Æsileg frásögn þar sem fram kemur fram m.a. töluverð ölvun og fjölmiðlaævintýri.
Helgina 14.-16. Nóvember eyddi ég, ásamt fleiri ungmennum á svipuðu reki, fyrir utan verzlunina Nexus að Hverfisgötu 103.
Þegar ég mætti, um fjegur leytið á laugardag, en sala hófst ekki fyrren tvö á sunnudegi, voru þegar átta manns mætt.
Hinkrið hélt síðan áfram í 22 tíma og á þeim gerðust hinir ótrúlegustu hlutir, ölvun og svæsið myndefni komu þar inn í en ekki verður nánar útí það farið.
Þegar líða tók að lokum kom síðan eftirlætis fjölmiðlakonan mín, Eva Bergþóra og tók nokkra hörðustu hinkrarana að tali, þar á meðal mig.
Birtist ég svo í fréttum stöðvar 2 á sunnudagskveldið, og ekki nóg um það heldur komst ég að því síðar að mig gefur einnig að lýta á forsíðu fréttablaðsins, úr fókus þó.
Gaman er að minnast á að allt hinkrið bar ávöxt, ég keypti mér og öðrum sæti 12-G, 13-G og 14-G, miðja fyrir miðju.