Er það Ímyndun í mér eða hefur tilvist gestapó tekið skref aftur á við? Getur verið að sögum, atburðum og gjörðum úr svokölluðum raunheimum sé í auknum mæli hampað hér? Þrátt fyrir að tilvist raunheima séu enn bara sögusagnir og engar beinar sannanir hafi komið fram sem styðja það.
Þessu mætti endilega linna.
Raunheimar? Was ist das?
Raunheimar eru ekki til... fólk verður nú bara að fara að losa sig við þessa ímyndunarveiki og smella báðum fótum á Gestapóska grund.
Hugsanlega þyrfti einfaldlega að stofna risastóra meðferðarstofnun í Baggalútíu fyrir þá er þjást af raunheimaofskynjunum [Íhugar að láta auglýsa eftir sjermenntuðum læknum].
Það kemur fyrir að mig dreymi, sjaldnast man ég þó eftir því. Og ég er ekki alveg svo vondur.
Sammála frummælanda.
Raunheimar - er það ekki fjórða víddin? Fer það ekki bara illa með innvolsið í fólki að vera of mikið að dufla og daðra við Raunheima?
Ég skal vera sérmenntaður læknir.
<Tekur upp kokkahnífana sína og gamlar íspinnaspítur>
Hver er fyrstur í skoðun ?
Aldrei hef ég hitt neinn í raunheimum. Sendi bara alltaf þessa gullfallegu leikkonu í teitin.
Félagsritsritari hefur sitthvað til síns máls. Sem betur fer hefur forseti vor stigið stórt skref í átt að því að uppræta það mein sem raunheimavillan er orðin, með stofnun Ofskynjunarmeðferðarstofnunar.
Ég hef verið flæktur í vef raunheimana undanfarna daga. Ég er að reyna að venja mig af þessum ósið enda stelur þetta brölt mitt bara tíma frá skyldustörfum mínum hér á Gestapó.
Ætti ég að fara í meðferð við þessu?
Raunheimatal fékk á sínum tíma sér svæði sem hefur verið endurvakið af ritstjórn... þannig að ég reikna með að það megi minnast á það þar... Það er hið svokallaða Efst á baugi... annars er ég sammála... raunheimar eru ekki til... og ef þeir væru til þá er ég ekki til... þar sem ég kannast ekki við raunheima nema af grínsíðum eins og mbl.is og fleirum sem gaman er að hlægja að...
Þar sem hliðið að raunheimum er Efst á baugi, þá væri kannske best að loka því svæði og reyna að bæla niður þennan ímyndaða heim... því hver vill vera með grín á svona góðum vef eins og Baggalút...
Vandamálið er kannski ekki hin meinta tilvist Raunheima, heldur vangeta sumra til að halda sínum Raunheimi fyrir sig. Slík hegðun eykur líkurnar á að sá Raunheimur yfirtaki sjálfið (jafnvel öll sjálfin í tilvikum sumra), og eftir það er fáum við bjargandi.
Er enginn sálnasafnari hér sem gæti tekið að sér að hjálpa þessum einstaklingum?
gregory maggots orðar þetta vel. Raunheimur hvers og ein er þá kanski bara ímyndunarveiki viðkomandi.... svona eins og ósýnilegi vinurinn.
Sé það raunin má líklega lækna það með raflosts meðferð, sterkum lyfjum og kóbaltbaði. Að ég tali nú ekki um að fjarlægja slæma vessa og nota blóðsugur s.s. iglur skjaldmaura, leðurblökur og jafnvel hakorma.
Vona að þetta hjálpi til.
[Dreifir öryggi til þeirra sem eru ekki raunheimasjúkir. Hinir fá sent hið illa augnaráð.].