— GESTAPÓ —
Félagsrit:
HaNNa_PaNNa
Nýgræðingur með  ritstíflu.
Gagnrýni - 9/12/03
Mulan

Ég horfði á þessa mynd rétt um daginn, og hafði ég gaman af.

Um daginn settist ég niður og kom mér vel fyrir fyrir framan sjónvarpið. Sendi svo Hönnu frænku út í leigu að ná í kvikmynd fyrir mig. Ég kom ekki með neinar sérstakar óskir og kom hún á endanum heim með teiknimyndina Mulan. Þá fyrst var ég örlítið tortryggin þar sem þetta er teiknimynd og ætluð fyrir ungu kynslóðina, en er ég byrjaði að horfa skipti ég strax um viðhorf. Enda komst ég brátt að því að þetta var hin besta mynd og góð skemmtun fyrir alla aldurshópa. Myndin byrjar einstaklega vel, þar sem Mulan er á heimili sínu og lætur sér vel lynda við alla, en svo byrja ósköpin er hún fer í brúðarvalið og konan þar er svo sannarlega ekki vellynd manneskja, nei, enda fer allt í vaskinn hjá Mulan, og hún mun ekki verða brúður. En ekki er öll sagan úti, vegna þess að síðan á faðir hennar að fara í stríð! Það líður Mulan alls ekki, og dulbýr sig sem dáta til að bjarga pápa sínum. Og fer fyrir hans hönd í herinn, og auðvitað virðist allt ætla að ganga á afturfótunum hjá henni, en hún bjargar öllu að lokum. Frábært þótti mér sérstaklega atriðið með snjóflóðinu en þar fer Brad Pitt alveg á kostum sem Sjan Pó. Talsetningin er alveg stórgóð, þá sérstaklega hjá drekanum. Þó ég hefði viljað aðeins betri leikara sem Mulan gef ég þessari mynd 5 stjörnur og ekkert minna!

   (1 af 1)  
HaNNa_PaNNa:
  • Fæðing hér: 2/2/04 18:15
  • Síðast á ferli: 30/8/04 17:41
  • Innlegg: 0
Eðli:
Ég hef löngum þótt merkismanneskja, og ég hef tekið að mér óæðri kvikmyndagagnrýni.
Fræðasvið:
Ég hef ekki meiri menntun en Grunnskóla, og nokkra áfanga í sumarskóla.
Æviágrip:
Ég fæddist árið 1991 á réttum tilsettum tíma, og þótti afar fallegt barn. Ólst upp í smábænum Skagaströnd og er ennþá þar að alast upp.