Ég hef það oft dottið í hrottalegt fyllerí með tilheyrandi djammi og barferðum. Eftir nokkur skipti af FIT brjálæði þá fór ég í bankann og sagði ljúflega við dömuna þar. "Ef við finnum ekki lausn á þessu þá verð ég að hætta með Debetkort hjá ykkur."
Hún bauð mér uppá 'síhringi-kort' svokallað. Eftir þetta hef ég ekki svo mikið sem einu sinni fengið FIT. Þegar peningurinn er búinn, þá er peningurinn búinn! Hentar mér ágætlega bara.

Svoleiðis á það líka að vera. Annað hvort er peningurinn búinn eða ekki. Ekkert þar á milli nema umsaminn yfirdráttur.

Andskotinn ég þekki þetta.
Svo ef færslurnar eru nægilega stórar, hækka 750 krónurnar yfir í eitthvað óheyrilega óþolandi.
Ég er einmitt ekki með síhringikort, og þar af leiðandi hefur mér jafnvel tekist að taka út í hraðbanka og fengið gulan miða fyrir.
Það var á einhverjum leiðinda frídegi þegar allt var niðri.

Já, það er eins og þeir slökkvi á of mörgum tölvum þegar þeir fara í frí. Bjánar.

Mikið er ég sammála þessu.

Ég var með venjulegt debetkort í bankanum mínum og var í námsmannaþjónustunni með síhringikort og allt, en svo datt þeim í hug að gull-vildin væri hagstæðari fyrir mig og buðu mér gull-debetkort.

Ég er rati í fjármálum þannig að mér datt ekki annað í hug en að þetta væri sniðugt mál og tók þessu gull-korti þeirra.
Nornin var ekki lengi í paradís, því að í fyrstu vikunni með þetta nýja draumakort, fór ég 3x yfir á því (sömu helgina, á einum ákveðnum veitingastað hér á Ak.) því það er ekki hægt að vera með síhringi gull-kort!

Núna eru sennilega 5-6 vikur síðan ég fékk þetta kort martraða minna og ég er komin með 13 fit færslur. Það gera 10.000 kr. og mér sem námsmanni veitir ekkert af þeim.

Ég ætla að hætta með gull-draslið og fá gamla námsmanna-kortið mitt aftur.
Vegna þess að það var síhringi-kort, þá borgaði ég aldrei neinar fit færslur sem komu inn á það (örsjaldan líka).
Fékk það nefnilega upp úr bankastarfsmanni fyrir nokkrum árum síðan að ef þú ert með síhringi-kort þá á ekki að vera hægt að fara yfir og bankinn tekur á sig allann kostnað ef það gerist.

Fáið ykkur síhringikort og hættið í gullvild!

Allan kostnað? Líka úttektina? [glottir eins og bansettans bjáni]

I wish [ullar á bjánann]

Ég er með tékkhefti fullt af gúmítékkum og nota hiklaust ef á þarf að halda.

Ég mæli með síhringikorti og hraðbönkum, alveg hiklaust. Einnig er ég óspar á úttektir úr hraðbönkum enda eru þær gjaldfrjálsar með öllu þegar um debetkortið er að ræða. Síðan sný ég mér að því að eyða þeim peningum sem ég fyllilega og vitandi Á.

Ég hef haft síhringikort í meira en 10 ár og ég ætla aldrei að skipta. Mér var boðið af bankanum að skipta fyrir allmörgum árum (að þeirra frumkvæði, ég er svo góður viðskiptavinur). Ekki leið á löngu þar til gulur miði læddi sér til mín með tilheyrandi veseni og kostnaði. Sagði ég bankafólkinu að breyta kortinu mínu snarlega aftur yfir í síhringikort því ég hefði engan áhuga á svona aukaveseni.

Nornin. Einu gullkortin sem gott er að eiga eru gullkreditkort. Á þeim fer maður vanalega ekki yfirum. Ég mun spyrja sérstaklega út í gull "síhringikort" verði mér einhverntíman boðin slík "vildarþjónusta".

Eitt sem ég gleymdi (og hata).

-
Það er þannig í mínum bönkum að þegar ég fæ tilkynningu um að heimildin sé að renna út (og kosti mig eitt símtal til að framlengja) þá kemur sú tilkynning á GULUM miða (eins og ég sé alger eyðslukló). Það er hinsvegar ekki það versta, enda samdi ég um ótímabundna heimild að lokum [Horfir glottandi á alla] Tilkynningin um að nú eigi ég endurnýjað kort í skúffu hjá bankanum og megi nú koma og sækja það (til hamingju) er lík asent með gulum miða! Má hann ekki vera lillablár eða mosagrænn eða eitthvað annað en gulur?

Ég mæli með því að eiga peningatank með fullt af skiptimynt og eyða henni aldrei. Mohohoho!

Aldrei hef ég verið öndini meira sammála. En sem betur fer á ég ekki við þennan "vanda" að stríða og eyði því öllu.