Jól minnar bernsku birtust
í byrjun Desember.
Svo fjarska friðsæl þá virtust,
ég fann þau í brjósti mér.

En nú er sú minning í molum
Mammon öll hefur völdin.
Úr sjónvarpi þjáningar þolum
þegar við opnum á kvöldin.

Á haustdögum byrjar skrumið á skjánum,
skelfing sem leiðist það mér.
Allskonar rusl er þar boðið af bjánum,
sem bráðnauðsyn jólunum er.

Keyri sín kaupahéðnar
af kappi í ljósvökum brúka.
Ungdómsins ásjónur freðnar
með eituðum krumlunum strjúka.

Nú eru gjafir í gjaldeyri metnar
og græðgin um taumana heldur.
Þarflausar verslanir þétt eru setnar
þar er jú dómurinn felldur.

Þrengist að hálsinum hengingaról
er hrellir mig verslunar fár.
Því efni ég hef til að halda slík jól
að hámarki þriðja hvert ár.