— GESTAPÓ —
Mikill Hákon
Óbreyttur gestur og  skriffinnur.
Dagbók - 1/12/04
Áhyggjur

Mikið djöfull er ég orðinn leiður á þeim

Já, mikið djöfull er ég orðinn þreyttur á þessum áhyggjum alltaf hreint. Alltaf finna menn ný áhyggjuefni varðandi Gestapó. Áhyggjur breyta ekki Gestapó, aðgerðir gera það.
Einusinni var það innrás hugalinga, svo voru það innrás smábarna, svo voru það hittingarnir og svo núna er það breytt Gestapómenning. Nei, ég veit ekki hvurn djöfulinn menn eru að gera hér ef þeir eru alltaf með þessar sótsvörtu áhyggjur af einu og öllu!
Nei, ég veit ekki hvað ég á að HALDA, þegar gamlir gestaspóar eigra hér um, draugfullir af áhyggjum sem aðeins eru réttlætanlegar með yfirvofandi þungasköttum á allt áfengi!
Viljið þið, sem aðhyllist áhyggjustefnuna, gjöra svo vel og endurskoða afstöðu ykkar til mála. Heimurinn þróast, mæður ykkar þróast, þið þróist og Gestapó líka.

Svo vil ég beina næstu málsgreinum mínum að skemmdarvörgum og móralvöldum:

Hræsnaraávarpið:
Þið þarna, grásleppuþefjandi illyrmishrottar og ljótmenni, skuluð passa ykkur. Hvað í gráhringlandi gleðikonu hafið þið að segja við okkur annað en niðrandi og beinlínis groddalegar athugasemdir. Hverjir þykist þið vera, húkandi þarna bak við tölvuskjáinn ykkar, flengjandi á lyklaborðið ógeðslegar setningar á borð við "Hvað fáið þið eiginlega út úr þessu!?".
Ég hef einfalt svar við því: Það kemur þér bara skrattakollinn ekki við!
Hvenær í gauðrifnu grísafillé kom það ykkur við?! Má ég ekki skrifa allan þann djöfuls andskota sem ég vil hér inn án þess að þurfa að skrifa doktorsritgerð afhverju ég vil það!? Ha!?
Kem ég rúllandi inn í fjöldskylduboð urrandi fullur og neyði þig til þess að segja mér afhverju þú sért þarna!? Nei! enda er þetta djöfulsins nasista -og miðaldaþvættingur!!
Ef ykkur djöfuls líkar ekki við dvölina hér, hundskist þá á HUGA PÚNKTUR I ESS og ekki koma aftur.
Ég hata ykkur, ég hata ykkur af öllum lífs og djöfuls sálar krafti.

   (8 af 58)  
1/12/04 12:02

B. Ewing

Ja hérna hér!!...
Ný fæ ég virkilega miklar áhyggjur...
[leggst undir feld]

1/12/04 12:02

Skabbi skrumari

Lifi Sannleikurinn... lifi baggalútur... Skál

1/12/04 12:02

Skabbi skrumari

Baggalútur átti að vera með stórum staf... afsakið...

1/12/04 12:02

SlipknotFan13

Heyr heyr Hákon. Loks skil ég hví þú ert mikill. Einn daginn skal ég segja þér hví ég er þrettán.

1/12/04 12:02

Hexia de Trix

[Skálar við Skabba] Já skál fyrir Baggalút!

Hákon minn, getur verið að þú sért að hafa óþarfa áhyggjur? [klórar sér í höfðinu]

1/12/04 12:02

Mikill Hákon

Þetta eru ekki áhyggjur, þetta er ádeila.

1/12/04 12:02

Ívar Sívertsen

Orð í tíma töluð Mikill minn! Ég hef oft hugsað með mér hvað fólk fær eiginlega út úr því að tala niðrandi um náungann. Við gerum það stundum hér á Gestapó, en þeir sem eru eldri en tvævetra (300 innlegg eða fleiri) skrifa svoleiðis án þess að það sé meint sem niðrandi ummæli. Hins vegar höfum við brennt okkur á að túlka ummæli nýliða á versta veg. Stundum er það ekki illa meint og þeir eru að læra á samfélagið okkar. Vissulega eru til einstaklingar á borð við Vestfirðing sem virðast gera allt til að vera með leiðindi. Þar fer svartur sauður í annars mörgu ágætu fé. Höfum það í huga (þó ekki .is) og gefum þeim öllum tækifæri til að kynnast samfélaginu okkar á réttum nótum.

1/12/04 12:02

Dr M. Ukrebeksy

Takk fyrir að hugsa um okkur nýliðina.. tvípuntur svigilokast

1/12/04 12:02

Tigra

*gefur Hákoni stórt kisuknús*
Þú þarfnaðist þessa.

1/12/04 13:00

Kuggz

Heill sé Hákon vorum, húrra! *skál*

1/12/04 13:00

Hermir

Fréttir herma að þú sért orðinn æstur Hákon. Taktu það rólega og farðu í fjölskylduboð.

1/12/04 13:01

litlanorn

þrefalt húrra fyrir hákoni, skál!

1/12/04 13:01

Smábaggi

Innilega sammála hæstvirtum keisara.

1/12/04 13:01

Gerpið

Skál fyrir því.

1/12/04 13:01

Vladimir Fuckov

Vér höfum af því vissar áhyggjur að keisarinn skuli hafa af því áhyggjur að vér og fleiri hafi bæði áhyggjur af Gestapó og áhyggjur af því að einhverjir aðrir gestir kunni að hafa áhyggjur af áhyggjum annarra gesta, þ.m.t. áhyggjur af áhyggjum keisarans af að vér höfum af því vissar áhyggjur að keisarinn skuli hafa af því áhyggjur að vér og fleiri hafi bæði áhyggjur af Gestapó og áhyggjur af því að einhverjir aðrir gestir kunni að hafa áhyggjur ... hmm... hvað ætluðum vér aftur að segja [Klórar sér í höfðinu]

1/12/04 13:01

Mikill Hákon

Ég er búinn að segja það! Þetta eru ekki áhyggjur, þetta er ádeila!

1/12/04 13:01

Vladimir Fuckov

Vér höfum áhyggjur af því hversu fáir virðast hafa gert sér grein fyrir því.

1/12/04 13:01

Skabbi skrumari

Deila eða Hyggja... þar er efinn...

1/12/04 13:02

Vímus

Þetta er húmor við mitt hæfi.

Mikill Hákon:
  • Fæðing hér: 8/8/03 20:07
  • Síðast á ferli: 25/6/09 11:12
  • Innlegg: 97
Eðli:
Ógeðslegur maður.
Fræðasvið:
Keisurun, Fuglaskoðun
Æviágrip:
Fæddist sextugur að aldri, gerðist einn af upphafsmönnum Baggalútíu sem tók völdin í Alþingishúsinu seinnihluta ársins 2003 og hefur síðan háð margar styrjaldir til þess að þóknast þeim réttlátu.Var nýlega sleppt af brjáluðum lækni sem hélt honum föngum á ofskynjunarlyfjum.