Kúrteisi er best í framandi kringumstæðum, einnig við Flugleiðamat
Hvaða ógeð liggur þar og þykist ostur vera?
Ei er ég á dús við það - ég held áfram að þéra.
Marga þekki ég sem dásama lasagne í bak og fyrir en ég verð bara að segja að ég hef aldrei smakkað gott lasagne, finnst þetta bara vera bragðlaust kjöthakk á pastaplötum... skil ekki hvað á að vera svona gott við þetta.
Ég smakkaði gott lasagna, en það var samt ekki alveg lasagna. Það var gert á sama hátt og venjulegt lasagna nema að í stað lasagna-platna voru notaðar mexíkóskar pönnukökur, svonefndar burritos (ef ég man rétt). Þetta þótti mér töluvert gott. Ef einhver veit rétt heiti á þessum rétt mætti hann alveg senda mér póst (já eða þvaðra um það hér... ef öllum er sama).
-
Svonefndar tortillas, býst ég við. En ég man ekki í fljótu bragði hvað rétturinn heitir.
Hmmm... tortillas segir þú. Ég hef nú álíka mikið vit á mexíkóskum mat og danir hafa á enskri tungu... svo ekki er það mikið. En ég lifði í þeirri blekkingu að tortilla væri stökkt en burrito væri mjúkt... svona er maður illa upplýstur.
-
Flugleiðamatur, samkvæmt orðanna hljóðan er hér um mat að ræða sem veldur leiða í flugi. En það má þó lyfta sér upp til mótvægis með rauðvíninu þeirra, það er alveg bærilegt.
Mikið finnst Riddaranum vænt um framlag lág-gjalda flugfélaganna til þessara mála. pínulítill matseðill, pantar ef svangur, borgar fyrir það sem maður fær, og það er yfirleitt bara þokkalegt, enda þá komin á sá skilningur, að ef um óæti er að ræða, þá fer það bara til baka.
Var á dögunum staddur á Kastrup í kóngsins köben, á leiðinni heim eftir 6 mánaða dvöl erlendis og rambaði þar inn á bás sem var að bjóða flug til Malorca, fyrir hvað hvað haldið þið mikið, jú, einar 4.700 íslenskar krónur. Hennti leggnum heim með það sama og tók þessa vél, og þarna um borð panntaði riddarin sér eins og eina club-samloku sem er bara með því albesta sem hann hefur borðað skýjum ofar. Skemmst er frá að segja að dvölin á Malorca voru 5 dásamlegar sólríkar vikur í heimsókn hjá vinafólki.