<i>Feng shui </i>og flatbökur
<i>Allt er eymdarlegt án þín hér, Þöngull!</i> dæsti kvenþrenningin þegar farið var á Hornið góða fyrir nokkrum vikum. Kaldur dagur varð enn kaldari án skjólstæðings okkur, en við björguðum okkur samt. Salat dagsins þennan daginn (með hráskinku) reyndist snautlegt, en gott. Pitsan á Horninu er afbragðs pitsa, jafnvel sú besta í bænum að mati Júlíu. Þjónustan var fín, ekki ýkt glaðleg en fagleg og látlaus. Staðurinn er þægilega lítill og huggulegur, eins og vitað er, en smæð hans færir með sér þann galla að reykurinn getur verið áberandi og trekkurinn á köldum degi nístandi. En við mælum samt hiklaust með þessu veitingahúsi: Hornið klikkar ekki.
Mús-Lí, Mosa frænka og Júlía