Tregalag er forngrískur háttur með fjórum braglínum, þar sem frumlínurnar eru af sexliðahætti, þ.e. sex þríkvæðir bragliðir með síðasta bragliðin stýfðan í tvílið, en síðlínurnar eru af fimmliðahætti, þ.e. sex þríkvæðir bragliðir þar sem bragliðir 3 og 6 eru stýfðir í einlið. Hver lína er með þrjá stuðla og skal sá síðasti vera strax á eftir braghvíld, þ.e. í 5. bragliuð í frumlínum og 4. braglið í síðlínum. Rím er valkvætt.

Forngríska hætti á frummáli Regína - fílar í tætlur
hana nú þjaka og þjá - þýðingar Steinríki frá
þegar les finnst henni þramma um sálina - þúsund margfætlur
svona ljóð íslensku á - asnaleg finnst henni smá

Þessháttar ljóðum með þrjóskunni Regína - þröngsýn hér hafnar
einhverju öðru við býst - ekkert á fimmliður lýst
fordómar hennar og fúllyndi núna í - fávisku dafnar
háttatal hrund finnst nú síst - hatar hún allt sem er grískt.