Hér í H-landi telst skothelt partítrikk að bjóða Íslendingum í partí. Íslendingar hafa það orð á sér að vera spólgröð partíljón sem finnst ekkert tiltökumál að halda út heila helgi af almennum ólifnaði og maeta svo í munnlegt próf eldsnemma á mánudagsmorgni, saetir og skveraðir.
Margir hollenskir karlmenn eru líka afar hrifnir af meintu frjálslyndi íslenskra kvenna í kynferðismálum - enda finnst þeim sem von er lítið gaman að þurfa sífellt að stíga fyrsta skrefið sjálfir.

En þar með er ekki öll sagan sögð. Að bjóða Íslendingi í partí tryggir ekki aðeins öruggt fyllerí og kynsvall heldur sér það partíinu fyrir síungu umraeðuefni. Íslendingur í Hollendingapartíi þarf iðulega að útskýra ýmislegt hvað Íslandi og Íslendingum vidkemur og fer það eftir skapferli og almennu siðferði viðkomandi, stemmningu í partíinu og fáfraeði viðstaddra hversu mikill hluti útskýringanna er almenn og raunsae landkynning. Með áralöngum vísindalegum rannsóknum hef ég nefnilega komist að því að það er haegt að segja fólki hvaða vitleysu sem er um Ísland og þó vitleysan sé eins öfgafull og ímyndunarafl viðkomandi sagnaþuls leyfir og jafnvel framreidd á vafasaman og ótrúverðugan hátt skiptir það engu máli. Menn trúa henni eins og heilugum sannleika.

Fróðleiksást fólks á sér engin takmörk og oft faer maður framan í sig furðulegar spurningar sem þó eru settar fram í einskaerri einlaegni. Maður getur ekki verið þekktur fyrir að aesa sig yfir slíku. Verra er lendi maður á vel lesnu fólki sem veit afskaplega mikið um Ísland að eigin sögn. Við slíkar aðstaeður getur skemmtilegt partí leyst upp í heljarinnar fyrirlestur af hálfu Íslendingsins sem mótmaelt er hástöfum af vel lesnu Hollendingunum sem að sjálfsögðu vita betur.

Mér finnst við haefi sem Íslendingur með áralanga reynslu af slíkum hremmingum að setja hér á prent 10 asnalegustu fullyrðingarnar sem ég hef heyrt. Eitt er víst, lítið hefur breyst sídan Jón Hreggviðsson fór til Köben.
Ég hef heyrt fólk stadhaefa af fyllstu alvöru að;

1. Ísland sé hluti af Danmörku
2. íslenskar konur borgi útlendingum fyrir að sofa hjá sér
3. að á Íslandi lykti allir eins og rotin egg vegna hitaveituvatnsins í sturtunum
4. að á Íslandi séu engir malbikaðir vegir og menn ferðist um á hestum
5. að á Íslandi sé hvorki sjónvarp né útvarp
6. að á Íslandi sé blóðhefnd enn við lýði
7. að Íslendingar tali ensku að móðurmáli
8. að á Íslandi þyki sifjaspell ekkert tiltökumál vegna mannfaeðar
9. að eini atvinnuvegur Íslendinga séu fiskveiðar
10. að Ísland sé óbyggjandi land vegna gríðarlegra frosta árið um kring og slaems aðbúnaðar landsmanna.

Daemi nú hver fyrir sig. Er skylda Íslendingsins að leiðrétta ranghugmyndir viðstaddra og eyða í það tíma orku og ergelsi - eða á hann að beita ofangreindri sagnalist og ljúga enn meiru ofan á vitleysuna? Eitt er víst, og það er að ég hef persónulega gefist upp á því að hafa vit fyrir vel lesnum Hollendingum sem hafa ofurtrú á eigin vitneskju. Nú kríta ég liðugt í hverju einasta partíi. Siðferðislega rétt? Mér er alveg sama. Á Íslandi er hvort eð er hvorki réttarkerfi né fangelsi - ekki satt?