— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 3/12/04
Aukavakt

Eins og menn muna líklega þá keyri ég strætó. Í starfi mínu gerist eitt og annað sem mér þykir skondið og hef stundum þörf fyrir að segja frá. Hér kemur ein saga.

Ég tók að mér aukavakt á Kópavogshringleiðinni síðastliðinn sunnudag. Það má eiginlega segja að þetta hafi verið eitt allsherjar nostalgíukast fyrir mig því að ég átti heima í Kópavogi í eina tíð (og þótti það reyndar ekkert betra en annars staðar).

Þegar ég ók af stað fyrstu ferð þá hrúgaðist yfir mig minningabunkinn. Ég ók fram hjá Þinghólsskóla - sem ég var einu sinni í - og sá þar að það er búið að færa anddyrið framar en það var og því ekki lengur hægt að fara í svo kallaðan Holubolta eða Holó. Þetta fannst mér ljótt að sjá og harmaði það mjög. (Holubolti verður ekki útskýrður nánar)

Svo ók ég lengra og fram hjá gamla húsinu mínu. Það hefur fátt breyst á þessum slóðum skal ég segja ykkur. Því næst ók ég fram hjá starfsstöð Atlantsolíu við Kópavogsbraut og áfram eftir Kársnesbrautinni.

Ég ákvað að stilla á Radíó Reykjavík og viti menn, það var byrjað að spila rokkið sem ég var að hlusta á einmitt þegar ég bjó þarna.

Ég hugsaði nú með mér að það myndi kóróna vaktina ef einn ákveðinn maður kæmi í strætó. Sá er þroskaheftur og hefur það fyrir sið að heilsa öllum og reyndar öllu sem hreyfist og getur alls ekki verið kyrr. Og viti menn. Áður en langur tími var liðinn birtist þessi maður og heilsaði mér vitanlega. Ég glotti við skemmdu tönnina og ók áfram. Hann kom þrisvar í strætó þennan dag.

Þó ég hafi verið á 10 tíma vakt þá var þetta ákaflega skemmtileg vakt þar sem minningarnar streymdu í gegnum hausinn allan daginn.

Ég fékk meira að segja tvær bónus nostalgíur... Stebbi Geit kom í vagninn seinni part dags. Hann var reyndar ekkert málaður en síða skeggið, alpahúfan og öll barmmerkin voru á sínum stað. Síðari bónusinn var þegar ég mætti Jóa á hjólinu. Hann er enn á sama hjólinu og í gamla daga, með alla lúðrana og dótið. Ég verð að segja að þetta var svakalegt trip down memory lane! Ég hvet alla til að heimsækja sínar æskuslóðir og aka þar um í góða stund til að rifja upp.

   (219 af 287)  
3/12/04 01:01

Frelsishetjan

Austurbærinn RÚLAR!!

3/12/04 01:01

Ívar Sívertsen

Já, ég held að þú sért einn á þeirri skoðun [skellir uppúr]

3/12/04 01:01

Frelsishetjan

Alls ekki. Við lömdun þessa Vesturbæjinga sundur og saman í löngu frímó!

3/12/04 01:01

Vímus

Það er ánægjulegt að vita að þú áttir góða aukavakt. Mér verður annars óglatt að hugsa til allra aukavaktanna sem ég tók hjá þessu fyrirtæki, til þess að ná 100 þ. kr í vasann. Einnig gaman að vita að Stebbi Geit og Jói á hjólinu eru enn þeir sömu.

3/12/04 01:01

Galdrameistarinn

Tek undir með Vímus í þessu efni. Stebbi og Jói eru bæjarpríði og maður man eftir því þegar maður keyrði þarna sjálfur.

3/12/04 01:01

B. Ewing

Frelli hefur rétt fyrir sér. Vesturbærinn hefur ekki getað rassgat í mörg ár [dansar stríðsdans Austubæjarins og rifjar upp gömul slagorð] Þessvegna er hann auðvitað "ve(r)stur".

Gaman að heyra að Jói á hjólinu, Stebbi geit og hann Jói (eða Jón,) sá sem heilsar en sá maður kynnti sig fyrir mér fyrir margt löngu og ekki nóg með það, tyllti sér hjá mér eftir að hafa heilsað öllum hinum í vagninum og úr varð óstöðvandi eintal sem var erfitt að leiða hjá sér. Það var erfið stætóferð með mikið af ,,Já sniðugt'' svörum.

Ég fæ reglulega þann heiður að njóta rennireiðarferðar í Kópavoginn þegar bíllinn er þyrstur og þá hef ég alltaf augun hjá mér.

Alveg merkilegt hvað margt breytist ekki í Kópavogi.

3/12/04 01:02

bauv

Djöfull er gaman að lesa þetta!

3/12/04 01:02

Tigra

Austurbærinn er því miður ekki mikið austur lengur Frelsishetja minn. (mín? Hún hetjan?)

3/12/04 01:02

Skabbi skrumari

Þú hefur þó ekki verið að keyra í Kópavogi í gær Ívar minn [flissar]

3/12/04 01:02

Júlíus prófeti

Æji, Austurbær. Rot front hundingjar!

3/12/04 01:02

Nornin

Ívar... það má ekki tefja umferð í 13 mínútur þó einhver kjáni vilji ekki víkja fyrir margra milljón króna Volvónum þínum [hlær sig máttlausa]

3/12/04 01:02

Frelsishetjan

Tígra að segja þetta er eins og að segja að austurbærinn í Reykjavík sé ekki Austurbærinn í Reykjavík.

3/12/04 02:00

B. Ewing

Vitnað í Nornina:
[
...kjáni vilji ekki víkja fyrir margra milljón króna Volvónum þínum...
]

Haha! Nornin hefur ekki setið í strætó í Kópavogi. Í Kópavogi keyra aldrei Volvóar heldur Renault.. (...HRÆ, vona að Ívar sé sammála) Einu Volvóarnoir sem koma í Kópavoginn eru úr 112. Reykjavíkurakademíunni og eru látnir keyra hratt í gegn. Vagninn sem var svona fúll er smávagn sem heitir Ikarus eða eitthvað álíka, auk þess á leiðinda þrengingu sem endalaus vandræði eru á.

3/12/04 02:00

Nornin

Enda forðast ég að fara með strætó... ég á jú þennan fína kúst sem kemur mér þangað sem ég þarf að fara. [Fer í föðurlandið og flýgur af stað]

3/12/04 02:00

Ívar Sívertsen

Ég eiginlega vildi að ég hefði verið fluga á vegg þegar þetta gerðist... Ég var í fríi í gær þegar meint rimma átti sér stað.

3/12/04 02:00

Galdrameistarinn

Úff. Hef lent í svipaðri rimmu og gat ekki bakkað vegna umferðar fyrir aftan mig. Það var á Álfhólsvegi við Hjallaskóla.

3/12/04 02:00

Tina St.Sebastian

Er Gestapó einhver bölvaður strætóbílstjóraklúbbur? Ég verð bara að vona að sæti bílstjórinn minn sé hér á meðal...*slefar*

3/12/04 02:00

B. Ewing

Vitnað í Nornina:
[
...kjáni vilji ekki víkja fyrir margra milljón króna Volvónum þínum...
]

Haha! Nornin hefur ekki setið í strætó í Kópavogi. Í Kópavogi keyra aldrei Volvóar heldur Renault.. (...HRÆ, vona að Ívar sé sammála) Einu Volvóarnoir sem koma í Kópavoginn eru úr 112. Reykjavíkurakademíunni og eru látnir keyra hratt í gegn. Vagninn sem var svona fúll er smávagn sem heitir Ikarus eða eitthvað álíka, auk þess á leiðinda þrengingu sem endalaus vandræði eru á.

3/12/04 02:00

B. Ewing

úps átti ekki að koma fram tvisvar, [furðar sig á hvernig þetta var hægt.]

3/12/04 02:00

Gvendur Skrítni

Já þetta var magnað atvik, prufiði nú að sitja og bíða í 2 mínútur, það er frekar langur tími, en ÞRETTÁN mínútur? Ef fólksbílsmaðurinn hefði ekki vikið þá hefði næsti strætó fljótlega verið kominn í teppuna líka.

3/12/04 02:01

Ívar Sívertsen

Samkvæmt áætlun þá kom næsti vagn 7 mínútum síðar. Það hefði orðið skemmtilegt að sjá.

3/12/04 02:01

Fíflagangur

Iss. Það er ekkert sem heitir austur- eða vesturbær í Kópavogi. Þetta er bara Kópavogur og öllum er skítsama hvað innfæddir kjósa að kalla norður eða niður, svo framarælega sem þeir geta keyrt beint í gegn.

3/12/04 02:01

Smábaggi

Djöfulsins plebbar eru þið.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!