Hvenær líkur verkfalli grunnskólakennara, spurði einhver mætur maður hérna og dæsti. En svo lítur út fyrir að grunnskólanemar komi hingað í umvörpum á okkar ástsæla Baggalút til að drepa tímann og okkur í leiðinni með vitleysunni í sér. Það var mín skoðun hér lengi vel að það væri alveg hægt að koma hingað og njóta lesturs og skoðunaskipta við mælska og vitiborna Gestapóa án þess að þetta hrafnaspark, gelgjuvæl og vitleysa færi mikið að flækjast fyrir manni. En svo virðist sem að þetta gelgjulið sé hreinlega að taka völdin og það þykir mér mjög miður. Jafnvel hafa virtir Gestapóar sem hér áður höfðu margt skemmtilegt fram að færa hrasað á sama plan og mörg gelgjan og farið offorsi hér á lútnum í æðibunuganginum, þá á ég við hann Frella okkar og jafnvel Hóras. Kannski hefur það líka haft sitt að segja þegar ritstjórn gaf þeim þessar djöflamyndir sem alteregó en það hlýtur að vera varasamt að hvetja þá með svona myndum fyrst þeir eru svo tæpir fyrir í áhrifagirninni að þeir hagi sér eins og Hugverjar við minnstu hvatningu. Legg ég til að þeim verði úthlutað myndum sem mýkja þá til skapsins t.a.m. eitthvað úr smiðju Walt Disneys eða Teletubbíanna það væri líka skemmtileg félagsfræðileg tilraun í leiðinni, okkur hér á gestapó til skemmtunar og fróðleiks, sem er nú einmitt ástæðan fyrir því að flestir eru hér.
Nei, ég verð nú að taka upp hanskan fyrir Frella og Hóras. Þeir hafa löngum glatt okkur eða gramt (ný sögn?) með ólíkindalátum og ærslum, en þeir eru engar gelgjur, blessaðir grallararnir.
Ojá. En þetta eru orð í tíma töluð, án þess að ég ættla að besservissera neitt, enda ekki hálfdættingur í efnislegum innleggjum þeirra kumpána. Verð ég samt að taka undir að röð og regla á þráðum er oft ábótavant. Og suma daga erfitt að þola biðina eftir að hausti sleppir og almennilegur vetur gengur í garð. En oft hefur vetur vætt viskubrunna.
Og þar með dæsi ég mæðulega og lít út um gluggann.
Ástandið núna er þó miklu skárra en deyfðin hér í sumar. En það er rétt að núna er full mikill gelgjuþefur af mörgum nýjum gestum hér. Svona ástand hefur hinsvegar áður komið upp en alltaf verið tímabundið. Það þarf bara að bregðast rétt við því, þ.e. að fara eigi niður á lágt plan og sömuleiðis að láta sig eigi hverfa þó hér sé afbrigðilegt ástand í 1-2 vikur. Reyndar grunar oss að auk verkfalls sé ástæðan koma ritstjórnar úr sumarfríi, svona nokkuð gerist oft er 'stórir' atburðir gerast (byrjun útvarps Baggalúts, vel auglýstar útgáfur á lögum o.fl.).
En eigi eru Frelli og Hóras gelgjur þó stundum séu þeir ótrúlega afkastamiklir hér sem getur stundum verið þreytandi. En stundum hrekja þeir líka burt óæskilega gesti með því að taka 'skemmtilega' á móti þeim.
Að koma útúr skápnum: Ég er asni, kúkur og piss og ekki þess verðugur að vera hér inni. En hvers vegna hefur mér ekki verið sparkað út! Væri ekki lag að virkja síu? Ég biðst afsökunnar á því að hafa verið að rífa kjaft og stunda almenn leiðindi - og í framhaldi af því hef ég ákveðið að fremja andlegt sjálfsmorð... Ekki gefa þessum andlegu þunnildum færi á því að drepa niður góðan vef - hafið upp á þeim og stjaksetjið á tilfallandi brunahönum!
Já, ærslabelgir eiga það til að fylla lútinn annað slagið, en þeir fá leið á því og sumir hverjir vaxa upp úr því, margir hverjir eru nú fullgildir meðlimir Baggalúts og ekkert yfir þeim að kvarta lengur. Frelli er algjör sprelli og Hóras er soddann flór-rass (fann ekki rím) að það er gaman að...Skál
Við gerum bara það sama og við marga sem áður hafa birst hérna, bendum þeim sí og æ á villur í málfræði (og hugsunargangi) eða einfaldlega hundsum þau, afar áhrifaríkt...við þraukum þetta að venju...
Vér sáum oss tilneydda að grípa til aðeins harkalegri aðgerða í almenna spjallinu og hentum þar einum þræði fyrr í kvöld...