Æruverðuga ritstjórn. Er ekki með aðstoð þar til bærra embættismanna hægt að skipuleggja hér á lútnum svæði fyrir þá sem eru í fýlu, eru móðgaðir, kúgaðir eða í andlegri kreppu af einhverju tagi? Þar gætu einnig þeir dvalist sem eru af einhverri óímyndanlegri ástæðu í "fríi" frá lútnum eða eru jafnvel að reyna að venja sig af honum. Einskonar einangrunar og afeitrunarstöð. Þetta er sérstaklega áríðandi nú þegar hátíðirnar nálgast. Aldrei eru fleiri sjálfsmorð, hjónaskilnaðir, húsbrunar, fjölskylduboð eða myrkar stundir í sólarhringnum en seinast í desember. Því er ákaflega áríðandi að skoða málið á amk tvöföldum hljóðhraða og ráða bót á ástandinu.
Með von um jákvæðar undirtektir vegna hinna hrelldu sála, meðborgara okkar hér, bræður og systur í Baggalútíu.
Golíat

ps ég ætlaði að senda þetta sem fyrirspurn en sá að hér ætti þetta betur heima, auk þess sem sprengidagurinn nálgast alltaf meira og meira.