— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
SAAAKLAUS

Tímabært að taka til athugunnar að gera safndisk með lögum með og eftir manninn með brothættu flauelsröddina!

Einn er sá maður sem hefur smyglað sér á ótrúlegustu staði í gegnum tíðina. Hann hefur leikið, sungið og komið fram með einum eða öðrum hætti í mörg ár. Maðurinn er sjálfmenntaður leikari en á að baki einhver ár í hljóðfæranámi.

Maðurinn er Eggert Þorleifsson.

Ég veit að ég hef ekki heyrt allt sem hann hefur gert en ég ætla að tæpa á því helsta sem ég man eftir. Hann kom fram á plötunni Lög unga fólksins með Hrekkjusvínum og söng þar feykilega góðar bakraddir í mörgum lögum sem og lagið Ævintýri sem er eitt af fallegustu lögum íslenskrar dægurlagamenningar. Það er lag sem henntar brothættu röddinni vel. Hann söng líka með Valgeiri Guðjónssyni og Sigurði Bjólu á plötunni Jolli og Kóla lagið Sæl og blessuð sem fjallaði um bræður sem eiga brauðgerð. Þeir komu reyndar fyrir í nokkrum lögum á þeirri plötu en mest í þessu. Einnig tók Eggert lag með furðuhljómsveitinni Faraldri, lag sem ég man ómögulega hvað heitir en það er þekkt undur heitinu Lítil typpi lengjast mest. Í myndinni Með allt á hreinu sem skók bíóhúsin 1982 söng hann brot úr lagi sem situr alltaf fast í hausnum á manni. Textinn í laginu er einhvern veginn svona: <b>Mig langar til að segja þér, minn kæri, um hvað það er sem ólgar inn í mér</b><i> (ég reyndar man ekki þennan texta en minnir að hann hafi verið svona)</i> og í miðju lagi ryðjast Gærurnar inn í húsið, reyna að taka yfir sviðið og lagið fer í upplausn. Egget hefur vafalaust sungið mikið undanfarin ár en með aukinni útgáfu og meira frjálsræðis á því sviði hefur það kannski drukknað í óþolandi verksmiðjupoppi og vélbyssudanstónlist útvarpsstöðvanna. En í myndinni Í takt við tímann kemur hann fram á ný sem rótarinn Dúddi og syngur Eggert þar eigið lag og texta sem heitir Saklaus. Hann gerir það vel og lagið er gríðarlega fallegt! En eins og Eggerts er von og vísa þá endar það á litlum brandara sem bæði fellur undir flutningsgrín sem og bragfræðigrín. Ég ætla að láta lesendum eftir að hlusta á það sjálfir

Það er mín von að einhver hljómplötuútgefandinn leggist nú í grúsk og leiti að lögum sem Eggert hefur sett mark sitt á með söng eða klarinettuleik sínum og skelli þeim saman á einn disk... a.m.k. svona bestof disk. Við eigum það skilið að fá þessi lög, Eggert á skilið að honum sé sýnd þessi virðing.

   (228 af 287)  
1/12/04 23:01

Jóakim Aðalönd

Sammála.

1/12/04 23:01

Heiðglyrnir

Talsetning hans á Tinna, var að sjáfsögðu eitt af 7 eða þá 8 furðuverkum heims, aleinn með allar raddir.
Riddarinn grenjaði úr hlátri þegar ég heyrði fyrstu spóluna. Kemur þessu máli ekkert við þannig, bara svona Riddara útidúr. Muhahahah

1/12/04 23:01

Ívar Sívertsen

Þú ert ágætur

1/12/04 23:01

Heiðglyrnir

Ég myndi nú kannski orða það meira svona, fágætur og frábær, en það er bara ég. Muhahaha

1/12/04 23:01

Limbri

Já var hann með allar raddirnar þar ? Þumall upp fyrir hann. Þetta er sama dæmi og Örn Árnason gerði með Bangsa Bestaskinn og Laddi gerði með Strumpana.

-

1/12/04 23:01

kolfinnur Kvaran

Sammála Ívari, maðurinn hefur mjög góða söngrödd.

1/12/04 23:01

Skabbi skrumari

Söng hann ekki í Stonefree líka?

1/12/04 23:01

Ívar Sívertsen

Ég bara man það ekki... sbr. orð mín um vélbyssudiskó!

1/12/04 23:01

Finngálkn

Gaman að eiga svona íslenska útgáfu af Mel Blank

1/12/04 23:01

Z. Natan Ó. Jónatanz

Sammála, þetta væri góðra gjalda vert.

Titill lagsins sem þú ert að tala um er svomikiðsem "Heilræðavísur Stanleys".
Skráður flytjandi er "Faraldur", en það mun hafa verið band sem sett var saman tilað troða upp á samnefndri útihátíð á Laugum í Reykjadal um verzlunarmannahelgina 1986 efégmanrétt. Stórmerkilegt lag.

1/12/04 23:01

litlanorn

auðvitað. þetta er snilldarráð.

2/12/04 00:00

Galdrameistarinn

Eggert er snillingur og jú hann söng eitt lag í stonefree, man ekki í augnalokinu hvað það heitir, en Maðurinn er snillingur.

31/10/05 01:02

Offari

Þakka ykkur upplýsingarnar.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!