Ég brá mér inn á síðuna www.persona.is fyrir tilstuðlan félaga míns sem tjáði mér að þar væri að finna "alkóhólismapróf".
Spurningarnar í þessu prófi hljóðuðu þannig:

[listi] [atriði]Hve oft færð þú þér áfengan drykk? [/atriði]
[atriði]Hve marga drykki færð þú þér á dæmigerðum degi þegar þú drekkur? [/atriði]
[atriði]Hve oft færð þú þér 6 eða fleiri drykki þegar þú neytir áfengis? [/atriði]
[atriði]Hve oft á síðastliðnu ári fannst þér þú ekki geta látið af drykkju þegar þú varst á annað borð byrjaður/byrjuð? [/atriði]
[atriði]Hve oft á síðastliðnu ári gerðir þú ekki það sem venjulega er ætlast til af þér vegna drykkju? [/atriði]
[atriði]Hve oft á síðastliðnu ári hefur þú þurft að fá þér áfengi að morgni til að koma þér í gang eftir mikla drykkju? [/atriði]
[atriði]Hve oft á síðastliðnu ári hefur þú fundið fyrir sektarkennd eða samviskuviti eftir drykkju? [/atriði]
[atriði]Hve oft á síðastliðnu ári hefur þú ekki getað munað vegna áfengisdrykkju það sem gerðist kvöldið áður? [/atriði]
[atriði]Hefur þú eða einhver annar slasast eða meiðst vegna drykkju þinnar? [/atriði] [atriði]Hefur ættingi, vinur, læknir eða annar heilbrigðisstarfsmaður lýst áhyggjum vegna drykkju þinnar eða lagt til að þú dragir úr neyslu áfengis? [/atriði][/listi]

Nú, 5 valmöguleikar voru gefnir með hverri spurningu og þótti mér ég standa mig nokkuð vel á þessu prófi (4 í mánuði, 6-10, aldrei, aldrei, aldrei, aldrei, 4 sinnum, aldrei, já - foreldrar(..eru og verða foreldrar)

Nú, þetta er svona annaðhvort í kringum eða minna en hinn venjulegi íslendingur myndi svara en þegar ég þrýsti á "fá niðurstöðu" fæ ég eftirfarandi:

Áfengisneyslan þín er ekki eðlileg
--------------------------------------------------------------------------------

Af svörum þínum að dæma hefur áfengisneysla þín verið heldur ótæpileg síðastliðið ár.
Þú getur fengið aðstoð hjá eftirfarandi aðilum:

AA- samtökin

Göngudeild SÁÁ í Reykjavík (sími: 530-7600)og Akureyri (sími: 461-2397).

Sjúkrahúsið Vogur (sími: 560-7600)
Göngudeild áfengissjúklinga á Geðdeild Landspítalans (sími: 560-1770)
Læknar og aðrir fagaðilar
--------------------------------------------------------------------------------

Ha? Ég brá rétt svo útaf! Ég drekk! Er ég þá stimplaður alkóhólisti og mér sagt að leita mér hjálpar!? Djöfulsins endemis ógeðslega vitleysa er þetta. Samkvæmt þessum niðurstöðum er svona tíundi hver íslendingur ekki alkóhólisti!
Síðan er manni bent á stofnanir eins og "Göngudeild áfengissjúklinga á Geðdeild Landspítalans"!? Mér þykir þetta nú einum of djúpt í árina tekið. Geðdeild Landsspítalans fyrir að vera ungur og skralla nokkurnveginn hverja helgi? Ekki nóg með það heldur er líka "Göngudeild" eins og þeir sem drekka séu bara fatlaðir einstaklingar.

Svona þvaður gengur náttúrulega ekki.

Prófið má taka hér: http://www.persona.is/fors.asp?s1=/ht/prof/afengi.htm