína um daginn.

Kveðja.

Leibbi Djass

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!