— GESTAPÓ —
Félagsrit:
Rauðbjörn
Fastagestur.
Dagbók - 1/11/02
Lokadagur Októbermánaðar.

Nú þegar það er boðið uppá þessa dagbókarþjónustu er um að gera að nýta sér hana.

Dag hófst vetrarfrí í Verzlunarskóla Íslands, en þar sem ég er vinarlaus þá hef ég ekkert betra að gera en að sitja hérna á mínum óæðri enda við að telja kindur og horfa á endursýningar á kanadískum sjónvarpsmyndum.
Annars þá er þetta fínt, öngvar akademískar áhyggjur svo langt sem augað eygir og móðir mín lætur mig í friði aldrei þessu vant.
Kannski að maður fari í öldrykkjuveislu þegar líða tekur á kvöldið.
Jæja, farinn að borða skyr.

   (26 af 26)  
1/11/07 07:00

Fergesji

Hér hefir enginn laumupokast í rúm fimm ár. Það teljum vér þarfaþing að hefjast handa. Þó munum vér fjarlægja laumun vora hið snarasta, krefjist Rauðbjörn þess.

1/11/07 07:01

Fergesji

Að auki var félagsrit þetta hið elzta, er eigi hafði áður verið laumupúkað.

2/11/07 11:02

Fergesji

Sá fyrsti, er þetta finnur, má láta oss vita í einkapósti.

7/12/08 02:00

Þarfagreinir

Ég er annar - Rauðbjörn sjálfur fann þetta og benti mér á.

Rauðbjörn:
  • Fæðing hér: 9/8/03 07:15
  • Síðast á ferli: 27/1/24 02:25
  • Innlegg: 377
Eðli:
Rauðbjörn er hrokafullur og málhalltur heldri maður sem notar upphrópunarmerkin óspart og hlær að eigin fyndni. Kann hvorki að reima né að brytja matinn sinn sjálfur.
Fræðasvið:
Doktorsgráða í rjúpnaveiðum frá konunglega skotveiðiháskólanum í Edinburg. B.S. í áhugamannanáttúrufræðum.
Æviágrip:
Rauðbjörn fæddist í nöturlegum húsakynnum í bakstrætum Dublinar um miðbik seinustu aldar. Föður hans var írskur handverksmaður og alkahólisti og móðir hans þýskt, lesblint atómskáld.Þrátt fyrir slæmar aðstæður og mikla fátækt þá átti hann mjög gáskafulla æsku allt til þrettán ára aldurs, en þá varð móðir hans fyrir steðja sem af einhverjum ástæðum var búið að koma fyrir á svalahandriði á fimmtu hæð á fjölbýlishúsi. Faðir hans drukknaði svo skömmu síðar í eigin ælu í erfidrykkjunni.Munaðarlaus var Rauðbjörn sendur í læri hjá gregorískum múnki sem kenndi honum ritlistina, Rauðbjörn ferðaðist vítt og breitt um heimin með læriföður sínum sem kenndi honum meðal annars bruggiðnina.Rauðbjörn vann síðan íslenskt ríkisfang í hlutaveltu á japönskum útimarkaði snemma árs 1997 og fluttist hingað seinna það sama ár.