— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 9/12/04
Atvinna

Undanfarið hefur verið rætt um atvinnumál í Íslensku þjóðfélagi og sitt sýnist hverjum. Hér kemur mín skoðun og hugleiðingar tengt því.

Því hefur verið haldið fram undanfarið að góðæri og mikil þensla sé í þjóðfélaginu. Því hefur einnig verið haldið fram að erfitt sé að fá fólk til starfa á öllum sviðum þjóðfélagsins (nema ef vera skyldi seðlabankastjórar).

Sjálfur er ég menntaður prentsmiður með sérhæfingu í auglýsingahönnun og telst því hálfgildings grafískur hönnuður. Ég vann hjá héraðsfréttablaði í eitt ár en hætti þar og hef ekki fengið starf í mínu fagi síðan. Síðan þá hef ég verið að keyra strætó og er ég alls ekki sáttur við þann ráðahag.

Þeir sem hafa hæst um að næg atvinna sé í boði og að þeir sem ekki fái vinnu séu letingjar eru forpokaðir hagfræðingar og vitleysingar sem telja sig vita allt. Miðað við magn atvinnuauglýsinga er jú talsvert af störfum í boði. En hvað rekum við okkur á? Jú, hæfniskröfur. Allt í einu þurfa allir að hafa eitthvað meira en stúdentspróf, sveinspróf eða annað sambærilegt. Það virðist vera sem atvinnurekendur, hagfræðingar og vinnumálabesserwizzerar telji bókvitið æðra verkviti. Bókvitið verður á endanum ekki í askana látið!

Ég veit um eina manneskju sem hefur langa háskólagöngu að baki og kláraði sumt af því með bravúr en samstarfsmaður viðkomandi sem varla hafði náð grunnskólaprófi þurfti ítrekað að leiðrétta háskólamanninn við ýmis störf.

En lítum á meira. Mikið er flutt inn af erlendu vinnuafli og því haldið fram að íslendingar nenni ekki að vinna í fiski eða við virkjanabyggingar. Augnablik, ef Íslendingur ætlar að vinna þessi störf þá þarf hann að vinna frá sex á morgnana til miðnættis til að ná endum saman. Maki hans vinnur níu til fimm þar sem einhver þarf að fara með og ná í börnin í menntastofnanirnar. Íslendingar rífa sig ekki upp með rótum frá sínum heimastað bara til að vinna í fiski í Skítavík eða Drullufirði. Af og frá. Þegar makinn hefur fasta vinnu, börnin búin að eignast vini og allt í föstum skorðum þá fer maður ekkert annað bara si sona.

Atvinnurekendur og hagfræðingar halda því fram að það sé meira en nóg að einstaklingur sé með 140.000 í föst mánaðarlaun fyrir skatt. Það er rangt. Ef hjón sem eru með 140.000 í heildartekjur á mánuði ætla að kaupa sér íbúð með aðstoð íbúðalánasjóðs þá er það því miður ekki í boði þar sem framfærslutölurnar hljóða upp á það að fjögurra manna fjölskylda eyði eitthvað í kringum 240.000 á mánuði í venjulegt uppihald. Ég spyr bara, hvar fá þeir þessar tölur?!? Tóku þeir mið af Björgúlfi Thor? Hann eyddi milljarði í einkaþotu... jújú, ætli það sé ekki meðaleyðslan... PAH!

Svo er eitt skilgreiningaratriði. Hvað eru mannsæmandi laun og hversu mikla vinnu þarf maður að inna af hendi til að ná upp í mannsæmandi launin? Mín skilgreining á þessu atriði er eftirfarandi: Átta stunda vinnudagur, fimm daga vikunnar, 8 - 5 vinna, útborguð laun nægja til venjulegrar framfærslu og eitthvað afgangs. Engin aukavinna eða vaktaálög. Allt umfram það væri bónus. 230.000 á mann á mánuði væri lágmark. En í mínu starfi vinn ég níu tíma vaktir, sex daga í röð og fæ þrjá daga á milli tarna í frí. Alla daga vinn ég einhvern hluta dagsins á yfirvinnutíma. Laun mín komast ekki nálægt þessum 230.000 sem ég nefndi áðan. Ég komst að því að það er ekkert réttlæti í þessum heimi.

Ég hef sótt um allan andskotann undanfarna mánuði. Ég veit það eitt að ég þrái 8 - 5 vinnu við mitt fag og meira en 230.000 í mánaðarlaun. Ég hef sótt um utan míns fags. Sjaldnast er mér svarað. Kannast lesendur við orðið þunglyndi? Ég held að það sé búið að vera ansi stutt í það upp á síðkastið. En með jákvæðu hugarfari virðist mér takast að hífa mig upp... og auðvitað lestur lútsins góða sem og tónlist köntrísveitarinnar hjálpa til.

Ef einhver veit um vinnu handa mér þá kunniði á einkaskilaboðakerfið.

Bestu kveðjur

Ívar Sívertsen

   (180 af 287)  
9/12/04 19:00

Þarfagreinir

Fjárinn. Þetta er hroðalegt að heyra. Ég ætti kannski að hætta að væla yfir mínum vandamálum - ég mun þó ávallt eiga mér vel launaða vinnu við hæfi. Ég vona að þetta bjargist sem fyrst hjá þér Ívar minn.

9/12/04 19:00

Ívar Sívertsen

Það reddast einhvern tíman... en verður það of seint?

9/12/04 19:00

Hildisþorsti

Hafðu bestu þakkir fyrir þetta innlegg.
Ég er með háskólamenntun en vinn sem óbreyttur hjá ríkinu með c.a. 130.000 útborgað (annað ét ég ekki).
Það virðast ekki vera not fyrir mig annarstaðar.

9/12/04 19:00

Ívar Sívertsen

Þetta er náttúrulega hneyksli! Reynsla, geta og önnur hæfni er aldrei metin að verðleikum. Ég hef miklar mætur á háskólamenntuðu fólki og má nefna það að mín ástkæra eiginkona er háskólamenntuð. Hún er ekki mikið hærri en ég í launum. Gildismatið er bara orðið svo kolrangt!

9/12/04 19:00

Galdrameistarinn

Næsta stig þunglyndisins er svo að bryðja prósak og aðrar skyldar gleðipillur.
Þetta ástand sem þú lýsir í sambandi við atvinnu og laun er alveg satt. En það er meira og ég las ágæta skilgreiningu á því hérna.
http://alvaran.com/index.php?ind=blog&op=home&idu=3

9/12/04 19:00

Ívar Sívertsen

Þetta er líka hverju orði sannara!

9/12/04 19:00

Galdrameistarinn

Hvernig á fólk með þetta 700 þús til miljón að gera sér grein fyrir því sem gerist hjá raunverulegu fólki með raunverulegar tekjur? Hver hefur EKKI heyrt gasprið og ruglið í þingmönnum sem segja að það sé ekkert mál að lifa af 100 þús á mánuði? Veruleikafirrtur ruslalýður á ekkert með það að tjá sig um hluti sem það hefur hvorki vit, þekkingu né reynslu af, eins og að framfleyta fjölskyldu á skítalaunum sem þrælað er fyrir með 14 til 16 stunda vinnudag 6 til 7 daga vikunnar 350 daga á ári.

9/12/04 19:00

Nafni

Hefur þú reynt að fara í þau fyrirtæki sem þú vilt vinna hjá og kynnt þig?

9/12/04 19:01

hlewagastiR

Þú átt að stofna bisness. Myndir mokgræða, enda ertu eldklár atorkumaður. Hættu að láta arðræna þig, arðrændu frekar aðra. Við bissnessmanni / brosir framtið / björt á Íslandi.

9/12/04 19:01

B. Ewing

Eftir að hafa fengið inni hjá 2 ríkistofnunum, einu rútufyrirtæki og í fullum rekstri á eigin fyrirtæki þá er ég loksins að ná inn tiltölulega góðum tekjum miðað við hvað ég hef haft. Samt eru þau undir 200 þús á mánuði.
-
Að arðræna aðra er ekki minn stíll. Ég hefði ekki samvisku í það.
Nafni nefnir góðan punkt, að fara á staðinn og kanna málið. Sem beggja megin borðs þá veit ég að það eru allmörg fyrirtæki sem auglýsa aldrei í blöðum, á netinu eða nokkursstaðar annarsstaðar eftir fólki.
,,Það dettur alltaf einhver inn annars lagið sem hefur alvöru áhuga á að vinna hjá fyrirtækinu mínu. Lítist mér vel á viðkomandi og vanti mann í vinnu er hann ráðinn''.

Í fyrstu krepputökunum eiga bissnessmenn og verðbréfaspekúlantar eftir að hrynja út af vinnumarkaði, ekki í kippum, ekki í kössum heldur bílförmum.
Raunamæddur jakkafatauppi í strætó ætti að vera sterk vísbending um framtíðina. Fylgstu með.

9/12/04 19:01

Galdrameistarinn

Það er satt sem B. Ewing segir hérna. Það er best að ganga milli fyrirtækja og sækja um því sum fyrirtæki auglýsa aldrei.

9/12/04 19:01

Sæmi Fróði

Baggalútur ætti að borga þér fyrir að vera hér Ívar.

9/12/04 19:01

Ívar Sívertsen

Ég þakka góð ráð. Ég hef reyndar farið í einhver fyrirtæki og kannað aðstæður. En fátt hefur komið út úr því. Ég reyndar sótti um á einni auglýsingastofu og þar voru minnir mig 30 um hituna. Ég var boðaður síðan í þriggja manna úrtak. En síðan kom það á daginn að þeir ætluðu ekki að ráða en myndu hafa samband ef af yrði síðar. Það var sárt að sjá það fara. Ég hef tvisvar farið í þularpróf hjá RÚV og í bæði skiptin komist í lokaúrslit. Svekkjandi að lenda í lokaúrslitum alltaf en missa þá af djobbinu.

9/12/04 19:01

Ívar Sívertsen

Satt er það Sæmi!

9/12/04 19:01

Glúmur

Ívar var auðvitað einn hæst launaði baggin hér á lútnum.
Hann fékk útborgað í baunum - það er að segja þangað til Baggalútssamsteypan sá fram á gjaldþrot og ákvað að taka alla gestapóa af launaskrá (baunaskrá)

9/12/04 19:01

Nornin

Já, nú gæti ég haldið langa ræðu um mín laun, en ég nenni því ekki.
Segi bara að það að vera á námsLÁNUM er það versta. 65 þúsund á mánuði! Ég get ekki einu sinni leigt íbúð fyrir þá lúsarupphæð!

9/12/04 19:01

B. Ewing

Ef ég næ nógu góðum samböndum inni á Rúv til að klíka þér í gegn Ívar myndi ég gera það.

9/12/04 19:01

Gísli Eiríkur og Helgi

Ívar þarf ekki erlent vinnu afl að búa einhverstaðar og sjá fyrir börnunum sínum?

9/12/04 19:01

B. Ewing

Erlent vinnuafl á að búa í Erlandi. [Brosir út að eyrum og lyftir báðum höndum upp til himins um að sér hafi fundist þetta ákaflega fyndið]

9/12/04 19:01

Tigra

Akkúrat þetta er ástæðan fyrir því að haugur fólks er að mennta sig í einhverju sem það hefur nákvæmlega engan áhuga á.
T.d. er læknisfræði og lögfræði vinsæl... því þú ert bókað með góð laun þar.
Hefur allt þetta fólk einhvern áhuga á þessu?
Nei. Enda flygsast margir úr námi.
Mér finnst hræðilegt að fólk velji sér ekki lengur störf eftir hugsjónum og áhuga... einungis vegna þess að fólk er hrætt við að geta ekki verið fjárhagslega öruggt í framtíðinni og vill sér og börnum sínum vel.

9/12/04 19:01

Ívar Sívertsen

GEH: Erlenda vinnuaflið kemur jú með alla fjölskylduna með sér eða býr í vinnubúðum og sendir þorra launa sinna til heimalandsins. Þeir sem koma hingað með allt slægtið hafa oftast verið atvinnulausir í langan tíma í sínu heimalandi

9/12/04 19:01

Ugla

Akkúrat núna vildi ég óska þess að hafa frekar lært eitthvað sem gefur vel í aðra hönd heldur en það sem ég hafði áhuga á.

9/12/04 19:01

Haraldur Austmann

Þú átt alla mína samúð Ívar minn og ég vona að það rætist úr þessu hjá þér. Reyndu að halda haus, þunglyndi er vont. Og ég er sammála flestu því sem þú sagðir.

9/12/04 19:01

Vestfirðingur

Þetta er svona í lífinu, Ívar, dálítið upp og niður. En alltaf tímabundið, þannig að þetta breytist hjá þér fyrr en varir.

9/12/04 19:02

hundinginn

Vesælings fólkið.

9/12/04 19:02

Hexia de Trix

Það er eins og samfélagið segi við mann:
„Ef þér finnst gaman að vinna það sem þú vinnur við, nú þá þarftu ekkert góð laun. Gleðin skal vera þín laun!“

9/12/04 19:02

Galdrameistarinn

Hexía. Segðu fólkinu það sem vill ekki vinna við að passa börn á kjörum Reykjavíkurborgar.

9/12/04 19:02

Sundlaugur Vatne

Það er fínt að kenna sund. Ókeypis í sturtu, með sápu og allt!
Í fúlust alvöru: Til hvers að vera að búa til atvinnutækifæri ef það þarf svo að flytja inn fólk til að vinna vinnuna?

9/12/04 19:02

Ívar Sívertsen

Einmitt!

9/12/04 20:00

Heiðglyrnir

Gangi þér vel Ívar minn. Vona svo innilega fyrir þína hönd, að þú finnir draumastarfið þitt.

9/12/04 20:00

Ívar Sívertsen

þakka þér riddari og þakka ykkur öllum.

9/12/04 20:00

Skabbi skrumari

Ljótt ástand þetta, þegar ég stofna fjölmiðlafyrirtækið Skarpmonsfréttir þá kalla ég á þig... skál

9/12/04 20:01

Ívar Sívertsen

ég mæti! Salút!

9/12/04 21:00

Vímus

Þú hefur alla mína samúð. Ég keyrði strætó í fjögur ár og varð að taka tíu aukavaktir á mánuði tl að ná hundrað kallinum í vasann eftir meðlög og skatt. Mér verður enn óglatt þegar ég sé þessi gulu skrímsli.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!