Ég var að fá fréttir áðan, sem ég veit ekki alveg hvernig ég á að meðhöndla.
Þær eru bæði ofboðslega góðar.... en um leið ofboðslega slæmar.
Þannig vill það til að ég á bróður... sem á dóttur... og dóttir hans er ólétt.
Það er fínt að hún sé að eignast barn þannig séð, komin út í nám og býr með kærastanum og svona.......
....en það sem þetta þýðir líka... er að ÉG ER AÐ VERÐA AFASYSTIR!!
Ég er bara 21 árs! Ég vil ekki verða afasystir!
ÉG ER OF UNG TIL AÐ DEYJA!
Eða þúst þannig.
Mér finnst ég allt í einu vera orðin ofboðslega gömul.
Þarfi... mamma mín er ekki orðin amma... mamma mín er ekki einu sinni orðin afasystir!
[Reytir hár sitt]
Ég er nú sextán ára föðursystir stráks sem er jafngamall mér. Það er bara gaman!
Já... Ég varð einmitt föðurystir þegar ég var ársgömul. Það var samt einhvernvegin alveg eðlilegt og miklu ásættanlegra en þetta.
Ef við skoðum þetta raunsætt, þá verður þú orðin langafasystir eftir 20 ár ef þetta verður strákur og hann "stendur" sig í stykkinu.
[Glottir]
Einhvernveginn held ég að það sé minna mál að vera afasystir heldur en ömmusystir.
Að vera ömmusystir held ég að sé soldið mikið gamalt.
Það er held ég alveg það sama... enda hugsa ég að það séu ekki mörg ár í að ég verði ömmusystir líka.
Það er engin leið að ég geti orðið afasystir, en ömmusystir gæti ég orðið, vonandi verður það ekki fyrr en eftir a.m.k. 10 ár, systurdóttur minnar vegna.
Það unnu með mér mæðgur, þær voru óléttar á sama tíma. Stelpan af sínu öðru barni og mamman af sínu 6. held ég
Ég ætla að nota tækifærið og panta ullarsokka hjá þér gamla mín, sem og pönnsur í hádeginu á sunnudögum.
Pffrr... ég ætla að verða rokk ömmusystir!
Kenna barninu um alvöru rokk og enga helvítis ullarsokka!
Auk þess ert þú kokkurinn og ættir að bjóða gömlu konunni í pönnukökur.
Hey Tigra, þú sagðir þennan „ég-er-bara-21-árs“-brandara líka á Saltvíkurhátíðinni 1971 - og jafnvel þá trúði þér heldur enginn. Og sjálf værir þú minnst 18 barna amma ef klamidían hefði ekki leikið dætur þínar svona grátt.
Oss finnst sem vjer höfum yngst. Allt í einu erum vjer miklu yngri en Tigra eftir að hafa fram að þessu verið miklu eldri [Ljómar upp].
Haha, ég er mun eldri en þú Tigra mín og ég er ekki einu sinni orðinn föður- eða móðurbróðir. Ég er síungur! Mwahahahaha!!
Pundaðu svo einni pönnsu á mig gamla mín...
Þú ert ekkert mun eldri en ég!
Þú ert bara ný orðinn 3 ára, ég varð það 26 september!
Vjer munum alveg sleppa við þetta 'vandamál'. Vjer vorum nefnilega allt í einu að átta oss á að eigi getum vjer orðið afasystir. MÚAHAHHAHAH !
Samhryggist - held samt að svona ruglingur sé algengur í fjölskyldum - tvímenningur minn á barnabörn sem eru jafngömul mér og langamma mín, væri hún á lífi, væri 142 ára!
Þettað minnir mig á söguna um Unga ekkju sem bjó til samans með tvítugri stjúpdóttur sinni.
hetja vor kvæntist ekkjunni. Faðir hans varð ástfanginn í stjúpdóttur sonar síns . þarafleiðandi varð eiginkona hetju okkar stjúpmóðir tengdaföðurs sins, hans stjúpdóttir varð líka hans stjúpmóðir. Stjúpmóðir hans(stjúpdóttir eiginnkonu hans) fæddi son sem var bróðir hans
og barna barn konu konu hans og þaraf leiðandi gerðist hann móðurafi hálfbróðurs sins. Eiginkona hetju okkar fék líka son, stjúpmóðirinn
er hálfsystirirbarnsins og líka amma þess Faðir hetju okkar er mágur barna barns síns og hetjan stjúpbróðir sonar síns og mágur móður sinnar og afi sjálfss síns eða þannig lagað held ég
Hehe... Krumpa... ef langafi minn væri á lífi, væri hann 166 ára. Hann hefði verið 145 þegar ég fæddist.
Ótrúlega skemmtileg flækja er GEH lýsir og m.a.s. vjer hefðum eigi getað lýst henni í styttra eða skiljanlegra máli.
Langalangaafi minn hefði orðið 164 ára í dag... ef hann hefði lifað...
Ég er tæplega þrjátíu árum eldri en 13 ára og er ömmusystir ömmubarnsins míns og nú er ég ekki að ýkja.
Já og konan hans hún langa lang hefði orðið 200 í vór síðastliðið.
sjálfur er ekki orðinn fertugur.
Langafi vor væri rjett rúmlega 150 ára [Hrökklast afturábak og hrökklast við].
Kannast við svona flækjur, á unga móðursystur (2. árum eldri en ég) og eitthvað er um að börn af sitthvorri kynslóðinni séu fædd á svipuðum tíma í mínum ættum.
Hvað er annars að ullarsokkum?
Það er enn betra að rokka ef manni er hlýtt á fótunum.