Viðfangsefni er nú kvikmyndin Kill Bill. Þar er á ferð 4. mynd Tarentinos og slær öllum hinum við, að mínu mati.
Myndin skiptist í tvær útgáfur( á í vændræðum með að koma fyrir mér íslenskri þýðingu á volume). Myndin hefst á bardaga tveggja kvenna, annars vegar aðalleikonunnar Umu Thurman og hins vegar svartrar konu, ég kem nafni hennar ekki fyrir mig. Sú kona er hluti af ofurgengi Bills og Uma Thurman, eina nafn hennar sem upp var gefið í myndinni var "the Bride", þráir ekkert heitar en að koma þeim fyrir kattarnef. Ástæða þess hefur ekki enn komið að fullu í ljós en svo virðist vera sem Bill og ofangreint gengi hafi ákveðið að binda endi á líf hennar. Því fóru þau á brúðkaupsdag Umu í kirkjuna er athöfnin var haldin og myrtu alla, en vitaskuld misfórst þeim að drepa Umu. Þetta varð til þess að Uma féll í dá í nokkur ár en vaknaði um það leyti og umsjónarmaður á sjúkrahúsinu hafði selt einhverjum eldhressum gæja aðgang að líkama hennar. Í stað þess að leyfa honum að hafa við sig kynmök myrti hún hann, sem og manninn er sá um að skipuleggja nauðgunina. Síðan tekur við stuttur þangagangur og hún ákveður að hefna sín á Bill og úrvalshóp morðingja hans.

Þar er megin máli fyrri myndarinnar Kill Bill kominn, eins og kemur fram ofar er hún leikstýrð af Quentin Tarentino. Myndin er afbrragð í alla staði. Leikur, leikstórn, tónlist, sviðsmynd og bardagar, en þeir eru einmitt einkennandi fyrir fyrri hlutann. Áður en ég fór á þessa mynd hafði ég þegar heyrt sitthvað um hana, þ.e. aðallega um blóðbaðið og mannsfall í myndinni. Blóðbaðið-böðin er ómissandi þáttur í myndinni. Nú stendur mér efst í huga lokaatriðið en þar er mikið um að menn missi útlimi sínu og tapi gífulega miklu magni af blóði. Það atriði er að mínu mati gífurleg hugkvæmni af hálfu Tarentinos, atriðið er einkar blóðugt eins og komið hefur fram. Hvernig að því er staðið er ansi kómískt, menn liggjandi, veinandi, útlimalausir þvert yfir gólfið er í þessu tilviki fyndin sjón. Einnig er leikurinn mjög góður. Tarentino hefur engu gleymt þrátt fyrir fjarveru sína.

Ég hef teygt lopann full lengi en að lokum vil ég hvetja alla tilæ að fara og sjá myndin sem er þrátt fyrir lengd sína alls ekki langdreginn. Á heildina litið er þetta afbrags mynd og eiga allir sem að henni unnu mikið lof skilið.