Það er ekki óalgeng að litið sé til baka við tíma mót sem þessi og árið jafn vel gert upp.
Í heildina litið er ég bara nokku ánægður með mitt ár. Ég hef síðustu 2 ár sett mér markmið, skrifað niður c.a. 10 atriði með það fyrir augum að bæta mitt líf á einvhern hátt.
Flest á listanum gengur eftir að hluta til eða að fullu, og sumt bíður betri tíma. Þetta er eiginlega eins og verklisti, nema að aðal málið er bara að vera meðvitaður um hvert skal stefnt. Hingað til hefur verið efst á lista hjá mér að bæta fjárhaginn með því að koma öllu í skil, borga minni dráttavexti og jafnvel reyna að greiða niður skuldir. Húsnæðismál hef ég líka haft ofarlega á blaði. Ég hef frá þvi ég sleit síðustu sambúð búið í misgóðu leiguhúsnæði, en alltaf í litlu og smátt og smátt kræki ég mér í hentugra og stærra pláss. Smátt og smátt. Ó, var búinn að segja það.
En það er eitt sem aldrei hefur ratað á listan. Sem er miður. Og að það er að rækta betur vinabönd.
Nýverið hefur mér gengið afar vel að særa fólk og það er afar hvimleiður ávani. Því orð eg gerðir er ei auðvelt að taka til baka.
Á þessu ári ætla ég að standa mig betur í að sleppa því að særa vini mína. Það fer EFST á listann.
Í lokin langar mig að biðla landsmenn nær og fjær, nema Geir ólafsson, fyrirgefningar ef ég hef á einhvern hátt sært þá, sérstaklega eina manneskju sem er mér afar kær sem vinur og ég hef sært.

þar til næst... hafið það sem allra best á nýju ári.