Ég vil nota þennan pistil til að kynna fyrir ykkur orðið "Gagnvarp".
"Gagnvarp" er íslensk þýðing á latneska orðinu "Internet" sem um þessar mundir tröllríður íslensku máli.
Við allar tækninýjungar kemur visst tímabil þar sem vanhugsað erlent orð er notað í stað almennilegs íslensks orðs yfir viðkomandi hlut. Í stað útvarps var talað um radíó, í stað sjónvarps var talað um tíví og í stað hins byltingarkennda textavarps var talað um teletext. Nú loksins getum við hætt að tala um þetta svokallaða "Internet" og notast við hreinræktað íslenskt orð í staðinn. Hvurn fjandann á annars "Internet" að þýða, ég get skilið að menn tali um silungsnet og flugnanet, en "Internet" er ekkert annað en fjarstæða. Sannleikurinn er auðvitað sá að þetta er alls ekkert net heldur einungis víraflækja og á, af útlitinu að dæma, mun meira sameiginlegt með illa hekluðum borðdúk heldur en almennilegu neti. Sameinist mér því í fögnuði yfir að "Gagnvarpið" hafi loksins litið dagsins ljós.
Sumir vilja meina að orðið "Gagnvarp" muni aldrei ná vinsældum en því er ég ósammála. "Gagnvarp" hefur marga ótvíræða kosti.
► Rökrétt framhald orðanna póstvarp, útvarp, sjónvarp og textavarp.
► Um er að ræða Gögn sem er miðlað. => Gagnvarp
► Varpið er Gagnvirkt. => Gagnvarp
► Hægt er að hafa Gagn af því. => Gagnvarp
► Orðið "Gagnvarp" er einungis tvö atkvæði meðan "Internet" er þrjú atkvæði.
► Felur í sér sögnina að "Gagnvarpa" (s.gjöra kunnugt á "Gagnvarpinu" )sem leysir af hólmi þann leiða orðhnykil "að setja á internetið"
Það mun því ekki vera nema tímaspursmál hvenær "Gagnvarpið" mun verða alfarið ráðandi og einungis verstu hallærispokar munu hækjast við hið erlenda óyrði. Verið velkomin á "Gagnvarpið" vinir mínir! Ljómar upp!
Vamban, betra væri að kalla þetta bara að "kveikja á Gagnvarpinu" í sama skilningi og maður kveikir á útvarpinu, sjónvarpinu og textavarpinu. Sleppa öllu tali um brávser(vafra) og net.
Í stað þess að segjast hafa verið "að brávsa á internetinu" getur maður svo sagst hafa verið "að gagnvarpast" sem undirstrikar hina gagnvirku merkingu orðsins.
Það er nú mest Entervarp á þessum síðum, og eins og allir vita er það gagnslaust.
Það er ekki hægt að segja að þetta sé þekkt orð, því ef að maður googlar orðið kemur það eingöngu fyrir sem mistritun á orðinu "gagnvart"
Ef þú átt við stununa "Andvarp" þá má segja að "Gagnvarp" sé andstæða þess (sumsé gagnstæð upplifun). Sért þú hinsvegar að vísa í íþróttina þá eru tengslin óbein, enda vinsælt að fylgjast með andvarpi á Gagnvarpinu.
.
.
Gagnvarpið er gæða orð
gott á internetið
tillögu mitt takkaborð
telur eiga metið.
.
Ég samþykki þetta orð hérmeð. Farið um heiminn og breiðið fagnaðarerindið... já eða notið gagnvarpið bara.
Það er svo mikið meira hressandi að vafra um gagnvarpið heldur en að brávsa um internetið... Skál
Húrra fyrir GAGNVARPINU.HÚRRA HÚRRAHÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA HÚRRA
Þetta orð er mesta bylting í íslenskri tungu síðan Sigurður Nordal varpaði fram orðinu tölva.
Ég mælist til þess að Glúmur verði sæmdur stórriddarakrossi baggalútíska heimsveldisins.
Flott orð - er ekki ,,netið" samt orðið of rótgróið í málinu? Sakar ekki að reyna samt...
Við skulum öll taka að okkur að ganga með hárspreybrúsa og kveikjara og sprauta eldi framan í hvern þann sem dirfist að segja net í stað gagnvarps.
Þá nær þetta hylli á nótæm.
Ég legg frekar til að n.k. rannsóknarréttur verði stofnsettur til að hafa hendur í hári óþjóðalýðs og öðru hyski er ekki notar orðið gagnvarp heldur einhvurt tökuorð.
Hugsið ykkur bara. Fjölskyldan gæti komið saman á torgum bæja og séð villutrúamenn og -konur brennd á báli fyrir lélegan orðaforða. Og fengið sér rjómaís á meðan. [Ljómar upp]