— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 2/11/03
Offita, líkamsrækt og aðhald

Hverjir eru það sem fá sér einkaþjálfara og fara að éta sérstakt fæði?

Ég las ágætis pistil Vímusar um líkamsrækt og tilboð hans um að bjóða mönnum einkaþjálfun. En maður fer óneitanlega að velta fyrir sér hverjir það eru sem þjást að offitu og hverjir það séu sem kaupa þjónustu einkaþjálfara. Þeir sem eru of feitir eru oft á tíðum láglaunafólk sem hefur varla tíma til að borða hollt heldur hendir í sig ruslfæði á hlaupum. Þeir sem eru of feitir eru sem sagt vinnandi myrkranna á milli til að öngla saman fyrir nauðsynjum og helstu skuldum.

Þeir hins vegar sem eru í líkamsræktarstöðvum með einkaþjálfara eru þeir sem hafa það ógeðslega gott. Þeir sem hafa yfir 300.000 á mánuði og eru líklegast ekki með börn geta leyft sér þetta en við sem erum undir 200.000 á mánuði... og já, jafnvel undir 100.000 útborgað verðum að súpa seyðið af því að vera of feit. Mér finnst að í stað þess að fita fyrirmenn þessa lands eigi að nota peningana í að gefa pöplinum einkaþjálfun til að sporna við þeim offituvanda sem samfélagið hefur skapað sér. Þetta er í raun stjórnvöldum að kenna með því að samþykkja meðal annars þessi blessuðu skattalækkunarlög um daginn. Þeir ríku verða ríkari og þeir fátæku sitja við sama keip. Hvar er andi jólanna þá? Helvítið hann Davíð Oddsson er búinn að lagfæra eftirlaunakjörin sín og nú er hann að koma í veg fyrir að það fari allt í hátekju skatt.

Sem sagt, offita er ríkisstjórninni að kenna, við sem höfum lítið milli handanna getum ekki losað okkur við aukakílóin þó við glöð vildum!

Nú er ég hættur að nöldra í bili og hef ákveðið að taka upp léttara hjal... alla vega þar til eftir áramót. SKÁL!

   (244 af 287)  
2/11/03 12:01

bauv

Hihi,Vel skrifað.

2/11/03 12:01

Vímus

Þetta er hverju orði sannara. Það væri ólíkt skemmtilegra að sjá alla umfram fitu Íslendinga utan á vannærðum börnum jarðkringlunnar. Það væri varla erfitt að finna nokkur stykki.

2/11/03 12:01

Hakuchi

Sú var tíðin að ríkt fólk sýndi auð sinn og velmegun með því að hlaupa í almennilegt spik. Hvað varð um þá góðu hefð?

2/11/03 12:01

Illi Apinn

Ég verð nú að segja það að ruslfæði og mikið fitandi matur er dýrari en hollari matur, og munið að hollur matur er ekki bara grænmeti og einhver viðbjóður.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!