— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
Hver er Róbert Þorsksson

Væntanlegur er til landsins einn mesti skáksnillingur sögunnar, eða hvað?

Það kom fólk í heimsókn til okkar Hexiu í kvöld. Þetta fólk samanstóð af konu og karli. Hún íslensk en hann breskur. Hann hefur búið hér í tæpt ár en þau bjuggu um árabil í Bretlandi. Rætt var mikið og hátt um daginn og veginn og ýmislegt sem því viðkemur. Svo minntist ég eitthvað á það að Bobby Fischer væri væntanlegur ef allt gengi að óskum. Bretinn svaraði að bragði „Who is Bobby Fischer?“ eða í lauslegri íslenskri þýðingu og staðfærslu minni „Hver er Róbert Þorsksson?“

Sýnir þetta okkur ekki bara það að Bobby Fischer er bara frægur á Íslandi? Það halda allir að hér sé að koma snillingur en ég held að hér komi bara einhver klikkaður sérvitringur sem kemur til með að búa í húsnæði Skáksambandsins og bjóða til sín rónum að tefla? Ætlar japanska kærastan hans kannski að koma með líka? Sú má vera meira en lítið biluð að vilja tengjast ástarböndum við slíkan mann.

Einhvern tímann minntist Enter á það að fyrst heimsmeistarinn í skák væri á leiðinni þá væri rétt að bjóða hingað heimsmeistaranum í jójó. Ég held að allir spilapótintátar heimsins komi nú og krefjist landvistar.

Lúdó, Slönguspil, Trivial Pursuit, Risk, Rommí, MasterMind, Sjóorusta, Damm, Mylla, Yatzee, Veiðimaður, Kleppari, Míkadó, Twister, Útvegsspilið og Emil í Kattholti eru spil sem líklega geta gefið mönnum landvistarleyfi hérlendis svo fremi að menn hafi einhvern tíman orðið heimsmeistarar í viðkomandi spili.

Sæmi Rokk fékk að fara til Japan að sækja Bobby. Ég krefst þess að fá að fara til Burkina Faso og sækja heimsmeistarann í Hæ Gosa!

   (220 af 287)  
3/12/04 03:00

Nornin

Og ég vil fara til Addisabbaba og fá heimsmeistarann í fílasaurvarpi hingað til landsins... hann á skilið að koma... gæti kannski íslenskað þessa íþrótt og farið að keppa í búfjársaurvarpi!

3/12/04 03:00

Steinríkur

Þú hefur greinilega aldrei séð fílasaur, Norn mín kæra.
Þetta eru kögglar á stærð við handbolta og ætti þvi ekki að gera lítið úr þessari íþrótt.

3/12/04 03:00

Kuggz

Ég spurði eitt sinn róna sem að lagði til mín með múrsteini í suðrænum löndum, hvort hann hefði heyrt getið um Leif Heppna, hann varð ekki fyrir svörum, þótt hefði dregið sýnilega af honum við þessa spurningu og að lokum sættumst við á að deila bróðurlega smápeningunum er ég hafði í vasanum sem taldi á þeim tíma 150 krónum lenskar. Ég geri ráð fyrir að hann hafi keypt sér máltíð í hvaða formi sem hún var fyrir aurana.

Stóra spurningin sem sótti á mig er ég átti næturgöngu meðfram strönd einni er slysaðist til myndast þarna í kjölfarið á þessu atviki, var sú hvort að máltíðin hans myndi bragðast betur ef hann vissi hver Leifur Heppni var?

3/12/04 03:00

Smábaggi

Æi, láttu ekki svona. Skákin er allt annað fyrirbæri heldur en þetta.

3/12/04 03:02

Hermir

Kuggz er listasmiður, sem hittir nagla á höfuðið. Góður punktur Kuggz.

3/12/04 04:00

Prins

"Sýnir þetta okkur ekki bara það að Bobby Fischer er bara frægur á Íslandi?" - spyr Ívar.

Nei, þetta sýnir okkur bara að gestur Ívars veit ekki hver Bobby Fischer er.

3/12/04 04:01

Ívar Sívertsen

Prins: Þú virðist ekki átta þig á því hvað ég er að fara. Ég er að meina að það er látið með þennan spilagosa eins og hann sé gersemi heimsins. Hann er það ekki. Þetta er bara kolruglaður vitleysingur sem flestir hafa gleymt.

3/12/04 04:01

Prins

Neinei, þetta er snillingur. Alger snillingur... geðveikur vissulega, en snillingur. Og ef það er eitthvað sem má vera meira af á Íslandi, er það snillingar.

3/12/04 04:01

Prins

Neinei, þetta er snillingur. Alger snillingur... geðveikur vissulega, en snillingur. Og ef það er eitthvað sem má vera meira af á Íslandi, er það snillingar.

3/12/04 04:01

Ívar Sívertsen

En þetta er alger auðnuleysingi og vitleysingur! Hann getur ekkert unnið sökum klikkunar og er vanþakklátari en allt vanþakklátt! Út með manninn! Ég vil heimsmeistarann í HæGosa!

3/12/04 04:01

Prins

Þetta er náttúrulega mjög atvinnuskapandi fyrir fagfólk á sviði geðheilbrigðisþjónustu.

3/12/04 04:01

Ívar Sívertsen

Já, en þar sem mikill niðurskurður er í heilbrigðiskerfinu þá er allt of mikið af fólki sem ekki fær viðeigandi meðferð og hann yrði bara pjúra viðbót við það.

3/12/04 04:01

Órækja

Er það framtíðin, innflutningur á sinnissjúku fólki og útflutningur á vatni?

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!