— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/04
Lungnabólga

Heilsufarsmál eru mér oft hugleikin og má leiða að því getum að ég hefði átt að verða læknir miðað við þann áhuga sem heilsubrestur hefur á heimili mínu og þó sér í lagi börnunum mínum.<br /> frásögnin er byggð á sannsögulegum atburðum.

Yngri dóttir mín, Díva Sívertsen (5) , er búin að vera mjög lasin upp á síðkastið. Hún tók upp á því að fá flensuna um daginn. Það er skemmst frá því að segja að henni hefur í tvígang slegið niður. Hún hefur hóstað ógurlega og hitnað talsvert undir kvöld og verið eins og slytti á nóttunni, hóstandi eins og stífluð bílvél.

Við hjónin brugðum loks á það ráð í gærkveldi að senda eldri dóttur okkar, Prímadonnu Sívertsen (7), til ömmu sinnar, Lexiu de Trix, og fór Hexia með Dívu á læknavaktina. Ég hins vegar þurfti að fara á fund rammvilltra raulara.

Svo kom í ljós við skoðun Dr. Sára Plásturz að Díva er með snert af lungnabólgu. Þetta heilsufar barnsins hefur orðið til þess að öll plön um helgina hafa orðið að færast aftur um a.m.k. tvær vikur. Ég hafði ætlað að hitta ágætan mann um helgina en það verður að bíða betri tíma og Hexia hafði ætlað að hitta ágæta konu en allt útlit er fyrir að það bíði líka betri tíma.

Ég mæli ekki með lungnabólgu, þó ég hafi aldrei fengið svoleiðis, því hún heldur manni innan dyra og gerir það að verkum að lítið er hægt að fylla á ákavítisbyrgðirnar!

En Díva litla er nú komin á fúkkalyf og hún virðist öll vera að hressast.

   (226 af 287)  
2/12/04 03:01

hundinginn

Gefðu henni Ákavíti Ívar minn. Hún hefur bara gott að þfí, svo skilur hún pabba sinn betur á eftir.

2/12/04 03:01

litlanorn

ó, vesalingurinn. ég hef fengið lungnabólgu og það er hreint helvíti. megi henni batna sem fyrst.

2/12/04 03:01

Tigra

Ég fékk lungnabólgu í byrjun seinasta sumars.
Í mínu tilviki hafði það reyndar þá orsök að bróðir minn lést og þar sem að á undan því hafði ég gengi í gegnum þó nokkur áföll, þá gaf ónæmiskerfið mitt sig bara hreinlega og ég fékk lungnabólgu.

Ég gerði mér þó alls ekki grein fyrir því strax að ég væri með lungnabólgu, ekki fyrr en ég var farin að hósta eins og stórreykingarmaður og fólkið í jarðarför bróður míns var hætt að gráta og farið að hafa áhyggjur af mér.
Þá var líka farið að hrygla í bakinu á mér þegar ég andaði, svo að ég lét kíkja á þetta.
Þessu fylgdi þó enginn hiti eða neinir verkir eða óþægindi þannig séð, nema bara hóstinn og hryglið.
Læknirinn lét mig bara á einhverjar súper pillur og mér batnaði mjög fljótlega... fór meira að segja á Hróarskeldu stuttu eftir.
(þess má þó geta að bæði foreldrar og læknir höfðu þónokkrar áhyggjur af þessari Hróarskeldu ferð þar sem að það var einstaklega blautt þetta árið, en læknirinn þorði ekki að láta mig taka með auka lyf út þar sem að það væri hugsanlega ekki sniðugt að drekka ofan í þau)

2/12/04 03:01

Skabbi skrumari

Greyið, vonandi lagast þetta fljótt, en láttu hana fara varlega í einhverja daga á eftir að henni virðist vera batnað... þetta getur auðveldlega slegið niður... [hljómar eins og dr. Zoidberg]

2/12/04 03:01

Ívar Sívertsen

Ég ber henni hlýjar kveðjur og þakka góð ráð.

2/12/04 03:02

Montessori

Já lungnabólgan spyr hvorki um stund né stað. Ég lenti íþessu með Barn A þá 4ra vetra. Ég spurði doktorinn hvort ég hefði getað komið í veg fyrir lungnabólguna því í mínum augum var þetta hreinn dauðadómur. Hann sagði nei, nei ekkert, þú ert ekki vond móðir! Þá varð mér ljóst að maður fær ekki við allt ráðið. Góðan bata og bjarta framtíð.

2/12/04 03:02

Z. Natan Ó. Jónatanz

Þetta var nú verri sagan, en vonandi gengur allt að óskum í framhaldinu. Sendi Sívertsen-deTrix fjölskyldunni mínar hugheilustu vinar- & batnaðarkveðjur.
- z n ó j ó n z -

2/12/04 04:01

Hexia de Trix

Ég sé það alltaf betur og betur hvað ég var sniðug að halda mínu gamla eftirnafni. Hexia Sívertsen hljómar bara alls ekki nógu vel...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!