— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 1/11/04
Stúdentablaðið

Með fréttablaðinu í dag kom inn um lúguna Stúdentablaðið.

Það hefur gerst nokkuð oft að Stúdentablaðið hefur komið með Fréttablaðinu og er það mjög sniðug aðferð til að vekja athygli á málefnum stúdenta. Oft hafa blöðin verið vönduð og efnistök fín. En blaðið sem kom í dag var öðruvísi. Ég er mjög hrifinn af því sem kallað er Grunge art og prýðir ein slík mynd forsíðu blaðsins. Ég opnaði blaðið og fletti í gegnum það og verð að segja að ég hafði ekki mikla löngun til að lesa það. Útlitið er eins og á annars flokks menntaskólablaði. Leturgerðir eru vondar og útlit almennt ljótt að mínu mati. Greinar blaðsins eru vafalítið metnaðarfullar og góðar en ég nennti ekki að lesa þær vegna útlitsins. Mér finnst Stúdentablaðið hafið yfir framhaldsskólaútlit. Stúdentablaðið þarf nefnilega að ná til fólks á aldrinum 20 - 80 ára og einhverra hluta vegna efast ég um að fólk á aldrinum 35 - 80 ára nenni að lesa svona framhaldsskólablað.

   (166 af 287)  
1/11/04 08:01

Sundlaugur Vatne

Já, þetta er ljótt blað um ljótt fólk.

1/11/04 08:01

hlewagastiR

Þetta blað hefur öll merki gríðarlegs vanþroska þess sem því stýrir.

Látum vera þótt útlitið minni á framhaldsskólablað eftir byrjanda í umbroti með agðang að of mörgum fontum.

Látum vera þótt ritstjóri sé fanatískur marx-leninísti, fastur í kalda stríðinu. Hann hefur til þess leyfi og starfar í umboði Háskólalistans sem komið hefur í ljós að er deild í Vinstri-hreyfingunni grænu framboði.

Hitt er verra að hvað blaðið er skrifað af miklum naívasma og almennum kjánaskap. Vilji ritstjóri vinna öfgastefnu sinni fylgis ætti hann að leita í smiðju þeirra Ármanns og Sverris Jakobssona. Þar fara menn sem fá mann til að dást að rökfærni sinni og stíl þótt maður sé þeim jafnvel algerlega ósammála. En því er ekki að heilsa í þessu voðalega Stúdendablaði.

1/11/04 08:01

Ísafold

Ívar minn, mér finnst þú alltaf frábær.

1/11/04 08:01

Stelpið

Sammála, einstaklega ófrítt blað með ljóta fonta. Hef ekki nennt að lesa það ennþá...

1/11/04 08:01

Órækja

Sjálfur reyndi ég að glugga í blaðið, en dökkt letur á dökkum bakgrunni er ekki læsilegt manni með mína sjón svo blaðið endaði í hrúgunni með hinum ruslpóstinum.

1/11/04 08:02

Jóakim Aðalönd

Ert thú ekki ritstjórinn?

1/11/04 08:02

Ívar Sívertsen

Hver? Ég? Nei, ekki myndi ég a.m.k. tala svona um eigin afurð... Ef þú vilt lesa eitthvað um eigin afurðir manna þá skaltu lesa nýjasta félagsrit Galdra...

1/11/04 09:01

voff

Það er einhver ´68 fílingur í þessu. Eins og kubbaletrið í fyrirsögnunum (minnir mann á e-h sem var notað í gamla daga til að merkja vörusendingar) og háa grannaletrið í upphafi greinanna, þetta minnir á dreifibækling frá byltingarsinnuðum hippum. Verst hvað það er óþægilegt að lesa svona letur.

Svo er ógaman að lesa um að enn eru ferlimál fatlaðra við HÍ ekki að fullu leyst sbr. bls 12. Ég man að þessi mál voru í deiglunni þegar ég var í HÍ og það er næstum áratugur síðan.

1/11/04 09:02

Hermundur Frotté

Ef blaðið væri aðeins meira „conservative“ í útliti þá myndu mun fleiri lesa það.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!